<%@ Language=VBScript %> 衷心感謝

衷心感謝......

我同"無得頂先生"既婚禮真係多得一班任勞任怨,出心出力,全力以赴既兄弟姊妹幫手,佢地不但請假幫我地做兄弟姊妹(因為我地擺酒同埋出門個日係星期四黎嫁!!)仲要晨咁早起身....真係多謝曬!!佢地除左正日同埋行禮個兩日幫手之外,係婚禮前仲同我同"無得頂先生"開會.講run-down,諗遊戲,又同我地東奔西跑......如果無左佢地,我地既婚禮真係無咁順利嫁~ 多謝曬呀!!好等我續一多謝佢地先!!

                 

姊妹團名單 兄弟團名單
Tracy(大會統籌), Joey(當晚司儀), Suet Yee(伴娘), Lam, Vivian, GiGi, Kim, Anise,JoJo 阿東(伴郎+司儀),小肥(大會統籌),阿定,下佬,鄭寶,阿賢,阿君,阿禧

特別嗚謝(排名不分先後呀)

Tracy(大會統籌) Tracy幫左我好大好大既忙呀,佢由去年十月已經幫我手,陪我試衫,睇相,睇佈置....之前又出黎開會,諗遊戲,當日仲幫我手做統籌,樣樣都要理,又要幫其他兄弟姊妹,又要聯絡酒店既人,總之辛苦喇!!Tracy多謝你呀!  好感動呀!!第日你結婚,我實出盡力,訓身幫你嫁!!
Suet Yee(伴娘) 雪儀係我婚禮之前已經幫我手諗RUN-DOWN,遊戲,仲幫我整左個靚靚愛的宣言TIM,結婚個日,佢除左係我伴娘之外仲做左貼身保標,HEEEE,好在有雪儀炸,我先可以安心影相!!
Joey(當晚司儀) Joey係我婚禮之前已經幫我手諗RUN-DOWN,遊戲,有會開佢必定出席,總之就逢call必到喇!!佢當日幫我做司儀,佢同阿東既配搭,令到當晚氣氛好正,連d賓客都話佢pro呀!!
阿東(伴郎+司儀) 阿東真係唔話得喇,又做伴郎又做司儀,婚禮當日要同Joey對稿及搞氣氛外,仲要幫手set up遊戲,真係無啖好食呀!!
小肥(大會統籌) 小肥當晚都係無啖好食呀!因為佢同Tracy一樣,走來走去,去幫其他兄弟姊妹喇,去睇下有咩漏喇!真係辛苦呀!!第二日仲同我地去還衫TIM呀!!
阿定,下佬,鄭寶 多謝你地又請假又借車俾我地呀!!
LAM, VIVIAN, GIGI, KIM 多謝你地尊登請假幫我手呀!之前又出黎開會,一齊諗遊戲,當日仲幫我手換衫執野!!多謝曬!!
阿賢,阿君,阿禧,Anise ,JoJo 多謝你地請假黎幫我地呀!!
黃國堯牧師 黃牧師除左係婚禮上幫我地做訓勉之外,之前仲幫我地做婚前輔導呀!!真係好有用呀!
馮家輝弟兄 Peter係婚禮上擔任我地既主席,其實佢仲係我係教會既福音班導師,所以佢見證住我係教會同埋人生既成長嫁!!
余秀蓮姑娘 其實我同余姑娘唔係太熟嫁炸,不過當我邀請佢幫我地讀經既時候,佢就一口應承喇!!真係令我地好感動呀!多謝曬余姑娘
周思雅姊妹 思雅係百忙中都願意抽時間幫我手彈琴,仲唔係一首喎,係幾首喎,唉~~真係唔知點講好,總之就多謝曬喇!!
EMILY, ELLA,JOANNE,CANDY 佢地係我教會既姊妹,佢地一路都好關心我籌備婚禮既過程,佢地係我婚禮當日仲幫我手招呼賓客呀!!
宣道會觀塘堂聖樂部 多謝你地為我同"無得頂先生"唱出咁好聽既詩歌呀!!
何卓藍,何卓欣,梁俊彥小朋友 佢地係我既姪女同埋兒甥,佢地係我婚禮當日既花仔花女,佢地好PRO嫁,仲好可愛TIM!!

                           Back                       

 

1