媽咪由英國返來之後，佢又走左兩次，總共係三次！！！

第一次，就係我媽咪去左英國果次啦！！

第二次！我果陣仲住響一個叫(魚則)魚涌禮信街二十一號五樓ga地方。

我之前咪講過我老豆同我嗎媽係成日鬧交ga。

咁以前我呀媽好多朋友都係住(魚則)魚涌嫁嗎，佢地就差唔多好似係晚晚都上來食飯ga，

佢地上親來都有七至八個人啦，咁佢地食完飯又會飲下酒，

賭下啤版，打下麻雀，玩下排九咁啦！！！

晚晚都好熱鬧ga，但我最唔鍾意就係佢地走ga時候，因為成間屋都會即刻靜曬，咁佢兩個鬧交ga機會又會多左啦！！！

有一次啦，佢地又好似平時咁上來啦，但突然唔知咩事，我嗎媽無端端拎左個袋就準備走啦，

跟住就個個都叫住「唔好啦，Connie！」(我呀媽英文名叫connie)，

但媽咪都冇理到啦，之後佢就走左啦！！！

我記得我當時成個人呆曬咁嫁，跟住我響道咸，又係一次咸唔出聲ga咸，

我問：「做咩事呀？」咁其中一個叔叔叫細記，咁我叫佢做細記叔叔，

佢就同我講：「無野嫁，唔好咸啦！」我知呢D係安慰ga說話，

因為好正常，一個細路咸一個大人一定安慰佢嫁啦！

但我呀媽拎得袋走我諗都唔會係無野掛？？？？

結果佢就係響咁ga情況之下，又再一次離開左我！！！

但我知道我呀媽每次走ga原因都只有一個，就係因為我老豆！！！

至於第三次，一句說話可以講曬！！！

第三次我呀媽走左之後，佢…從此冇再返過來………………