My Diary                                                                                   

31/3                                                                                                   今日去左勁歌季選......好開心呀!!!!我竟然可以見到Dior!!!!佢真係靚女到爆呀!又高喎~個Nicola行開啦~全場最"高"係佢啦!仲有BOBO呀~靚到震添啦~成頭夾!~唔知點解,Nicholas唱唱下.....唔唱.....唔知佢咩事呢~睇完勁歌之後同家姐去左食KFC,食完之後行過又一城....見到2個英俊外國小子係地下玩模型,其中一個仲要係穿眉環架!超型囉講真~!哎呀.....呢排成日傾電話....搞到俾阿媽鬧-_-''不過算啦~我會繼續傾架喇!
4/4                                                                                                今日係兒童節~不過都冇得慶祝....呢幾日完全無奈囉...我俾人Misunderstand!!仲有我既Darling-Alison佢竟然俾人出言侮辱!我真係估唔到0的人可以咁無聊囉!不過算啦~我地呢0的大量既人係唔會同呢0的小人計較既!
5/4                                                                                                   今日係清明.....我一朝早就去左拜山...-_-"算啦~我呢0的孝順女,年年都會去架嘛~我姐姐叫我提下佢喎....咁...講咩好呀......我有個好姐姐--Jericho囉~提左喇~仲有個妹叫Christina~不過佢仲未合資格啵(心照啦)~人們,如果你都想加入我地呢個姊妹團就搵我啦~
6/4                                                                                                        今日我同姐姐一齊去左凌霄閣~話說我行過遮打花園,見到好多大陸喱係度訓街,仲見到有班男人0係度鋤dee.當 我過馬路既時候,有3個靚鬼仔玩Skateboard,真係勁型!跟住行到去教堂門外時,有個著住禮服,拎住袋西餅既鬼佬   望住我笑呀!!!嘩~真係差0的暈低囉!跟住就搭呢個山頂 纜 車上山喇~其實呢....我好似係第一次搭架咋!因為我 買左套票,所以就可以去哂蠟像館,奇趣館,同埋超動感影院,講真丫~我原本認為最悶既奇趣館原來係最好玩....其餘0個2個...真係不值一提~
9/4                                                                                                今日Geo堂...Ms Lee話:我真係好憎你地~又話Melody唔俾surprise佢~哈哈~仲話:If u hv any questions ,do not ask me!嘩~~我真係好難過呀~
12/4                                                                                              今日係Bryan生日~同埋一0的深海動物既生日~不過都唔關我事~呵呵~今朝一起身....嚇鬼死我喇!我夢到我既Idol章魚城呀!!佢仲0係台上載歌載舞添呀!!!!開心到我今日考Phy都識!!!真係正啦~原來城城0係我心目中係有咁大既形響力架!!
13/4                                                                                              嘩嘩嘩!!!!今日無線0個套野播The Calling 既"Wherever you will go"呀!!!!勁正囉!!!!!!Alex 超靚仔~!真係差0的咀左部電視囉~Westlife 個 BopBopBaby video 都幾好~尤其是Shane騎馬0個幕呀!!!!型死左呀!
15/4                                                                                              好開心呀今日,我校創校三十多年,今日首次開動冷氣!真是可喜可賀!同學們因此終日留連課室,雖然冷氣開得幾大,可是大家因為"交左錢就用到盡"既道理,寧願凍死都要開大個冷氣!!另外,大家還可記得我是全班Phy最低分的人呢??哼~此情不再了!!今次的phy test,我得到了16.5/30!是合格的分數啊!!感謝天父!
26/4                                                                                              今日唔駛返學~所以就去左海洋公園玩囉~幾好丫~玩左跳樓機....之前都未玩過~不過....我真係勁驚囉....好似就黎會死咁....唉.....點算呀.....我好掛住善衡呀!