03的最後一夜

在今年完結之前，很想寫東西給自己，就像往年一樣。也許是太耐沒有寫文的關係，文筆也顯得生疏了許多，算了吧！網頁只是俾自己睇，何必那麼講究？在提筆寫這篇東西時，腦子一片空白，心情很苦，因為今天身體唔舒服的關係(尋晚嘔到死左)，阿爸阿媽唔俾我在屋企countdown，令我頓時覺得無曬節日氣氛，唉…有無人明白我的心情？

回望03年，在我而言係辛苦的一年，經歷了會考和幾個月的中六生活己經足以令我疲累不堪。有時我會想，甘辛苦讀上中六究竟為乜？以前的我，是一個鍾意讀書的學生，現在卻變成只為考試而讀，很可悲嗎？我覺得現在中六的生活彷彿?有玩樂，很想可以偷得浮生半日閒，但往往事與願違。回想今年最開心的時候，就是有多過6小時睡眠的日子。自中六開始，我所追求的東西越來越簡單，快樂＝睡得好、可以同班friend一齊食lunch，這樣我就覺得很滿足了。而今年我最喜歡既就係D day, why?因為有一堂Assembly，一堂Religion和一堂空堂，真係好relax，我好祈待依一日…而我今年最唔開心就係做maths club主席，坦然我有d後悔…數學學會在我而言是一個很重的檐子，我覺得自己實在負檐不起。起初，我的確滿腔熱誠希望可以做好依件事，亦深信自己既能力。但經過這四個月的挫敗，我發覺自己真係唔得，我見到個club有甘多漏弊但又 束手無策，我真係覺得好心痛。究竟有無人當過我係主席？這幾晚我都在想，以後我應抱?一個怎樣的態度去做這個主席，應該得過且過抑或做得更好？

在2004年來臨之前，我希望許下一些願望和定下目標。首先，我希望下年的我會開心過今年的我，在面對順境或逆境時，都已從容的態度面對。我要相信上帝揀俾我既路係最好，我要更加順服神，下年希望有機會開始傳福音的工作。在學業方面，繼績努力，不要灰心，在2nd term exam要爭口氣，目標是5名內!近日常常埋怨身邊的人不關心我，但諗深一層，自己又何嘗對自己的家人、朋友少了一份熱切的關愛呢？所以從下年起，我立定決心要愛我身邊的人，所以大家唔開心就要找我，我唔開心都會找你地。多一份關懷，會使世界更美。最後，希望主多加保守我的身體、我的家庭和我所愛的每一位。