遊戲背景
公元 21 世紀末，全世界都浮現著一個史無前例既危機。一個史上最大規模既恐怖主義組織──全球解於軍〈簡稱「GLA」〉，正在喺全球不斷發展，當時 GLA 已經遍佈全球每個地方了！
正當喺公元 2080 年代，美國仍然獨自成為超級大國嗰陣時，中國已經開始不斷發展，終於成功稱霸全球，同美國共同成為超級大國。但問題就出現啦，因為當時正值 GLA 正式建立及快速發展既時候。
GLA 既總部係位於中國西北部既沙漠既深處，組織不斷對中國進行攻擊，終成大禍。葉城核電廠被 GLA 摧毀，造成數以萬計既人命傷亡。其後又喺中國喺北京進行閱兵儀式期間，發動恐佈襲擊，將貨車上既大量中國核彈引爆，造成嚴重傷亡及財物損失。GLA 更加索性向美國發動生化攻擊，造成更大既人命傷亡！
中國無法忍受 GLA 對中國既威脅，於是決定將 GLA 趕出國土，甚至索性將 GLA 永遠消滅，其後美國更同中國聯手反恐。一場史上最大規模既反恐大戰一觸即發！
遊戲特色
1. 遊戲介面同其他既「終極動員令」系列遊戲完全不同！
2. 採用全新「鼠尾草」全立體遊戲引擎，能夠縮放遊戲螢幕
3. 新增坦克碾樹、高塔倒塌、核子污染等遊戲特效
4. 進一步改良喺「紅色警戒 2」系列之中既升級系統。原本「紅色警戒 2」系列既升級系統只有「一階」〈以下稱「普級」〉及「三階」〈以下稱「超級」〉，而家「將軍」系列會追加「二階」〈以下稱「高等」〉。另外「零階級」以下稱「次級」
5. 進一步改良喺「紅色警戒 2」系列之中既建築物駐守系統，所有步兵單位一律可以駐守喺平民建築物
6. 不設興建超級武器既上限
7. 新增「將軍技能」功能，每摧毀一個單位或建築，或者佔領任何建築物，都可以獲得一定點數既經驗值。當你既經驗值全滿時，你既將軍級數就會提升，並獲得一個單位既將軍點數。升到五星上將以後將無法獲得經驗值。一星上將、三星上將及五星上將都會依據你既陣營而有唔同既將軍技能可供選擇。遊戲開始時你會係一星上將，並且擁有一個單位既將軍點數。所有既將軍技能係由指揮中心部署。如果指揮中心被摧毀之後，喺重新建好指揮中心之前，你將無法使用所有既將軍技能！