小學∼

一年班第一日返學，老師帶我地參觀成間學校，當時睇過咩已經唔記得左喇∼不過唔知點解好似見過一間類似美術室既物體，但係當時學校仲未有美術室架…

一年班時既野都唔記得好清楚，最記得就係玩到日日俾老師留堂＞＜，不過成年都好開心既！

二年班個Friend因為搬屋要轉校，之後我日日小息都好無聊…後來唔知點就識左Cherrie，三年班都係同佢同班∼其實小學頭三年冇咩記憶喇∼而家講就好似冇發生過咩事，但係當時其實係好開心架！

四年班同Cherrie唔同班，反而同另外一個唔同班既女仔成日周圍走去串ｄ男仔（…＞＜），而家覺得好無聊！而且當時既我係成績最差，最冇心機讀書既一年！

五年班終於正常ｄ喇，又可以同返Cherrie一班，之後幾乎日日放左學一做完功課就出街玩，直到六年班都係咁。

六年班係過得最快既一年，又係最多是非既一年，越接近畢業就越多野∼可能係因為要走就要玩盡佢啦！