非典型性肺炎
好友們,
這是我一位護士朋友對非典型性肺炎的一點解釋，包括一般人對這病的誤解、有效預防方法等。由於這封信他本來只是寫給我團契的人，所以他是用了很「相熟的口吻」來寫的，但我只節錄了當中有關這病的內容send給大家，而且這的確是值得參考的。大家可以花一點時間去看看，也可以send給你的朋友們呢！
祝大家健健康康！！
Eva
各位好~~~~
在此亦想跟大家談談健康問題。近期肺炎事件令到全港什至全球恐慌，大家都或可能會以為香港已成為疫埠；其實所謂「非典型性肺炎 (Atypical
pneumonia)」，所指的是「由肺炎鏈球菌 (Streptococcus Pneumoniae)以外」做成的「下呼吸道，即支氣管以下，的肺部感染」，感染令到肺部組織發炎而令其換氣系統，尤是肺胞(Aveoli)失去功能而致命。
無論由何種細菌或病毒什至真菌感染的肺炎，其傳播都是經「飛沫傳播(Droplet)」，即由患者呼吸中的口水，經對流的空氣傳播，再由另一不幸者吸入而中招。或許大家會听過另一名稱「空氣傳播(Airborn,Aerosol)」，其實原理跟droplet
差不多，只是aerosol 指那些比一般droplet transmission的病菌粒子更細，可在空氣中飄浮距離更遠，時間更久，如肺結核(肺勞)及麻疹病毒。
在預防方面，大家唔駛買鹽買醋，因為其作用有待相确，同埋都唔會有得再升值，炒唔起。近排報紙又賣到成行成市，話出街帶返個口罩喎；大家千祈唔好以為帶個mask就刀槍不入，可以當冇事發生......以下是一些我個人給予大家的忠告：
1.
保持均衡飲食：何謂均衡飲食今次唔多講住；我想帶出要确保攝取足夠維生素C，因為電視廣告都會話，vit
c增強我地o既抵抗力，每日食兩粒橙已經OK；在這非常時期，如果大家認為自己真係冇乜點食生果(要酸o既生果先有vit
c架喎)，我見議(淨係今次)可以買下汽水餅，如維乜C或康乜C咁，頂住先。不過佢一片的VIT C 含量達1000mg，身体一次過吸收唔晒咁多的vit
c，會經腎臟排左好多去，sine料，仲增加生腎石機會！我建議一日一次半片。長遠，唔該大家食橙！
2.
充足的休息，尤其唔好開夜車。身体在休息或睡眠不足下，抵抗力就會下降，跟住會點？嘿嘿，試下你就知死！題外話：唔係話lay期流行肺炎，你一lai野，就要lai肺炎；普遍，你出事o既，會先係傷風感冒，但傷風感冒，會令体弱的你更加体弱，抵抗力負資產！就好似AIDS咁，其他疾病就會把握這時機，整鑊過你！對於長者，或体弱多病的人，可以選擇到私家診所，打翻支感冒針，支針俾到d抗体過你，頂得住下！但係感冒病毒係識得「變種」的，支針有效期大概為一年到啦！至於小童，恕我不學無術，小童是否適宜打感冒針，請請教大夫。
3.
保持一定有氧運動，即大概至少一週三次持續半小時又會出得到汗的運動。同樣，不要讓自己過度消耗，要有足夠休息
4.
唔好玩暴露！人体在遇冷時，抵抗力又會下降，之所以阿媽叫你著多件衫就係咁解！
5.
保持室內空氣流通：隻菌走唔到，唔搵你搵邊個？開多隻窗，減低病菌密度，好有效。同樣，當身体唔係咁得，又或者係長者同小朋友抵抗力較差的一群，應減少到公眾場所，以減少中招機會
6.
要有公德心！話明飛沫傳播，唔該各位唔好週圍飛沬，放飛劍！大家有冇見過有D人，吐完痰落地，仲要好似好有公德心咁，加多一腳，整散佢，當冇事發生過咁！佢這個行為，只會加快疾病傳播：整散左之後，痰液跟空氣的接觸範圍增加，加快傳播速度！單單一隻手，遮一遮個口，已救返唔知幾多條人命！因為好多口水仲o向你隻手度，冇週圍飛！帶口罩最大作用，就係將大部份口水截住左，減低疾病傳播，而不是防止自己中招！我切切實實跟大家說，白色的口!
罩，即D&T堂時用的口罩，是「不能」阻隔疾病傳播，如果因為以為佢係堅野而減低警覺，你就更加易出事！要戴由3M代理的N95面罩，或至少外科面罩，要做到防預效果；但我並不鼓勵大家特意去買那些高檔面罩，因為你未必買得到，及你接觸原頭的機會實在不大，更重要，戴了那些MASK，好難呼吸，如果是老人家或本身有哮喘，是「絕對不適宜」使用！我再重申，在你病病時，戴口罩，戴個白色的口罩，減少你呼出的口水在呼氣時帶到空氣中，已為我們的社區盡了力；站在遠方的我看見戴上了口罩的你，我已在心中表揚了你，絕不會將你歸類為「口罩黨」！
最後，都係o個句，病向淺中醫，若大家覺得唔係咁妥，即係週身酸軟，發冷得黎成身慶合合，額頭好熱(我覺得家陣好少家庭會有探熱針)，咳得好辛苦之類咁，好快d去睇下醫生喇！大家可以選擇去左私家診所或街症睇左先，唔駛一去就去急症室；當然，夜媽媽又好辛苦，咁就要去啦，但記得帶返$100先出門口喎，而家睇急症要俾錢架！千祈唔好走數喎，因為走數會間接令到我失業，我會黎找你晦氣！
其他有關疾病預防的措施，不能盡錄，請參照以下衛生署網頁：http://www.info.gov.hk/dh/rpadvicec.htm
另外，想知道我地香港加陣有幾出名，可以去
世界衛生組織：
http://www.who.int/en/
美國疾病控制及預防中心：
http://www.cdc.gov/ncidod/sars/