|
12月21日 星期六 晴＊ 目訓過籠呀今朝，遲左20分鐘補習… 之後就去孖女屋企，好多人呀，有： 我、勣、無忌、Esther、Tanya、 惠惠同雞主管。 都無乜野做，好似平時咁， 無無聊聊就過左一日，then回家。 夜晚就整好多相咁… 諗返…真係好鍾意姐姐整個頭… 自己太cheap喇…唔識整… 假期開始…悶…溫書喇…
|
|
12月20日 星期五 雨＊ 終於又到聖誕聯歡喇…！ 濕濟囉，上到車先記得自己無帶野… 學生證同張貼紙都無囉…-_-" 比$10囉，點知D校工又串到死， 小梅又抵毀我，咦妖~~~~~~~~`` 就表演lu，就化妝set頭， 姐姐幫我set左個好靚既頭，100萬分感謝！ 到表演，跳得好求其…算吧啦… BOW@今日戴Merry頂帽，觸目！ 今晚落雨囉…inter&advance都係禮堂跳， 總之當初唔駛嗌啦…唉…曬氣… 成晚坐禮堂，中途JOLO+娟娟去toilet， 我同BOW@又跟埋去，係跑出去， 果時鄺生係台度話緊人， 問我地做乜，我地隱約答左佢就走， 點知去完，佢就同埋其他老師尼捉我地， 唉…佢就會保留記我地缺點… 又話會話比班主任聽…最後，當然無事啦。 散band，就同BOW@，JOLO，美雞，李芷翹 去世貿麥記食野。 食食下坐係後面班後生哥哥姐姐叫BOW影相， 梗係佢頂帽+成身SL野啦…… D人仲問佢叫乜名，又icq no.咁…有仔喇！ 之後分散，同BOW@去sogoSL專門店， -->near三越's玩具鋪-->time square機鋪， BOW@話16歲以下入得…都唔係既… (*途中我無聊咁數有幾多人注視住BOW@頂帽， 百幾個咁啦，無乜野架…) 就落左去city super…個女仔見到BOW頂帽， 以為BOW@睇緊果個陳列架有賣， 就走過尼睇…懦爆左D架… 最後土答地鐵返home，就完左喇…
|
|
12月19日 星期四 微雨＊ 今朝就去輔導室見馮少芝同蔡姑娘。 傾TonA D野，傾左成兩堂囉，正！ 傾得又開心又過癮喎！ 原來蔡姑娘都頂唔住TonA架！呵！ 無練水呀…練舞，聽日就表演喇… 雞主管就同茄輪去睇F4演唱會， 順路同埋BOW@去永利食野。 今晚成家去UNY，撞到孖女； 去到吉之島，就撞到譚欣怡， 海天Menbers果然無處不在！
|
|
12月18日 星期三 晴+微雨＊ 今朝就比輔導捉我，BOW同JOLO問話… 梗係又關TonA事啦…我都唔明有乜大件事… 但個個都話好大件事囉… TonA阿媽又同校長講過下喎…CHIU！ 最後叫我地寫篇對佢既感想， 聽日唔駛上班會，去開會…有D驚… BOW係數學常掃地， 成班坐亂曬，但係有上堂架！咪玩！ 李曉慧話佢聽日睇F4唔游水…cheap… 去集城買w-inds. 2nd ALBUM！爆開心！ 因為我係1/10買到1set=2poster+板！ 多得堂家姐！愛死佢！^3^ ~ 好多人買囉…排隊排到外面…勁！ 睇住無咁多人鍾意，到而家…感動！
|
|
12月17日 星期二 晴＊ 譚sir完來一值唔知咩事， 今朝先尼問我，BOW同千千… 我真係完全覺得好乜野喎， 我地玩佢又未至於打佢，講粗口， 佢打我，佢用粗口話人先囉… 梗係太多陰影啦，D人無得救架喇…
|
|
12月16日 星期一 晴＊ TonA真係無返喎！ 跳舞last day 喇…真係要係禮物跳， 爆失望…仲有好多人喊tim… 今晚去食華泳慶功宴，唔錯既都… 要唱歌囉，我地成班出去， 但JP同朱仔就唱前奏，唱Jingle Bell…無奈… 我地最後點友共情，好無聊就咁過左喇… 開心呀都，因為我又知道左佢鍾意邊個lu， 100%放棄佢lu…依D人無人要先知驚。 死啦…想點？！…唔通？！唔係gua… 梗係奇奇怪怪咁…都係…「想下好喇」。
|
|
