15-11-04

                今朝撘巴士去定山溪.日本o的巴士同香港o果o的o吾同,日本o果o的係o係車尾上車,上車攞乘車劵,車頭有個

           電子數字指示版,指示版有1-50 o既白色號碼,數字版旁邊有個下一站係咩o既指示版.數字版上號碼下面係跳字

            o既電子顯示,會隨住站數而不斷增加車費o既價錢.對照我o地手上o既乘車劵號碼,到落車時與車頭o既指示版

           對照o下,就知要俾幾多錢.本來應該將車費同乘車劵一齊放入司機旁邊o既車資箱就得,點知Henry俾張1000円

           我,搞到我o吾知點俾錢,司機教我將1000円放入唱錢機入面之後,我竟然以為跌出o黎o既碎銀係找返o黎o既錢,

           就攞唒佢行落車,即係我冇俾錢撘車啦!哈哈!

           落車之後完全o吾知身在何方,正o係度諗緊o係咪要向山上行之際,忽然靈光一閃"向下行啦!"果然向下行o左一

           陣就見到我o地想去o既"足のぽの湯"免費浸腳(溫泉水).o果度係一個涼亭,中間有一個溫泉水池,池底放滿碎石

          ,將隻腳放o係o的碎石上面摩擦或者o係水中行走,可以當腳底按摩o架!我o地放低背囊,除o左鞋襪就開始浸腳

          喇!原本只有一對公公婆婆坐o係旁邊,之後越o黎越多人,此時,我o地都浸夠喇!走人!浸腳池旁邊有幾個河童像,

          造型都幾趣怪o架!定山溪周圍都有冒出蒸氣o既水渠,浸腳池附近有一座觀音廟.另外,定山溪周圍有好多河童像,

          好趣怪哦!

           我o地之後o係一間拉麵店食拉麵.碗拉麵除o左放o左塊牛肉o係面之外,仲有一隻溫泉蛋噃!溫泉蛋除o左好滑之

           外,仲係蛋白熟蛋黃半熟,好好食o架!我o地之後仲各自叫多隻o黎食添!食完o野我o地去o左附近影河童同買手

           信,之後撘巴士出返札幌.等車o果陣開始落雨,上到車又冇位坐,>.<!好彩之後有啫!

           我o地出o左札幌再撘地下鐵到"白の恋人"o既"宮の沢"駅,個天就o黎黑lu,不過當時只係4點幾咋!"白の恋人"真

           係一定要o黎參觀先叫做o黎過北海道呀!除o左裝修好靚,好歐陸feel之外,仲有一個開放式製餅工場,因為呢度係

           朱古力o既博物館,有好多製造朱古力o既資料提供,又有一條好得意o既走廊,由會郁o既公仔同真人投射o黎講解

          做朱古力o既過程,幾有趣o架!有一層係專賣砂糖工藝o既地方,有好多用砂糖製成o既擺設,好靚o架!不過係唔食

          得o既.呢度隔離係一間餐廳,我同Henry叫咗一杯朱古力雪糕同一個朱古力蛋糕食. 一面食雪糕, 一面欣賞窗邊

          周圍o既夜景,真係好浪漫呀!差o的o吾記得講,一入o黎參觀俾600円入場費,佢o地就會送一塊"白の恋人朱古力" 

          做記念.我o地發覺佢o地o既生產線只係不停咁做呢一款朱古力餅,就算o係呢度同其他有得賣"白の恋人"o既舖

          頭,都大概只可以買到呢種餅,其他款式就要好貴價錢先買到.另外佢o地出產o既粒狀朱古力同雪糕種類o吾多.

          所以我o地成個旅程都冇買到"白の恋人朱古力".

          去完"白の恋人",返到札幌,去"狸小路"行街,我o地又行入尋日行過o既手信店,尋日買o左一o的手信,o吾知仲有冇

           o野遺漏呢?當我想行上二樓睇o野o果陣,Henry突然叫住我,原來出面落雪呀!嘩!好靚,好浪漫呀!第一次見到落雪

          咋!o的雪同o係雪箱o個o的雖然一樣,但由天上飄落o黎個感覺非常正呀!附近o岩o岩有o的講國語o既遊客,佢o地

          見到落雪哈哈大笑,大家一樣不停咁影雪,條街忽然變得好熱鬧.