"天偉, 你怪唔怪我呀?" "傻啦, 我話左無野就無野啦! 係friend既就唔好再提呢件事喇!"

"Friend?" "下... 唔係friend, 咁你想係咩呀?" "我...我要沖涼喇! 沖完打俾你好唔好?"

"好, 等你~" 這句話究竟是甚麼意思呢? 為何她對"friend"這個字這麼敏感?

三十分鐘後, 她終於都打電話來了. "沖完涼喇, 不過好凍呀!" "著番件衫啦,

因住冷親呀!" 談了一會兒, 她終於都進入正題了. "天偉, 其實呢...你鐘意邊個呀?"

"你話邊個咪邊個囉!" 我在說甚麼呀... "咁即係邊個呀?" "你講俾我聽你鐘意邊個先啦!"

"咁奸架你!? 我問先架喎!!" "好囉~ 咁大家都唔好知lu~" "哼! 衰人!

係唔係我講左你一定講先?" "咁都唔信我? 我幾時有食過你言先? 講啦! 咩班架?"

"3A!" 這時候, 我已經有50%肯定是我自己了! "英文名咩字頭架?"

"K字頭!" 80% 喇! "不過我地班有好多個男仔都係K字頭架喎! Ken啦,

Kazu啦, Kenny啦..." "全部都唔係呀!

你又要俾我估!" "我鐘意既女仔都係K字頭架!" "我個班都有好多個女仔K字頭,

Kari啦, Kelly啦..." "唔係唔係!!!" 就這樣, 我們用了幾分鐘在猜. "阿怡,

你講既...係唔係我呀?" "...係呀! 你呢? 你講既唔係我掛!?" "係你呀!" 我很開心,

我真是非常開心!!!!! "由2月27日19:42開始, 吳秀怡正式成為我既女朋友!!!"

"傻左咩你! 咁大聲! 我個鐘而家19:44喇!" "好啦, 咁就中間19:43啦!"

"我要食飯喇, 聽日見啦! 我真係好開心呀!" "我都係呀! 聽日見啦!!" 這夜,

我開心得睡不著了! 吳秀怡, 我要跟你白頭到老!!!