12月15日 星期日 晴＊ 阿媽生日呀今日。 今日係D1，我係一百蛙架… 個時間好好呀！快過best time，但係DQ！慘！ 好唔開心呀…但都好…都起碼比我知道既… 我決定23號唔去喇，去洗腦都好既… 唔要呀…今日成日諗起隻歌「你唔愛我啦」。 「事但啦，算數啦，唔煩你喇，你唔我愛喇」 JEFF好慘呀，sharon去到泳池，成日被佢。 我諗阿JEFF都知乜事架喇…唉…T^T 之後同阿爸阿媽佢地去左工展會， 靚過上年呀，都係咁啦，事但啦…
|
|
12月14日 星期六 晴＊ 去街街，孖女返尼既第一次！^^ 好耐都無去過lu，今次去睇戲， 同埋阿勣，任嘉惠去睇無間道。 是關唔駛$$+上有成九張飛， 我之前唔得閒，佢地已經睇左一次lor… 一班人，一日睇兩次戲，仲要係同一套… 我見到喇！阿勣同大孖好多親密動作！唉… 撞到好多人架！有：BOW@與JoeJoe， Kimmy，譚欣怡，JJ，肥琳。 死啦，撞到佢…硬係怪怪地→有緣無份。 肥良仲話見到我地tim，可惜我地見唔到佢。 開心呀！又去影貼紙相。影到個人硬左… 銀包D$$又不知不覺又無曬。TT^TT…
|
|
12月13日 星期五 凍+雨＊ 黃智軒生日呀！可惜我無左佢ICQ。 TonA今日shot左，成日笑，又扮/話我地。 午息果時仲打我呀！ 話說佢執野我用BOW@DC走去影， 之後佢就拉住我仲打左我一下！恐怖！ 佢走啦，羅正心就問佢係咪走， TonA就好大聲話唔關你事， 羅正心就話講ByeBye之麻， TonA又話ByeBye啦你，爆寸喎！ 下晝三堂唔駛上做聖誕崇拜，悶。 同BOW@雞主管去同BOW買LOGO盒， 之後游水。雞主管講左個秘密我聽喇， 話我地可能會去九華表演，都否定左啦… 又唔係乜秘密，好心佢就正正經經咁講啦， 扮神秘。無計啦…雞係咁架喇… 添SIR比平時好似開心左， 可能孖女返gua~我地成班都開心啦~ 個更衣室當堂嘈左成百倍！ 細孖送左個KitKat圓桶形罐比我！靚架！ 但之後發現原本入便有朱古力， 但比細孖死曬lor…超無奈！！！ 出到去，朱仔問我去唔去23號。 去唔去好呢？考慮下啦…… 打比阿媽，去將軍澳架… 見到對毛毛拖鞋，我覺得好靚架， 姑姐就買比我，當生日禮物。 都唔平架，成$60，好暖，好大隻，好得意。 返到屋企，阿媽叫我睇下放係錄影機封利是。 以為比我tim…原本係阿爸比阿媽既生日禮， 爆好笑架~~點解？自己去FUN度睇下啦！
|
|
12月12日 星期四 凍+雨＊ 今日集中火力，大力宣揚EL條野長！拍手！ BOW@又帶左相機又係度影喇我… 成日霸住好似唔好意思咁…哈哈… 個死人TonA今日成日同千千密計… 講我同BOW@壞話。講就大聲講啦。 葉朗又因感情(朋友)問題又喊，可必？ 有fd做咪做，無咪無lor…可必強救？ 依D咪同拍拖差唔多… 孖女返尼喇今日，*YE@H*！仲有譚欣怡。 譚欣怡師奶左架，留長左頭髮。 見到孖女都無特別興奮開心， 因為我深信…佢地只不過去左英國文化協會， 學乜野？就唔知喇…哈哈…！ 阿勣開心死啦，又見到大孖喇… 我地個個都著長袖，佢地著短袖lor…壯！
|
|
12月11日 星期三 凍+雨＊ 照早歌唱比賽，JOLO同WingLo唱告解… 無獎呀…比李芷翹、Kara同Bey扌羅左… 我同BOW@不停咁叫做司儀既ELSA， 最後搞到其他班都叫，哈！人氣急升！ 普通話堂…唉…口試做話劇… Ms.Yeung見到我地準備咁「充足」， 就叫我地做。真係做尼笑架zer，戴假髮…哈！ 佢真係唔死都無用架…算吧啦…我知我會。 上完BIO堂。。。 見到ELSA隻手比司徒畫左個長U字， 好長架！+我既豐富創造力，ELSA有個話名！ 仲係日本名tim！叫EL條野長！正！ 太多功課喇，所以係又無游水架！ 就同BOW去永利兼坐三年無坐過既校車。 好快去到，食例牌野啦， 隔離有兩個劉永生女仔一齊食。 食食下有班劉永生男仔撩果兩個女仔， 真係先撩者賤！賤賤賤！ 點知後撩者仲賤上加賤賤賤賤賤賤…！ 班男仔叫佢地跟佢返屋企， 果兩個女仔就扮野， 同我同BOW講話叫我地食快D，人地叫我地。 賤！搵我地過橋！"無"辱程度達100級！
