<自知之明by藍奕邦>


沒有可愛面孔 
不懂嘩眾取寵 
未太懂去用言語誇張掩人耳目
一早知道沒那種資格 
營造氣氛欺騙觀眾 
但那青蛙亦有公主包容 

沒有趣緻賣相 只得一對手掌 
一邊唱一邊彈 平凡變得漂亮 
沒有那個大志去當萬人迷 
當了還覺得牽強 

沒有想怎麼討好所有人..
只知道安守我小小本份 
不愛用半句埋怨博取一個憐憫
唯有專心做個知足的人 
從未厭棄過自己身份

沒有咋舌技倆 
都不必太緊張
醜小鴨跟天鵝 
同樣發光發亮 
沒有興趣為某君裝扮模樣! 
堆砌盛世來鋪張 

就算我知音只一個人 
給他去欣賞過仍是有幸 
自己都知道還有那一些我沒有 
唯有專心做個知足的人 

我也不稀罕討好世人 
之所以不需多修飾缺陷 
***不要護蔭更何況我不需要憐憫 
從未怕看到這麼逼真 !

就算我知音只得這鋼琴 
都不要緊反正我很開心 
自己都知道沒有法子可以完美 
唯有安心做個簡單的人 

沒法逼你欣賞 
給我尖叫鼓掌 ..
但至少我就此發表清楚我立場









  15-10-2004 ....

 今日上physics堂其實好想喊
 唔知自己做緊乜, 
 luk sir話幫我補習果刻我仲想喊
 講真, 覺得自己真係好冇用

 成日俾黨sir鬧, 
 我真係唔想再同佢嘈, 好辛苦!
 我做錯左d乜? 我覺得自己冇做錯喎..
 係要睇到我想喊, 佢先肯停口..為乜?

 我為乜?

 


  11-9-2004 ..

 好彩上禮拜做完唐山, 如果唔係今個禮拜會死..
 
 返左一個禮拜學, 感覺係唔知點算
 bio日日都要溫書..d野多到冇人有!!
 日日放學都好支力!
 不過高sir好得意!!! 真係超級得意!!
 
 今日返航青meeting, 上course
 History of Aviation! 我覺得好悶呀..
 上左2粒鐘之後 footdrill
 好玩好多! 因為今日天氣好涼~好舒服!
 dismiss之後睇埋d file就走

…………………………………………………………

 天氣轉左, 聞到陣味..
 諗返起好多野....唉

 


  4-9-2004 ..

 雖然得兩樣功課..
 但係都覺得好多野做
 要做埋唐山, 又要寫信社proposal
 要溫返d chem, 又要睇下d physics..
 呢兩日都要返meeting, 又要學design, 冇時間!!
 而兩日都好眼訓...

 今日勁早起身! 
 航青賣旗日, 其實我真係唔係幾想去
 不過會計service hour, 咁我就去啦^^
 都幾好生意! 又可以同cpl傾下計
 11點幾放, 好肚餓! 冇食早餐餓到暈..
 返到屋企食完野即訓.. 

 好驚上physics堂,一粒字都聽唔明呀我....
 chem都好驚, 自己一個做experiment
 我唔識架喎..

 


  1-9-2004 ..

 開學.. 冇咩感覺
 個腦都係諗緊d成績, 好驚會好差..

 高sir做班主任
 feel到佢勁勁勁nice!! 做佢學生好free^^
 希望呢兩年勤勤力力開開心心!!

 


  30-8-2004 ..

 一早就約左鄭sir飲茶..
 變態架.. 7點幾8點要出到去, 
 搞到我搭車果陣好唔舒服, 勁想嘔!!
 鄭sir遲到, 累我地等左個半鐘, 凍死+餓死
 不過今次飲茶好開心呀, 識左唔少野
 鄭sir鄭太d思想好開通!!
 飲完茶同廖文浩佢地去買書
 之後返屋企lu

 下晝同家姐出左旺角行街
 而且我終於都買左隻Baby-G喇!
 其實紅色同橙色好靚, 好想買!但係太sharp喇..
 最後經家姐男朋友遊說都係買左黑紫色, 家姐都話好^^
 之後陪家姐睇袋, 我順便買埋條nike pe褲
 終於都買左條pe褲.. 我唔想再著之前果條!!
 食埋下午茶後返屋企

…………………………………………………………………

 上面歌詞轉左做自知之明
 因為歌詞實在太正, 藍奕邦都唱得好好聽!

