兩小無猜 .......

睇個名都知係講d有關小時候既野喇.....無錯, 就係我同"無得頂先生"細個d相喇!!好靚仔靚女嫁!!

過去既時總令人懷念...當中童年時候既事更加令人刻骨銘心,有開心既(好似好以成日食野,而又唔怕肥喎,哈哈~~,成日玩,無憂無慮)有唔開心既(測驗考試唔合格喇,被媽咪打喇....)

我呢~開心多d,因為屋企最細,正所謂萬千寵愛在一身喇!!我仲成日同d小朋友係樓梯口玩同埋落街食野,食咩....有砵仔糕,雞蛋仔,夾餅,芝麻糊,糯米飯.....真係好好味嫁,諗起都想食呀!唔知點解成日都覺得依家d小食無以前咁好食,咁好風味呢??

不過,細個最慘係被媽咪藤條炆豬肉喇,我阿媽打起上黎真係唔係人咁品嫁.....

細個有好多難忘事嫁...最難忘應該係五六歲個陣同我契哥玩拉人仔,我地拎左個荔枝箱黎當車,咁我就坐係裡面,我契哥就負責拉個箱,起初都好好玩嫁,點知我突然覺得patpat好熱呀!咪叫我契哥"停呀!停呀!我patpat好熱呀!出煙呀!"原來,我個八月十五同地下磨擦,造成熱力,仲磨爛埋我條褲仔呀~

至於,無得頂先生呀!佢話細個無咩娛樂,最多同兩個阿哥同埋隔離屋既小朋友玩捉迷藏喎~~但係佢都算幾八厭嫁,仲差d無左隻手tim呀!話說想當年"無得頂先生"係公園玩玩下之際,佢爬上去d鋼架度玩(扮泰山呀),點知跌鬼左落黎呀!!手骹都甩埋..最後醫生話要做手術移番正條骨先保得住隻手炸,所以宜家佢隻手有好大條巴痕呀!!

我同"無得頂先生"都覺得.過去開心又好,唔開心又好,最緊要係珍惜現在.....

d click入去睇下我同"無得頂先生"細個個樣可唔可愛~~睇下認唔認得我地??

               

                                                         

1