2003年7月12日 (六) 晴

壞習慣

...我為0左一個固執0既朋友歡呼萬歲...因為佢已經知道問題而解決...
...可能係日記版寫0左佢好多關於佢唔0岩0既0野...希望佢唔好介意喇...
...但係我真係好衷心祝佢改到陋習...當然我唔能夠改到佢十全十美...
...我又唔係神...我都有錯嘛...係佢改正0既同時...
...我都希望改下自己0既固執...因為我衝動...
...唔能夠忍一時之氣...有時我為0左呢0的性格而感到不安...
...總之大家加油喇...努力改晒0的陋習...
...多謝手信...我會唔捨得食...

...搵素材搵到唔知時間...午餐都變下午茶囉...
...我又好冇用咁開罐頭而整到自己隻手...失敗...

...近來為0左跌爛部電話而煩惱...因為唔想俾爹娘鬧我...
...唔想佢地擔心...我就要咁樣冇晒0的儲蓄喇...><...


2003年7月11日 (五) 雨

貴客光臨

...今日阿瑩瑩豬貴臨我屋企...玩大富翁...
...我0的屋企人係咁可愛0架喇...=_=|||...嘿嘿...

...今日交水費個時...見到選民登記...即拎0左一份...Yeah...


2003年7月10日 (四) 晴轉陰

可怕

...發左一個甩牙0既夢...即係表示...父母有難...
...一早就聽到屯門有巴士跌0左落山...好可怕啊...
...死0左好多個人啊...號外都出0左啊...

...我出0左去買電話喇...唉...俾我細佬誤導0左Tim...
...早知唔買喇...整丫嘛...唉...><...


2003年7月9日 (三) 晴

黑運當頭

...今日一早...準備去游水...就跌爛0左部電話...
...諗住帶阿妹去游水...真係吹脹...唔俾入...
...真係激氣...好想打個兩個串咀看更...
...跟住俾人放飛機...我憎死你啊...

...唔該我想搵個首Mv係個主角飄浮半空0既個首歌...
...英文歌...個Mv仲有0的紅色氣球飄飄0下0架...
...如果知道個歌名唔該講俾我聽喇...十萬個唔該喇...


2003年7月8日 (二) 晴




2003年7月7日 (一) 晴

生日快樂

...今日係董伯伯六十X歲大壽...今年0既生日禮物難道係...
...民意新低點...35分...真係諷刺...
...政府終於屈服俾五十萬人之手...算吧喇...

...今日冇水冇電...冇乜0野0既...只不過買完報紙要行上35層0者...


2003年7月6日 (日) 晴

睇0下點?!

...田少係夜晚辭去行政會員0既職位...唔知佢係真係憑良心做事...
...抑或為0左係政治世界上仍然生存...我感覺上佢係一個冇義氣0既人...
...但係又能屈能伸...不過暫時都對我0地呢班蟻民冇害0既...






...All Right Reserved By 小勵...