 我也不稀罕討好世人...

 


  28-8-2004 ..

 劉翔超爆勁呀..勁死左喇!!

 麥施丹講得好o岩..
 爾虞我詐呢個定律, 希望我會明白
 "活得比傷害你的人快樂才是正經事"..
 多謝麥施丹!

 


  26-8-2004 ..

 好唔gur囉..
 好多野都唔係我講架喎
 乜都係你講你提出
 點解日記打返出黎就變哂係我講架呢?!
 好奇怪呀可^___________^?

 扮傻我一樣識.. 唔係得你先識架咋
 唔該可唔可以知醜少少呢?!

 


  25-8-2004 ..

 candy 同阿揚ive都得左! 太好多!
 唔洗擔心咁多~ 而家安樂哂!
 阿揚做我既形象設計, 咁我就幫佢起樓啦! 哈哈~
 
 今日o係屋企執野.. form5 d notes好多好亂!!

 夜晚收到沙展既e-mail, 
 係helicopter training programme
 好想去好想去!! 有captain同民航d人教..
 完成左個course 如果pass左仲可以去澳洲考牌
 簡直係我既夢想.........可以去澳洲呀...
 唔好話坐直昇機, 我而家仲可以考埋牌
 如果得左, 咁就完成左我人生既其中一個夢想喇!
 覺得自己好咋女呀!! 哈哈!!! ^___________^!
 不過同阿媽傾完之後.. 發覺可行性好低..
 第1.. 我冇既係時間, 個course有排上, 唔駛返學牙?!
 第2, passing mark 係70/100, 唔pass咪前功盡廢?!!
 第3, 去澳洲學飛要AU$22,000 ~ AU$28,000, 好貴呀
 不如都係考完a-level先學啦...唉

 我既夢想一定要等埋我呀..我將會係Captain Tam架!!!

 



 突然覺得呢個世界好可悲
 當你覺得無助既時候, 
 你身邊有冇一個真真正正值得你信任既人?
 佢永遠都唔會離棄你, 唔會出賣你, 唔會中傷你?
 我搵唔到我信任既人, 只係搵到一d戴住假面具既人..
 佢會o係你背後做好多野中傷你..
 講好多驚人既大話,為既係乜?
 我都想知..

 


  24-8-2004 ..

 一朝早就返航青..仲好眼訓呀
 今日有一班新仔黎到, 好野..有人細過我
 o係班新仔入面, 我見到阿yu同羅子駿
 太好喇.. 好多人呀
 
 返到去上堂.. 講Customs and Courtesies
 上完堂就foot drill... 好熱好辛苦
 不過好好玩!! 雖然我今日做錯好多野..
 left turn又做左right turn, 但係都冇俾人鬧
 成班人o係度笑, 我竟然o係呢個時候面紅!! 冇用..
 footdrill完dismiss, 我同沙展o係度傾計..
 佢竟然問我想唔想搞night journey
 仲叫我call人.. 太好喇T.T
 我好似終於有返d野做, 想升都有返d希望..

 我竟然覺得滕海濱靚仔..
 連我自己都覺得冇乜可能! 不過佢真係好勁~
 但實在太矮喇.. 得1.56m

 


  22-8-2004 ..

 今日同阿揚去學室內設計
 今堂教色彩學, 都幾好玩!!

 再見喇吳靜欣..
 **我會掛念你  當星光優美..

 


  21-8-2004 ..

 航青既night journey因為天雨關係而取消
 好彩我仲未熨套u咋
 如果唔係真係哂我d時間!!

 今日超級頭痛..好辛苦

 


  20-8-2004 ..

 搞左咁耐, 今日終於可以同吳靜欣出街喇!!
 (上次走左去行街冇同佢游水, sorry!!)
 今日有阿揚, 我, candy 同陳浩儀
 首先就係去green box唱k (唔識去創興..搞左好耐)
 勁好玩呀!!! 笑都笑死~~
 唱I Love U Boy'z果時真係笑到停唔到...
 
 唱到4點多d, 之後去左影貼紙相
 影左好多.. 好支力, 笑到冇哂力
 今次影得超搞笑! 部機超好玩
 o係火車睇返d相都係咁笑.. 好正!!!