|
|
12月10日 星期二 爆凍＊ 唉…BOW…佢…唉…算吧啦…唉… 今日係bi_c_ELE個兄弟bi_M誕生日之日！ 唉…D人…太差喇，CHEAP！唔講咪算囉， 係都唔信我，去死啦，正一「三失」， 仲話我煩，你唔講我又唔會話你啞… 嬲硬喇…我知你會睇格，明話你啦，唔比呀？ 搞到今日本來都好心情，乜都壞曬… 唔講依D人喇，費時講多口臭啦，比人話啦。 又開始迷迷地上另一隊 - Skoop On Somebody。 算吧啦，都無人識架啦…咁罕。 個style同CHEMISTRY、exile差唔幾。
|
|
12月9日 星期一 爆凍＊ 終於排好隻舞喇… 我…仍然係跳得好差…算吧啦… 跳左「發達唔駛本」，D韓國人專拍依D戲。 好笑又真係非常好笑，話佢無聊又得。 對我依D無聊人講，咁依套一定係好戲啦！ 呵！呵！呵呵呵！***
|
|
12月8日 星期日 爆凍＊ 起身燒碟，睇我老婆唔夠秤，好睇。 阿Sa做戲始終好過阿嬌，但我鍾意阿嬌多D… 之後去太古城…成日都去… 好開心，因為我著左果件衫，搞野喎！ 塔巴士返屋企，唔知乜事塞住曬， 攪到要落車行，行成六條街，慘…！ 今晚打邊爐呀，好正呀~~~呵呵！
|
|
12月7日 星期六 大陸係晴＊ 起身就飯婆娑D豬骨湯，好正架！ 之後去行街喇，去大陸D商場。 大陸D野真係平，起碼香港既一半， 所以我買左好多糖，返學比人食。 不經不覺又夠鐘返香港lu… 依日，又係咁過左喇… 諗住叫嘉妍聽日陪我去街，但佢唔去… 佢話要守屋企。當堂心情非常低落… 突然爆鍾意RIP SLYME，好正架！ 麻波25都勁好，但資源有限…太罕喇。 兩隊都咁正啦，唔識走寶呀。 初頭以為The Gospellers係自己唱埋背音， 原來唔係，同CHEMISTRY一樣既… 今晚(朝)成五點先目訓，shot架…
|
|
12月6日 星期五 爆熱＊ TonA今日成日都走堂， 但唯獨PE唔走，真淒涼喇… 我話我呀，因為要同佢做partner， 好彩一陣zer…但咁都好， 因為Abby教我可以跳果時扯行佢。好！ 開心呀！成組人一齊跳舞@草裙！ 午息果時見到燶皮隻手呀，𠝹左勁多！ 左右手都有，左我直情𠝹到滿曬tim… 無游水呀，去大陸呀…湊楠楠返上去。 夜晚去到食海鮮宵夜，四個人百五有找， 之後去腳步按摩，抵到爛， 包飲品生果，專車接送，八十五分鐘三十二蚊。 成三點幾喇，連續三晚都係喇… 我估唔到我咁乖架，我竟然睇果本書， 《成南舊事》，其實都唔錯呀。
|
|
12月5日 星期四 熱和雨＊ 腳毛國主席無返呀今日， KI話佢驚左上chem自己一個一組， 承受唔起，先唔返，都似係喇… 無佢好悶架…但我地反而創作左好多發明！ 例如貼腳毛膠紙，腳毛織野之類… 同樣地都笑到唔知想點咁… 上chem堂，全班最活躍果個係我， 我周圍"捐"佢都睇唔到。 八左好多野架！Peony爆燶皮D野我地聽， 話佢有兩條仔，一個係我地熟識既Terry。 Terry叫張庭軒，讀書唔差喎， 又話個男仔為左佢而同以前條女散… 各位親愛既朋友如果你識燶皮既， 一定唔信佢會有架！個男仔一定心理唔平衡。 燶皮又𠝹我，Peony話因為要襯個男仔喎… 自從佢地一齊，燶皮開始改變左好多， 戴介指，jel頭，唔戴眼鏡… 算吧啦…佢點睇都咁"靚女"，唔話佢喇… 我見到燶皮上chem堂果時猛寫個張字lor… 無游水呀，唔知點解，唔游，唔想… 所以又同JOLO+BOW去永利，果然係正架！ 但去途中坐25C，企響個PKMS男仔隔離。 JOLO好眼到見到個男仔膊頭有紅蛛！ 佢就好心咁話佢聽，點知佢唔理JOLO， 我地一直睇住隻紅蛛爬尼爬去， 最後行開左…雞主管、BOW佢地話聽到 果個男仔用粗口鬧佢，話蜘蛛有乜好驚， 又講埋粗口咁，太差喇…好心？雷… 食完之後，就坐MTR走。 沿途我好乖咁背書，背到唔記得落車， 到北角站先轉返車…終於到返炮台山喇！ 發覺自己書包開左！唉…死…懦爆！
