那天……我
記得果陣讀緊4年班,有一晚,我呀爸呀媽照樣好似平時咁樣鬧交,
跟住我同我細路返左入房,之後佢地好似打起上來,
我呀媽之後話返比我聽,佢叫過我報警,但我冇做到,我都唔係記得好清楚啦!
但我都有D印象好似係有件咁ga事!但我唔知我當時點解冇報警,我真係唔知點解?
真係好對唔住! 我好內疚呀.........
跟住到第二朝起身,我發現媽咪唔見左,咁我打電話比佢啦!
佢話比我聽佢入左醫院呀!我當時好驚,跟住我記得佢問我,
咁你出唔出來呀?我叫人來接你啦!跟住我話好,我同細路好快咁拾左D野,
跟住出門口,我地落到樓下,我見到有個叔叔好熟口面,我記得我以前見過佢嫁,
但好可惜我唔知佢係邊個來囉?跟住我地行左去「(魚則)魚涌濱海街」
一間茶餐廳買野比媽咪食,我唔記得買左咩飲啦,但我記得我地買左三文治去比佢食呀!
就係由落樓前後唔知有冇5分鐘就將我一生都改變左!
就係呢一個決定將我一生都改變左,可能果次我唔走,媽咪可能又會返來呢?
可能會嫁呢?但點解我冇諗過,點解......點解呀?我覺得我好on 9 呀!
我好自責呀!我點要走呀!媽咪可能會返來嫁...................佢會返來嫁!
就係咁樣我地三個就走左出來啦!