社足可人兒下集之第六章
「我郭天偉宣佈: 3A大聯盟燒烤晚會正式開始!」以往每次我們BBQ一定會剩下很多食物, 因為買食
物的人都本著「有剩好過唔夠食」的心態, 但今次例外. 因為這裡附近都被一間士多壟斷, 一磅墨魚
丸要五十元! 所以大家都「就住就住」.「豬排得四五塊, 魚蛋得十幾粒, 點食呀!?」一向大食的家佑
十分不滿.「買埋番黎你仲係度嘈, 咁巴閉咪自己去買多D番黎囉!」家佑和方欣婷最愛鬥氣的.「喂,
大家靜D, 今日何妙恩生日, 我郭天偉燒左塊絕無僅有香噴噴既牛排俾佢, 大家仲唔快D拍手!」全部人
歡呼拍手, 又高唱生日歌. 我並沒有忘記她的生日, 我還記得我們拍拖時她生日, 我約她去新都廣場廁
所門口送禮物給她! 哈, 想起都好笑!
往後的兩天
, 我們都只有一種娛樂 - 打麻雀. 太悶了, 什麼設施也沒有! 我, 家佑和三劍俠很快便成為雀友! 但其他人怪我們的聲浪太大, 我們唯有去小屋那邊打. 「咦, 重播緊烈火雄心喎!」「唔好睇啦,
呢集講死人, 夜媽媽咪睇啦!」「Girls...... 有我地兩個猛男係度, 駛驚咩?」三劍俠立刻作狀口吐! 突然
傳來一些女人哀叫聲......「拿... 唔... 唔係咁邪掛!? 我陳家佑無得罪過人, 要上身上班女仔好喇!」
「縮頭烏龜! 我乜都聽唔到! 天偉, 你聽到咩?」「聽... 聽到呀......」何妙恩此時走進浴室準備洗澡, 突
然她大叫了一聲「呀!!!」 我們也被她嚇得跳起來! 「喂, 咩事呀?」「邊個熄燈呀, 我怕黑架!」「無
喎, 我地個個坐係廳, 一,二, 三, 四, 計埋你五個人, 無多無少.」突然露台陰風陣陣, 傳來一把女聲:
「仲有我呢, 我死得好慘呀......」我們立刻衝進浴室, 拖著何妙恩出來, 大家一起棄屋潛逃, 救命呀....!!