|
|
12月4日 星期三 晴＊ 今朝無返學架，因為去睇牙。 返到學剩返左三堂。 果三堂照樣講TonA，今次講佢點眨眼。 係好好笑架同樣地，扮佢扮到shot呀！ 原本好開心既一日，點解會係咁既？ 我又唔想游水喇…無希望…游有咩用？ 今晚同堂家姐去味千食飯架！ 我可以開解到人，但自己開解唔到自己… 因為我知我係自己衰，唔駛理我架，我賤。 阿媽同我講左一大輪野，我覺得佢好辛苦。 目訓唔到呀…成三點幾喇…算吧啦… 因為我知道我過多日又正常返， 其實我係咪真係有病？神經病？我諗都係喇…
|
|
12月3日 星期二 晴＊ 班會，就派成績單喇…唉… 見到阿SIR同個個人都要講下野咁， 唔知佢會同我講乜呢？ 到我果時，我即刻"令"走張成績單， 話：「乖仔，唔駛同我講野架喇。」 之後佢真係無同我講野，太好喇！省時！ 今日午息，奉WingLo既要求， 就睇VCD - 少女情懷總是攣，TB戲。 尋日都有睇架喇，但無事。 不過今日就比Ms.LEE捉到，無野既， 今日紀律分改做零jei…都慣架喇… 平時都差架啦…但"令"埋隻碟走架… 算啦，Regina既…無損失… 今日係我一個禮拜後游返水， 落車到集成，見到唐潔淇拖住個金毛呀！ 咁'arm'RACHEL&阮明珠又係後面喎。 咁我地四個都行同一個方向， 我當然就會成日玩雞主管架啦， 就推佢撞埋D野度，但係佢被到喎！ 係醒喎！莫非佢個腦大左？雞腦zer 喎！ 咁我咪話佢你做乜唔撞埋去， 之後佢地見到又笑喇… 我發覺，我好有潛質做演員架！ 又同雞主管談論雞姦記， 連續讀十次會變成： 「雞姦記雞姦記雞記記計計計…」 搞笑！雞主管仲話作個急口令比。 今日游得比我預期中游得好好架！ 又甩到Karen，仲Lab左佢，仲要係自喎！ 出到門口，見到個著真光校服既， 睇清D原來係RACHEL！終是我叫佢啦。 …原來佢喊緊呀…佢'內久'自己整到阮明珠， 無人陪佢練跑又唔開心，續都無用啦， 於是叫佢唔好練，同我地去seven傾計。 我同雞主管，簡直係至佳既組合啦， 所以令到佢又笑返，太好喇！ 唔知係咪高興過頭，同雞主管玩得特別正！ 今日佢阿媽唔車佢地呀，同我同一架巴士。 好耐都無同佢一齊坐巴士lu ~ 不過今次好唔同，因為我地唔再係以前咁， 係好事gua我諗？！基本上我依日好開心架喇。
|
|
12月2日 星期一 驟雨＊ 數學堂，勁好笑喎，笑到比人鬧… 話說阿tonA就好多腳毛既… 咁就猛咁講佢，講到我笑到標眼淚。 話說TonA就創立左「中華人民腳毛國」， 就要唱腳毛國國歌… 「起來，不願作腳毛的人民…」 BOW@又話要用一條腳毛升國旗， 我就話唔係，用腳毛織枝國旗， 就係依度我笑到死左喇… 成班望住我地，無計啦，我地太出位喇… 坐第一、二行第一個位，無野既。 要記住依日，因為係 - 「中華人民腳毛國特別行政區成立紀念日」。 笑完之後，我有條數唔識做， 就大聲咁叫：「SIR！(勁卷"利")」 成班又笑喇。其實，我真係咁好笑咩？
|
|
12月1日 星期日 驟雨＊ 唔相信自己，尋晚整電腦成四點， 但今朝係成家人第一個起身！ 其實係佢地懶目訓…都成十點。 同班親戚飲完茶，就去IVAN新屋幫手。 新屋比以前細好多呀，但都大過我屋企。 入到IVAN同MATTHEW既電腦房， 我就不其然地去AKzone， 教左個我細表弟MATTHEW玩， 之後仲猛咁用web cam影相， 成五十幾六十幅，哈，影到癲！ upload相上AKzone，各位以後注意呀！ 叫"男人老狗"果個係我表弟！ 第時如果有相一定要10port佢！ 返屋企就即刻整D相，比你地睇呀嗎。 睇返…真係笑到我死！！
|