化粧貼士
Q1.化粧之後冇幾耐就甩o左大半粉,膚色唔均勻,點算??
解決方法,皮膚太乾o既人o係搽完粉底之後,用礦泉水噴霧噴面,再搽乾粉就會好好多。皮膚太油o既人o係印完面油之後,順便補補粉就掂。
Q2.兩條眉高低得好厲害,怎辦?
唔好畫太粗同黑色o既眉,輕輕掃兩下灰色或棕色眉粉就可以了。
Q3.點樣可以令唇膏襟D?
用不脫色唇膏!!用普通唇膏就搽完之後用紙巾印一次,撲一層乾粉(薄),然後再搽一次唇膏,最後用紙巾印一次,ok!!
Q4.用碎粉之後發覺D粉好厚,點算?
搽完粉底,撲完碎粉之後,用大頭o既化粧掃,輕輕由額頭開始向下掃一次,掃甩哂多餘o既粉,最後噴一次礦泉水,就更貼更薄。
Q5.有黑眼圈,應該點?
搽粉底之後,o係眼肚位置點幾點遮瑕膏,用手指輕輕抹開,然後再化粧,記住遮瑕膏一定要薄同淺色過粉底少少。
Q6.塊面有暗瘡,咁點算?
首先一定要洗乾淨塊面,搽埋化粧水,再用完全不含油分o既粉底,搽粉既時候最緊要唔好太大力,尤其有暗瘡位置更加要輕輕手,唔應該再用胭脂。返屋企第一時間落粧呀。不過最好有暗瘡時,唔好化粧啦。
Q7.化粧之後應該幾耐補一次粉?
每個人都唔同,例如唔夠睡o既時候面油多Ｄ,咁就要補粉補密Ｄ。最好唔好響公眾場合補粧啦！
Q8.要出門去旅行,最簡單要帶D乜化粧品?
一盒Two
Way CAKE乾濕兩用粉,一枝唇膏,一個睫毛夾,一枝眼線筆,仲有落粧液呀！
資料來源:《基礎化粧》一書
Two way
Cake 用法:
濕搽方法~~上粉前,先將海綿充分吸水,然後用力擠乾至完全不滴水。先沾海綿1/4的粉量,從T-字部位開始上粉。沾上海綿的1/3粉量,搽下巴部份。將海綿沾上1/2的粉量,搽兩頰位置。用海綿上殘餘粉量擦其他細微部份。
乾搽方法~~將完全乾淨的海綿以輕滑的力度沾粉餅。後額頭開始,以按壓的方式上粉。全面上完粉後,再以海綿沾粉的那一面將粉推勻。
如何令自己的面顏變得細小呀?
可以在面上用啡色的粉底做陰影,因每個人的輪廊不同,所做的陰影位置也有不同。
1.方面型可塗於耳下的顎骨位置,以減低面的凌角。
2.長面型則須藏下巴部位,塗於這位置以縮短長度,達面細效果。
3.圓面型可塗於顴骨側位,減低面闊視覺,收窄面型。
看起來很自然的胭脂是怎樣塗的呢?
先用手去感覺頰骨的凸起的位置,用大的掃子在頰骨和眼尾對下部份掃上就可以了,而在顏色方面,比較成熟的感覺可以用啡色,而可愛的感覺可以用粉紅色。
想眼睛大一點,畫眼線是最好方法,但畫左眼線很難畫得平衡,那怎做才好?
用手剔起眼皮先畫眼中間眼尾,再畫眼頭至眼中間地方,看一看把不好的地方擦走,就可以了。
怎樣塗眼影能令眼睛看起來更大更圓?
可使用一淺一深的雙色眼影令眼晴更具立體感,看起來更圓大。先以淺兩度的淡色眼影塗在眼窩位置及眼尾加上深一度的眼影粉就可以了。
有什麼簡易法令睫毛變得更長更密?
同時運用纖維睫毛液及黑色睫毛液。效果快捷明顯,而且自然。先以"Z"手勢用白色睫毛液替睫毛打底,待一分鐘後,再用其他黑色的睫毛液,睫毛就會出奇地變得更濃更黑。
如何令薄薄的雙唇輪廓更突出?
可先在整片唇上塗上薄薄一層唇膏,再在唇的中間位置塗上同色系但淺一度的唇膏,待唇膏稍乾後(約2分鐘),再在唇上塗一層水感較重的潤唇膏。唇部自然變得柔潤立體。
資料來源:《More美容百科》一書
待續............................................