 影完去打機, 一人都係用左2蚊
 玩左好耐既photo hunt
 玩完就走lu

………………………………………………………………

 吳靜欣要走喇.. 好唔捨得
 雖然我地form3之後少左見面, 又唔同班
 但係好彩練跑都會成日見到佢, 補習又一齊
 仲記得年年我跳高比賽都係佢幫我拎呢樣拎果樣架
 哈哈~ 仲俾人話佢係我私人助手..
 而家冇左佢.. 邊個做我私人助手 ^________^?
 諗返起都真係心都酸埋~ d回憶實在係太美好喇..唉
 
 同佢玩左咁耐.. 都整喊左佢唔少次..
 次次都搞到我勁驚, 唔知點算咁
 我係貪玩左少少o者, 哈哈~ 
 俾我知道左佢其實係超級軟弱..
 
 真係希望佢過到英國要開開心心啦
 無論咩事我都會支持你架!

 


  18-8-2004 ..

 今日約左閃閃同麥施丹去買書
 得果幾本書..好快買完
 買完之後行左陣就去左飲野..
 坐到差唔多5點就走喇~~

 21-22號航青既night journey要買好多野
 冇錢喇!! 唔想買埋d無聊野呀!!

 返到屋企睇奧運
 今年既體操實係太慘喇..失手無限次
 好失望

 


  16-8-2004 ..

 今日開始睇《唐山大地震》
 不過都係睇左好少咋.. 好悶..

 下午收到葉立衡既電話, 問我會考考成點
 好耐冇聽過佢把聲..佢依然係超級口花!
 希望佢o係melbourne生活開開心心啦
 我總係覺得要自己一個人去外國讀書一d都唔容易..
 要面對好多問題, 自己去解決
 但係我好想有咁既機會..

 


  14-8-2004 ..

 今日返航青
 好悶
 雖然有來賓黎睇我地, 但係我都好pea
 平時我咁緊張又狂俾人鬧喎
 今日咁pea又冇人鬧我.. shit!!

 


  13-8-2004 ..

 今朝11點去左嘉福拎航青既通告
 12點半約左閃同麥施丹o係火車站等
 第一次同麥施丹出街喎~感覺唔錯!
 最終都係去左沙田, 諗住買返學鞋
 點知我3點又要返去代家姐補習.. 返左粉嶺
 不過唔緊要.. 大把機會第日再出過

 補完返黎家姐話想同我出旺角
 咁我就同佢出左喇.. 陪佢周圍睇衫
 家姐睇中左jean cox件衫原價$3xx減到$70
 睇到我眼都跌埋, ice fire仲要有埋8折
 $70再減到$56..... 平到唔似買衫..
 仲有周圍都做緊sale, 
 家姐叫我睇下有咩衫中意就買俾我喎(多錢成咁)
 真係好喇有個咁既家姐^______^! 不過都係睇唔中~~

 之後佢就陪我去睇返學鞋
 始終都係俾Dr Martens吸引住.....
 所以都係買左,$559..媽咪俾錢話係獎勵喎
 太好喇!!
 之後家姐男朋友請食飯, 返到屋企好支力...

 


  11-8-2004 ..

 放榜日.. 其實已經唔係好驚
 因為之前已經驚完..
 約左candy, yi同揚一早就返學.. 其實都係冇咩做
 到9點上hall, 校長又講下野咁
 閃6A!! 坐o係我前面係咁同我講話要請人食飯
 我都鄧佢開心, 可以拔尖
 不過其實我冇心情聽佢講野, 因為我好緊張...

 9點半校長up完就知成績喇
 一睇果時見到最差都係一個D..所以定左少少
 之後我唔知下面有寫幾多分所以走去計分..白痴!!
 我猛咁叫閃閃幫我睇下.. 因為我都估唔到自己有23分!
 但係art拎A 都唔知叫好定唔好, 幾驚甲寅會因為咁而唔收我
 之後黃麗萍叫我填form升中六..(發夢都冇諗過)
 開頭我真係覺得升甲寅定升鳳一都冇所謂
 因為我都一心諗住去第二間讀
 但係後尾聽到鳳一full哂.
 真係個心都跳埋出黎, 即刻希望可以入甲寅..
 因為除左鳳一我真係唔想讀其他學校!
 好彩最後一個讀名係我.. 真係鬆一口氣!


