２月３日∼今日發覺原來好快就考Ｍｏｃｋ∼
我亦都好快要比埋我最後既一個賽．．．
１月２１日∼要對既科目都已經對得七七八八．．．
唔知妳地有無ｄ唔滿意既成績呢？我就有好多喇∼
好唔開心＞＜不過都有ｄ自己滿意既．．．
希望Ｍｏｃｋ果陣可以考好ｄ啦^^~
１月１４日∼對於Ｃｏｍｐｕｔｅｒ班黎講，今日已經考晒試ｌｕ∼
不過Ａｒｔ班就仲有兩日！！呵呵
但係過左呢個Ｅｘａｍ，我開始明白到一個道理：
就係〔學海無涯〕或者〔學無止境〕都得！！
點解？因為我發覺原來我仲有好多野都唔識，仲有好多野要學！
１月１日∼今日係２００２年既第一日，我諗都會冇乜人出去玩ｌｕ∼
因為聽日就係ＦｉｒｓｔＴｅｒｍＥｘａｍ．．．死！！
１２月２０日∼聖誕聯歡呀！！亦都係我地２００１年最後一日返學！
雖然聖誕節年年都有！不過今年就特別感觸∼真係唔知點解呢？
可能怕今年係向ＣＣ最後一年過聖誕掛∼
Ｆ５畢業班始終都會有ｄ感慨既．．．
１２月６日∼今日ＳｐｏｒｔｓＤａｙ呀！！
我地班好叻喎∼出左隊４ｘ１００接力！！
雖然成績唔係太理想∼但係都總算有進步丫^^~
因為我地舊年咩都唔玩，咩都唔做．．．
今年有參加接力，我地唔係進步左咩？？呵呵∼
１１月２９日∼無測驗既日子勁開心！唔係唔係∼
今日要測ｕｓａｇｅ呀∼應該係話唔駛溫書既日子係最開心既^^~
又唔駛交功課喎∼今日勁輕鬆呀！！
成個ｌｕｎｃｈ都走黎走去∼又唔洗趕住去開會！！呵呵∼
１１月２７日∼比完賽！希望可以專心ｄ搞呢個ｐａｇｅ啦∼^^~
不過今日既中文ｔｅｓｔ勁唔開心．．．
明知有陷井我都踩左落去＞＜唉！！
修辭手法＝寫作手法？？明知唔係都要答寫作手法∼好戇居呀！！
不過都唔好諗喇∼聽日要ｔｅｓｔ我最唔掂既ｇｅｏｇ呀∼
今日我仲計過！今次ｇｅｏｇ起碼要有２８／３０先至可以合格！
我指既係測驗分呀∼唉！！我可以有２８分咩？？灰＞＜
１１月１４日∼ｓｏｒｒｙ！！太耐無ｕｐｄａｔｅ過喇！！
站長實在太太太太太忙喇∼（其實係懶＝P）
不過今日真係好開心∼因為學校ｐｉｃｎｉｃ！！
但係亦都係向ｃｃ以黎最開心既一日∼
我玩左好多野∼攀石啦！（超好玩）班會活動啦！（有特殊理由！？）
踩單車啦！（好耐無踩喇）仲影左好多好多相（留倩影喎^^~）
但係ｐｉｃｎｉｃ之後仲有班會聚餐，我地去韓燒呀∼
有ｍｒｓ．Ｌｏ啦，ｍｓ．ｗｏｎｇ啦（ＡＲＴ）．．．
本來仲有黃老師嫁∼不過因為肚子痛，無去呀∼（唔抵嘛^^~）
不過ｍｒｓ．Ｌｏ幫我地全班出一半＄＄去韓燒∼我都覺得幾傷＝p
我地唯有向度講聲多謝（ｘ１００）啦∼^^∼
１１月２日∼今日ｍｒｓ．Ｌｏ生日，我地又好無心肝地唔知！！
好彩有人向ｌｕｎｃｈ講比我地聽．．．
