終於都算捱過了這一次艱辛的考試。老實講今次嘅試卷�m唔係難度高到不能應付，但係個個都話唔係好識噃！真係唔知點解？可能人人都輕敵（上次啲卷超淺啊！），而且考完試又有個超級長的人口普查假期，個心唔散至怪！今次考試可以用一個四字詞語去形容，就必定係「强差人意」喇。英文嘅G.E卷竟然可以有十幾個肥佬。中文作文雖然題目超淺＜多姿多釆的校園生活＞，但人哋叫你記敘＋描寫，個個淨係掛住平鋪直敍，今日Miss
Lee同我講中作又肥咗10個喇！（今次死梗囉!!）可憐我地係F.3嘅精英班，大家係唔係有少許「世風日下」嘅感覺呢？
次次你哋問我考成點，但係問咗你哋又要唔信！今次係我喺協同讀咗咁耐最無信心嘅一次。就連我自以為强項嘅中西史，都死得非常慘重，其它科更別提了!真係喊都無謂。點解我今次咁唔「肉緊」？哈，哈，明知自己考得差嘛！既已作咗最差嘅準備，唯有作最壞嘅打算。表面上可以扮到毫不在乎，但自己心裏還有點不是味兒。也許關sir是說得對的，人生必然遇到挫折，重要的是你懂得重新振作。可能過幾天心情就會好起來呢？