18-11-04

               朝早食過早餐,執好行李,酒店服務員幫我o地截o左架的士,免為其難加上又懶得行去巴士站就上o左架的士喇!

           幸好距離機場好近,車資都o吾算貴.不過我o地太早到機場,行完機場商店仲有成個鐘頭,所以等上機等到瞓著o左.

           撘12:10機到大阪,到大阪關西機場係下晝2:10,落緊雨噃!我o地撘南海電鐡到難波駅再轉車到心齌橋駅.我o係難

           波駅見到有一檔賣CD o既檔仔,竟然有"天國的階梯"CD!我冇即刻買,臨返香港先買都未遲.

           去到心齌橋駅, 仲落緊雨,睇o吾明個地圖點行去酒店,o的行李又重,點算好呢?o係呢個時候,有一個手揸住煙o既

           伯伯行過o黎幫我o地,初時見佢食住煙都有o的愕然,佢行過o黎做咩呢?原來我o地又遇到熱心人啦!日本熱心o既

           人我o地遇o吾少,相反冷漠到屎o既人亦有遇過,熱心o既有時熱情到你o吾信,或者係我o地香港人自私啦!所以見

           到o的咁熱情熱心o既人會打個突!"Hearton Hotel"o的房細,似商務酒店,係洋室.

         到心齌橋一帶行,o的舖頭係有好 多,不過o吾多o岩我o地行.今晚我o地食壽司放題,要先俾錢再入去食o既.佢o地

         o吾似香港o果o的放題咁孤寒,佢o地(日本)好多貴價壽司都有得食(例如:海膽都係任食o架!)心齌橋有間"Hello 

         Kitty Big Echo"噃,有o的Hello Kitty o既o野賣,又有扭蛋機扭Hello Kitty,我就買o左一本memo pad(印有Hello

         Kitty公仔同 Big Echo o既字),好有紀念價值o架!見到有夾公仔機喎!係河童BB呀!(粉紅色o既河童你見過未?!)呢

         度同北海道o既夾公仔機o吾似新宿咁多人玩,點解?初時我o地危到o的公仔就跌就跌咁,諗住好易夾啦!點知玩吓

         玩吓先知原來佢o地用o的大頭針拮住個公仔.唓!咁咪即係呃人?仲害我o地冇o左500円呀!好彩呢個公仔我o係定

         山溪已經買o左,雖然係細size,總好過o吾憤氣又得o吾到吖!