 


  8-8-2004 ..

 原本今朝要上first aid course,
 但係後尾又取消左.. 所以訓到11點先起身
 一起身就好頭痛..唉

 2點返航青footdrill..好彩今日唔曬咋
 今日好多人都返左黎, 成班人咁操
 搞到我好緊張.. 因為我真係好唔得
 最尾我同幾個都唔係好得既人分開操..
 有個好耐冇見既女leader教我地
 佢勁nice勁搞笑.. 搞到我冇咁驚
 又成日引人笑, 好開心!
 後尾操到5點幾就即係飛返屋企沖涼
 因為6點約左阿揚學室內設計, 超級趕..

 第一堂果時返左大陸所以miss左冇返
 今次返都幾期待.. 今堂教"人體工學"
 好pro.. 嚇親, 講d野都幾得意
 個阿sir有時講d野都幾搞笑!!

 


                                      與她都生疏了 為何仍會掛念她 ..?
 


  7-8-2004 ..

 約左揚同candy一齊影學生相
 candy借我條校裙黎著.. 
 又唔肯除自己著緊果件衫喎, 迫爆我條裙..哈哈!
 跟住終於肯換, 去左酒樓換
 死人candy又唔除褲, 搞到成個菲律賓人咁, 笑死呀

 之後周圍行.. 去商務, 撞到黨sir
 好耐冇見佢, 好掛住佢^______^
 又撞到pm, 又係好耐冇見喇

 有樣野一定要講既!
 就係我地行去龍豐果時, 
 有個賣野既女人唔知同邊個講左句"靚女"
 candy極快咁擰個頭望向個女人度..
 哈哈~~~ 笑死....

 夜晚返到屋企睇警信之後睇波
 睇得我好緊張, 好想中國嬴..雖然我乜都唔識
 劉雲飛極靚仔呀!!
 
 ………………………………………………

 換左At17既"你好嗎"
 聽At17既歌好舒服...

 


  26-7-2004 _____ 6-8-2004 ..

 返左大陸..
 其實都係冇咩野做
 睇電視食野同埋訓覺..
 好彩冇肥到..kaka  ^___________^!

 


  25-7-2004 ..

 今日同陽光玩遊戲..
 一早就返航青, meeting place係屯門河福堂中學
 去到果度已經見到好多好多cadets, 有d仲認得佢地!
 今次係NT wing既meeting, 
 係同iace (國際航空青年團)既外國cadets 交流~好緊張
 
 去到成大班人o係度操,rehearsal re左成2個幾3個鐘
 至少有30個cadets 頂唔順暈左..真係陰公
 我又乜都唔識, 係咁亂操
 而且有好多人, 我做錯左都冇人知..kaka!
 又見到我做recurit cadet果時既沙展
 佢手臂一行章咁.. d章多到我唔信!
 佢係我見過咁多沙展中最多章既一個.. 
 當然, 亦都係最惡最有原則果個, 我都幾鐘意佢份人
 起碼唔會好似有d leader咁, 
 自己做錯就推落班仔度.. 得個鬧字
 (o係航青俾人鬧係唔可以反駁, 只可以認錯)
 所以我真係好唔鍾意呢d leader..

 到左1點, d外國cadets黎到..我地就要正式操喇
 今次係我第一次正正式式上parade ground
 心情都幾緊張.. 點知操果時勁齊!! 個feel超正
 操操下, 我見到有條友真係頂唔順想暈咁
 最後我聽到"啪"一聲.. 佢直立咁達左落地....
 好陰公!不過精神可加!! 勁

 返到屋企黑左好多..

 



 好唔開心.. 
 希望冇事啦...

 


   19-7-2004 ..

 今日照鏡覺得自己真係好肥.....
 點知就發神經落左街跑步
 熱到死, 跑到我死下死下咁
 跑完走左去食雪糕, 唉..早知就唔跑啦!
 而家搞到仲衰tim

 之後去左游水..游左14個塘
 已經唔想再游喇.. 真係好鬼死懶呀我!
 游完又食雪糕, 哈哈~
 今日做咁多運動都可能運吉
 而家好眼訓..Zzzz

 


   18-7-2004 ..

