20-11-04

                搵到間舖啦!原來距離酒店相當近,不過o係o的橫街入面,o吾多顯眼.開11:00,今晚先o黎拜候你,咬人熊仔.

            o黎到京都河原町駅,再行到"衹園",見到"花見小路",見到"女人頭!女人頭"優佳雅"係京都好出名o既化妝品

            店,最出名o既產品係面油紙.價錢o吾算貴,樣樣產品都有"女人頭"個樣,我仲發現o係京都有好多女人手上

            都攞住"女人頭"紙袋,京都寺廟同寺廟之間o既商店街都有好多間"女人頭"噃!我當然o吾執輸都攞返一個

            "女人頭"紙袋啦!跟住行"八坂神社"同"清水寺",見到藝伎,舞伎,好靚喎!仲有街上面有好多人力車,不過租

            o既價錢都幾貴.

            夜晚返心齌橋,之前行去難波站買"天國的階梯"CD (sound track)!好彩心血來潮有去買咋!原來人o地個

            promotion係最後一日啦!跟住去"Chax Colony",我可以話俾大家知,扭o既咬人熊仔抵過俾錢買o果o的,扭

            o既100円已經好正,俾錢買o果o的我覺得好貴.今晚食吉烈豬排飯,燒八爪魚丸同薄餅,好味呀!今晚冇落雨,

            可以好好咁影吓"固力菓"招牌啦!