結果我地放學全部人一齊唱左首生日歌送比ｍｒｓ．Ｌｏ∼
雖然怪怪地，咩都唔送，剩係唱完生日歌就完．．．
不過我地都叫做有ｄ心意啦^^~
在此希望ｍｒｓ．Ｌｏ以後都開開心心啦∼
1０月３１日∼估唔到原來返學都可以係好開心，好好玩既^^∼
今日ｈａｌｌｏｗｅｅｎ，個個都拎住好多糖，好有氣氛．．．
仲要多謝ｍｓ．ｔｈｏｍｓｏｎ同黃老師，因為請我地成班食糖！
不過真係超好玩，超開心．．．
今日趣事：中文堂∼黃老師一句話：〔真係好抵嫁！〕
仲要加埋招牌手勢講．．．真係超爆笑^^∼
１０月２９日∼今日黃老師牛一，不過係我唔好，係我無記性．．．
臨上中文堂前兩分鐘先記得同蘇菲講＝p
攪到我地要一齊企向課室門口欄住黃老師，因為我地要〔裝飾〕一下
個課室．．．不過我諗黃老師都好開心，因為我地好乖^^~
上堂好有反應＋送左個超正ｂｏａｒｄ比黃老師做生日禮物！！
不過今日韓老師無返．．．一堂自修！！
仲有仲有∼出左ｐｅ分組名單＊仲唔快ｄ入黎ｃｈｅｃｋ下？
１０月２２日∼哎！中文卷好難呀！！兼且又係剩返兩條未做．．．
發覺自己寫字好慢添！唔得，一定要改善！！
有好多好多功課要交，因為今個禮拜有三日（兩日？）假期．．．
中文：作文（投訴信）＋中文問答簿（不過再下個靡禮拜先交）
英文：ｖｏｌｕｍｅ３－ｓｅｔ３－ｐａｐｅｒＩＩ
中史：論文（英法聯軍）
ＣＯＭＰＵＴＥＲ：ｐａｓｃａｌ（３題！！）
１０月１９日∼ｏＨ！ｒｓ份卷做唔晒．．．不過就算做晒都未必可以合格=(
唯有聽天由命！唉∼真係慘情＃
今日仲發現到原來ｄ老師係好情緒化既．．．
有ｄ老師會成日鬧我地，睇我地好唔順眼，但係又無端端對我地
好好喎；又有ｄ老師平時好錫我地，不過又會超惡鬧我地喎！！
真係難適應呀∼
今日趣事：ｍａｔｈｓ∼ｒｏｂｏｔ＝ｒｏｂｅｒｔ？？
〔大灰熊〕接住所講既說話仲爆笑^^
１０月１８日∼今日測ｍａｔｈｓ，好似有好多無形陷井．．．（超無奈！）
不過最唔開心係今日激嬲左３個ｍｉｓｓ∼因為．．．
我地今日勁嘈＃好心啦∼ｆ．５喇∼乖ｄ啦！！
加上ｍｓ．ｔｈｏｍｓｏｎ操身大細，好慘嫁．．．
可能朝早ｔｅｓｔ完啦，個個都輕鬆晒，先會嘈喧巴閉既姐！
希望各位ｍｉｓｓ見諒啦∼亦都希望各位同學改善下啦^^~
１０月１６日∼會考班實在太太太辛苦喇！！一大堆功課＋密集式測驗...
今日0岩0岩測完中史，仲有好多功課做！∼
英文：ｔａｓｋＩ＋ｔａｓｋＩＩ＋ｔａｓｋＩＩＩ＋ＣＯＭＰＯ
ｒｓ：剪報＋讀後感
ｍａｔｈｓ：ｃｗ（成個ｃｈ．４）
不過好彩聽日唔駛上ｐＥ堂，唔駛跑９．．．
唔係一定精神分裂！！
但係禮拜四要測ｍａｔｈｓ，禮拜五又要測ｒｓ．．．
都唔知仲有幾多功課ｔｉｍ∼
幾時先會完呢？不過大家都要繼續努力呀！！