 10點幾航青o係粉嶺火車站招募..好多奇異眼光! 
 我同partner 企左好耐好耐先搵到4個
 仲要俾人話唔積極, 梗係啦, 你唔駛搵..
 又要俾人當氣袋, 
 好多野唔係你自己親身去做,
 根本就唔會了解到當時係咩情況!
 冇資格話我! 俾著係你你都會咁做.. 唉!! 唔gur

 1點lucnh, lunch之後又要飛返陳朱footdrill..
 熱到根本唔想做任何野.. 仲要footdrill
 不過今日都好d, 得好少人
 instructor 又唔惡, 對我地勁好, d野慢慢教 
 我終於明左好多, 唔駛成日得個驚字!
 操左差唔多4個鐘, 終於走得!

 


   17-7-2004 ..

 今朝9點返航青.. 一早返到去都冇咩野做
 今日既任務係招募陳朱d F.1仔入航青
 開始既時候我地都係整下broad.. 搞下d模型咁
 最尾搞掂哂喇.. 仲有時間, 就要footdrill..
 唉..好慘呀!! 又要footdrill..

 係喇~今日呢, 航青就黎左個幾靚仔既阿sir
 不過佢唔係後生果d, 係老老地果d
 開頭對佢印象都唔差架..
 點知佢o係我地操緊果時無啦啦發左神經
 無啦啦問我, 步操講求d乜..
 (又係我喇..點解次次都係抽中我, 好野就冇我份!!)
 我咪答"合作"咁囉, 點知佢話聽唔到喎 (擺明玩野)
 我再答多次,佢又話聽唔到.. 重覆又重覆咁差唔多有5次!! 
 最尾果次我出盡全力好大聲咁答佢, 佢話"聽到喇"
 shit!!! 我諗真係成間陳朱d人都聽到囉!!
 我都feel到自己面紅耳赤咁囉.. 好唔好意思囉真係
 (大家睇下..又係我喇.. 又係我o係全世界面前出醜喇..)
 既然我都出慣醜, 如果佢下次再問我野
 我實行嗌到佢耳膜都爆埋! 好嬲呀!!!!! 

 聽日仲要返去..極之唔想返.. 
 俾呢個阿sir打沉左我喇已經, 唉!

 …………………………………………………………………

 尋晚打去絕情谷, 不過係打唔通架..
 $10000 呀!! 好想要呀.. 我同阿揚已經傻左喇..
 如果拎左果$10000, 我要即刻買返隻B女, 同佢扮到靚一靚
 阿揚就話要買高達喎! candy就話要磨皮, 
 咁我就順便做埋個瘦面療程喇, 阿揚又話要做埋gym喎!
 哈哈~ $10000真係俾左唔少希望我地...

 其實都係$10000 o者.. 講到好似三千八百萬咁..
 我諗諗下.. 不過嫁個有錢佬咪仲好
 阿揚又傻左.. 佢話佢,我,yi,candy 加埋阿tor, 
 由二十歲做野, 做到六十歲......四十年.....
 每個月要搵到 $16000......我地5個加埋先有 $38000000..
 嘿..嚇到傻左......... 

 


   14-7-2004 ..

 今朝10點返到學校幫手賣書, 我仲係好眼訓..
 d人成11點幾12點先開始入黎, 
 之前d時間差唔多係運吉, 冇野做!
 開始有野做果時就幾好玩喇!
 我同阿揚負責F.3 d書既分類,
 一開始F.3幾多書, 搞到我地好鬼多野做
 佢地就得個望字..哈
 最快搞掂又係F.3.. 搞掂哂都1點

 我同阿揚即刻飛去龍琛打波
 我諗阿tor一定係10個無奈..
 去到果時已經1點3, 得佢一個
 林怡未到, candy lunch緊.. 我地仲要冇帶波!
 不過今日完全冇心機打波.. 

 打完波去紅樹林食tea, 其實係lunch
 冇食早餐, 又打埋波, 真係極肚餓!
 見到個唔靚既靚女.. 哈
 食完打諗住打籃球, 但係因為太熱..
 結果坐左o係區場度傾計.. 傾左好耐..
 傾到我勁想訓....
 最後等埋candy d"教友"黎搵佢我地就走喇..

