我係3A班彭霈雯,今日好開心可以有機會和大家說話。唔知大家在剛剛過了的考試裏面考成點呢?相信各位同學已經得到自己應得的成果了!不經不覺已在協同都讀了兩年幾,由小學直到宜家F.3,經歷了不下數十次的考試,雖然不是考得差,但係如果你問我喜不喜歡考試的話,兩年前的答案會是:「不喜歡。」我諗只有好少學生會真正喜歡面對考試的。
考試對每一個學生來說都構成了不少的壓力,考得好當然值得高興,但大家試想,萬一失手又如何呢?不但要承受同學的冷言冷語,而且返到屋企亦會受父母的責備吧!所以我整天都會想,學校無考試會點呢?究竟考試是否真的有自己存在價值呢?有很多同學,好似我咁,一提到考試就唉聲嘆氣,縱使無奈,但仍然要參加校內考試,亦將要參加專業考試等。
既然考試係學習之中無可避免的環節,何不積極一點去面對?隨住自己年紀漸漸長大,對考試的觀感亦有所轉變,我明白到考試最重要的意義是考核同學對知識的掌握,透過考試可以清楚顯示學生掌握知識的程度,明白後我都唔再抗距考試喇。其實考試係極需要準備的,所謂「準備」並非指死記,死背資料,而是指考試前夕和考試時所做的準備工夫。為了考試前可以輕鬆一點,每日放學我都會盡量抽一兩小時出來溫習老師今日上堂所教的東西,可以避免考試前一晚讀唔晒要捱通宵,平時養成閱讀課外書的習憒亦會對考試有一定的幫助。考試前我會依照住考試科目的先後次序,設計一個溫習的時間表,例如星期一溫中文,星期二溫英文等,這樣可以幫到我更有系統地利用時間,如果再加上靈活運用考試技巧,在考試時就可以爭取更佳的成積。每次拿到試卷,我都會用半分鐘翻閱一次,之後再由自己有把握的題目開始落筆,千萬唔好一接到份卷就急急落筆!
有時間就話可以作多些的準備工夫,如果距離考試餘下一兩日但仍未溫熟該怎辦?這些情況是否經常發生在大家身上呢?我自己就試過喇,我提意大家千萬不要手忙腳亂,因為驚都係無補於是,但係亦不要抱有半點放棄的心態,我自己的原則是寧願溫少一點,都不可以馬虎草率,我會首先溫重點和最有可能考的範圍,時間許可才溫較次要的題目,雖然臨急抱佛腳一定唔會有好成積,但溫得少總比唔溫好,我鼓勵各位同學千萬唔好放棄,唔理出來的成積怎樣,只要盡過力問心無愧就夠了!希望大家聽完我的分享後,會掌握到點去應付考試,而且在每一個考試都可以全力以付。最後藉此機會多謝在座的老師,祝各位同學學業進步,多謝各位!