 


   13-7-2004 ..

 約左林怡返學, 點知我遲到..
 以為佢冇等我所以自己走左先.. 原來佢仲遲過我!!
 好熱好熱.. 返到學校又見到d 警察跑步, 仲熱!

 11點聽完個講座,同yi,揚,candy出去唱k!
 話時話, 我真係好耐好耐好耐冇唱過k!
 今日去左創興間green box唱, 我第一次去green box
 覺得唔錯! 不過冷氣勁大.. 我一路震一路唱
 唱多左成兩個鐘都冇cut我地..唱到聲都沙埋! 哈哈~

 唱完k去影貼紙相, 呢樣都係十世冇做過囉
 勁運吉呀我地.. 四條友乜都唔識
 亂咁黎既.. 係咁o係部機面前大叫!
 雖然係運吉左d, 但係又影得幾靚架喎
 之後又行左一陣, 見到blythe一條超短pant都$69!
 我自己都識整啦, 佢d款唔係特別得去邊..
 之後同candy睇行山鞋, 睇完就返屋企lu

 o係火車度我地又發癲..plan 定聽日開始要狂做運動!
 游水打波行山, 變態到要去埋library睇書!
 仲有family day, 行街日同休息日! 
 希望身體好d之餘..最緊要係唔想o係屋企pea........

 **其實今日真係好好好玩! 
   好耐好耐未試過出街咁開心啦!!! ^________^.
   
 



 共你相識三千天 我沒名沒姓 
 慶幸也與你逛過 那一段旅程 
 曾是日夜期待你 施捨一點同情 
  我對你是固執 做夢或太熱情?  

 在世上 沒有多少東西會盡如人意 
 多數像諷刺 逐年成長 必經苦戀故事 
 我愛你 你扮作不知 

 完了吧 如無意外 重今開始該好好戀愛 
 放下從前一段感情 才能追求將來 你就似沒存在 
 完了吧 仍能撐起來 前進便讓自尊心放開 
  告別從前總是不易 然而假如只得我在 
   這不是場定成敗的比賽  也不願盲目留在這愛海  

 舊訊息應該刪走 再沒留憑證 
 我共你去到最遠 也只是友情 ...
 如現實是場玩笑 一早清楚內情 
 過去是勇敢 或是未肯適應? 

 我與你 就算始終不能相愛 
 這一種情份 可一也都可再 
 我用心戀愛 下段道路定更精彩

 完了吧 如無意外 曾失戀的 都必須戀愛 
 放下從前一段感情 才能追求將來 你就似沒存在 
 完了吧 仍能撐起來 前進便讓自尊心放開 
  告別從前總是不易 然而怎能只得我在 
     愛不是場定成敗的比賽...  

 


   10-7-2004 ..

 今日好早就起左身喇..一早起身熨套u
 好眼訓好眼訓.. 完全唔想做野.. 唉

 10點返到陳朱, 又係烈日當空, 又係要操
 唔知係咪今日好冇心機.. 俾人鬧都係好pea!
 11點9 lunch, 12點要返返去, 我真係好想打人!!!!!
 你食俾我睇丫!!! 買都買唔到啦!! eat shit!

 12點有個陳朱全校pat pat最大既阿sir黎同我地講野
 o係度教我地操, 仲要我地叫佢阿sir, 我地眼都突埋
 你係阿sir, 咁我係咪madam?! 冇佢咁好氣..
 陳朱今日畢業禮, 我由2點企到6點, 間中有得坐下
 我真係好唔明, 你畢業關我咩事?! 
 你做咩搵我黎同d唔識既人敬禮?!
 
 返到屋企極速沖涼食野, 仲有就係發脾氣!
 其實我都唔知自己做乜.. 總之就係唔想做任何野..
 一落床就訓著左..
 
 


   9-7-2004 ..

 今朝一早出左去! 約左阿揚..
 首先去中環既香港動植物公園..
 整體黎講, 都冇乜野好睇
 最好都係睇植物.. 因為有冷氣!!
 隻美洲虎都幾靚..但係佢訓著左
 d 鳥類就真係冇咩好睇..而且又臭..
 最好睇都係d 馬騮同猩猩啦
 我係依然相信我幼稚園睇果隻猩猩係勁大架...
 不過去到睇下.. 最大果隻都矮過我
 之後去埋爬蟲屋, 得一條蛇同d巴西龜......

 之後行去金鍾地鐵站.. 再行左一陣
 就去tst搵林怡.. 終於見到佢講果個女仔!
 真係著得好"靚"..kaka
 又係周圍行.. 又去左m記pea
 3點就去左美麗華食cake buffet
 開頭諗住自己一定可以勁食架..
 點知果1個鐘真係好辛苦囉... 飽到嘔!!
 我地係度講.. 寧願食cake定係讀書..
 我寧願讀書.. 哈哈~ 好想而知係幾咁飽!
 不過果度d cake都ok好食既, 係少款左d

 食完cake搭船去返中環, 
 6點就去到香港大會堂睇睇cO1設計學校d畢業生既作品展
 講真d作品真係唔係太靚.. 多數都係唔靚
 一係就勁普通, 但係有小部份就真係勁靚!
 睇完出黎.. 我隻腳已經勁痛..
 又搭船返tst, 睇8點半果場激光水幕.. 都幾好睇既
 睇完又坐多陣.. 行下咁.. 香港d夜景都真係幾靚!
 返到屋企支力到乜都唔想做.....
 
 


   4-7-2004 ..

 今朝拎左我前排借既書出黎睇,發覺過左期3日! 
 原本係極之唔想出街既...但係都迫住要去還書喇

 還完書o係圖書館睇左陣書, 見到有本室內設計既書
 原來台灣有d屋既樓底會特別高, 可以分開兩層
 但係又唔係獨立式既屋.. 叫做夾層屋
 唔係太大間又可以有兩層, 加多條樓梯仔, 正!
 如果我有間就好喇..
 
 


   3-7-2004 ..

 今日朝早彈琴..canon!
 彈黎彈去都係果度.. 因為好難!
 不過我會俾心機~ 因為canon真係好好聽..

 lunch之後就返航空青年團喇
 今日對自己既表現好滿意呀
 首先, 記得俾禮阿ma'am, 而且冇做錯!
 open formation check 套u, 阿ma'am話very good!
 好開心~ 而且估唔到咁耐佢都仲記得我全名...
 今日係咁行雷閃電~ 所以唔洗暴曬
 仲有羽毛球打~ 落住毛毛雨咁.. 太舒服喇..
 之後要footdrill, 我唔駛..因為阿ma'am知我on leave好耐..
 開頭都有d失望.. 得個坐字.. 就黎訓著
 後尾阿ma'am話佢地d footdrill 實在太差..
 要同我一樣.. 由頭學起! 哈哈哈~ 太好喇

 footdrill之後, 
 阿ma'am俾我地果隊人既新structure我地睇
 我竟然做到中隊既administrator
 太開心喇! o係個心度笑左出黎
 以我呢個黎左3個月就on leave 9個月既cadet黎講
 係一個奇蹟...原來阿ma'am話我大個, 信得過我喎
 雖然係因為我老.. 但起碼係一個好開始!
 
 今日臨時唔可以同阿揚去頒獎禮~真係十個唔想
 佢話有好多野拎, 又有燕窩蛋撻食喎
 好想去.. 話哂都叫大比賽嘛....唉!
 
 


   30-6-2004 ..超級超級熱

 今日首先約左阿揚o係火車站等
 見到有個女仔對鞋好靚.....
 佢幫我報名學室內設計, 真係辛苦哂佢喇!!
 其實呢d班都應該係for大人
 如果我同阿揚走去學.. 一定好異相
 不過唔緊要啦!

 之後o係沙田join林怡, 睇spiderman 2 !
 我記得我2年前睇spiderman 1果時已經等緊2喇
 所以今次真係勁期待!
 好鍾意睇佢o係d樓中間飛黎飛去, d動作超靚!!
 睇親佢飛都覺得好震撼.. 即時起哂雞皮
 不過又覺得佢好慘.. 有口難言
 但係我就唔係咁鍾意個女主角喇
 一d都唔靚既.......點解會搵佢做架...失望
 希望快d有得睇spiderman 3!
 **希望我今晚發夢會見到spiderman黎救我啦!
   我想做spidergirl...^________________^.
 
 唔知今日沙田搞乜, 周圍d人都講英文架
 成間戲院d人都講英文咁, 嚇親我!
 仲有好多係又笑唔係又笑既人..
 有人竟然o係完場既時候拍手掌!!
 覺得今日d人有d唔尋常tim!

 之後去左宜家家俬, 好耐冇去過喇!
 次次去都係講果句"嘩!如果我大個間屋係咁就好喇!"
 希望我大個會有個好正既屋企啦!

 返到屋企擦鞋.. 開住冷氣都擦到出哂汗..
 好辛苦....如果我有個擦鞋工人就好喇!

 


   29-6-2004 ..

 呢個假期都唔知點過好.. 好悶..

 一起身已經悶到頂唔順
 唯有去圖書館睇書..
 今日熱到癲! d汗起勢咁流..
 好彩去到圖書館涼返d咋
 o係圖書館搵到d教人刺繡既英文書
 本本都好靚! 中文書永遠都冇架..
 開頭想借架~ 
 不過知道自己一定冇心機睇d英文
 而且都慣左自己呢種三分鐘熱度架喇
 所以.. 都係唔好借喇..
 都係借返d watercolour/oil painting既書
 
 之後去左商務睇書~
 俾我見到一系列既童話故事書!
 真係本本都好靚架..好靚!!
 好想買哂佢.. 不過係冇可能架.. 
 因為我就算有錢買哂佢地.. 都係貪佢地靚
 要我睇哂佢.. 可能要等下世..
 non-no柴崎幸做cover girl
 覺得佢就算普普通通都可以好靚好有feel!

 今晚我阿妹問左我一條問題
 佢話係佢老師以前大學讀心理學果時既試題黎
 問題係 "如果你覺得呢條係一條問題你就答啦"
 我答o岩左, 但係就搞到我對心理學幾失望
 答案係: 如果你覺得呢個係一個答案你就改啦
 我覺得呢條問題好無聊and多餘..

 好悶既日子..

 


   28-6-2004 ..

 尋晚發左兩個夢..

 一個夢我做左消防員
 我要救火+救人..好辛苦!
 最辛苦係我竟然要救谷德昭
 我仲要揹住佢出黎!

 第二個夢係我會考有23分!
 開心到暈..
 但係醒左就好失望..

 


   27-6-2004 ..

 今日變左個傷殘人士..
 我兩隻手.. 完全係痛到冇得頂!

 


   26-6-2004 ..

 今日係我on leave之後第一次返航空青年團
 心情係超級緊張, 所以套u一早就搞掂哂!
 尋晚拎返d野出黎背~ 諗住今日實冇死..
 仲以為會俾阿sir讚..點知係相反..

 一返到去, 我竟然走左去同人say hi
 冇向阿ma'am行禮..我根本唔知有個新阿ma'am...
 好慘.. 好彩冇事咋!
 open formation check 套u果時..
 萬中無一咁俾阿ma'am發現件衫有線頭..
 哈~你唔好再睇得清楚d.....
 呢條線累我烈日當空跑左兩個校圈
 又要我背cadet pledge, 好彩真係背左咋!

 footdrill既時候阿sir已經發覺我乜都唔記得哂喇..
 結果所有人就要就住我..極級唔好意思...
 無啦啦阿sir又要我地鬥快跑
 我又好無啦啦咁俾人衝跌左, 眼鏡同頂帽都跌埋
 隻眼側邊擦損左, 個咀流血......
 全世界都望住我................
 我話冇事.... 佢真係當我冇事架..好慘

 玩完一陣game就close formation
 又check多次套u.. 今次真係臨尾都要香多次
 俾阿sir發現我扣錯belt! 掌上壓x15..
 我平時一下都做唔到架.. 不過都要死撐
 下下都係貼哂地再撐返起身..
 做做下聽到阿ma'am同個阿sir講野..
 佢話... 點解個女唔除帽
 我真係即刻想死.. 點解我會唔記得除帽架?
 阿sir走黎問我上年summer camp有冇學過
 我話冇.. 佢放過左我.. 
 就係咁, 我講左o係航空青年團既第一個大話!
 做完掌上壓, 我好似冇左兩隻手咁..完全舉唔起

 整體黎講今次返meeting係完全失敗
 我既目標由做沙展變為唔好俾人罰
 今日好興!! 
 所以返屋企仲左我生平第一個凍水涼~舒服

 

1