步兵單位

遊騎兵 - Ranger -

美國既最基本步兵單位，佢喺攻擊步兵單位呢方面比較優勝，但係坦克就較難應付。

貝頓上校 - Colonel Burton -

美國既英雄單位，佢可以一擊射殺一個步兵單位〈照咁睇嚟應該可以喺媿幾秒之間射殺一大隊步兵單位 tim!〉，而且可以對坦克重度傷害，更可以用刺刀去刺殺一個步兵單位。貝頓上校可以喺敵軍建築同坦克中放置遙控或定時炸彈，作出嚴重傷害。貝頓上校本身都係隱形單位，喺唔攻擊敵軍或者放置炸彈既情況之下會隱形〈用刺刀殺死敵軍都照樣隱形 ^_^〉，但仍會被能夠偵測隱形單位既單位發現到。只能建造一次。

飛彈防禦兵 - Missile Defender -

能夠有效勊制敵軍既車輛單位同戰機，可以使用雷射飛彈攻擊去增加命中率同連射速度，不過要用好多時間去瞄準目標。

尖兵 - Pathfinder -

尖兵能夠一擊射殺一個步兵單位〈好似貝頓上校咁一槍殺兵...，只不過僅可以對坦克造成輕微傷害啫〉，射程範圍又遠過人，而且本身都係能夠隱形，即使喺攻擊時都照樣隱形〈真係可以以「隱形殺手」嚟形容！〉，但係佢又可以識破隱形，能夠偵測到任何隱形單位。雖然佢係隱形，但仍然會被能夠偵測隱形單位既單位發現到。

車輛單位

十字軍坦克 - Crusader -

美國既最基本車輛單位，威力十足既坦克，對敵軍坦克傷害較重，建築物傷害都唔輕。

汗馬車 - Humvee -

汗馬車速度快，能夠重傷敵軍既步兵單位〈仲要比遊騎兵勁，傷害更重〉。汗馬車能夠同時搭載任何五個步兵單位〈不過要小心，如果汗馬車被毀，在內既所有步兵都會全部「立即死亡」！〉，可以向車外既敵軍作出攻擊。汗馬車喺完成托式飛彈研究之後，可以發射導彈去重傷敵軍既坦克，並且具有攻擊戰機既能力，甚至增加對敵軍步兵單位既傷害！

帕拉丁坦克 - Paladin -

對敵軍既車輛單位傷害加成〈比十字軍坦克強〉，對敵軍既傷害亦都不俗。佢配備咗雷射系統，能夠將所有飛彈全部摧毀〈除咗核彈同生化死雨風暴飛彈〉。不過帕拉丁坦克對步兵單位傷害唔重，而且雷射既發射速率唔快，一定要結合其他既單位一齊使用。

戰斧飛彈 - Tomahawk -

地對地、射程遠既戰斧飛彈，能夠對基地防禦工事造成極大既傷害，對車輛單位既傷害都唔輕，但係對步兵單位傷害欠佳，而且唔能夠攻擊戰機！戰斧飛彈擁有追蹤目標〈除咗步兵單位〉既能力。

救護車 - Ambulance -

能夠治療任何既步兵單位〈上限為 3 個，而且不能對外攻擊〉，以及清除輻射同毒素，不過無法攻擊。

建築推土機 - Construction Dozer -

主要用嚟建造以及修復所有美國建築，也能清除所有地雷及炸彈，不過唔能夠攻擊。

戰機單位

運輸直升機 - Chinook -

用嚟收集補給品並將其送到補給中心，將其轉為戰爭資金，最多可收集 $600 既補給品。另外，運輸直升機可以搭載八個遊騎兵，或者兩個車輛單位〈但係唔知道可以搭載邊啲車輛單位〉配兩個遊騎兵。如果你既運輸直升機搭載咗遊騎兵既話，你可以命其空降遊騎兵到任何平民建築上，將其佔領。

猛禽戰機 - Raptor -

載有四枚導彈，以攻擊下至任何車輛單位，上至任何戰機！猛禽戰機僅能夠喺機場進行補給。

曙光轟炸機 - Aurora Bomber -

曙光轟炸機擁有其勁快既速度〈速度有如超音波既速度〉，能夠完全免受所有敵軍砲火既攻擊！曙光轟炸機能夠利用去對所有建築物造成災難性既傷害。不過要小心，喺曙光轟炸機作出攻擊之後，其速度會減少一半，呢個時候佢會隨時被敵軍防空建築或防空單位，甚至係戰機所攻擊。

卡曼契 - Comanche -

載有四枚飛彈，能夠對車輛傷害加成；飛彈用盡後，卡曼契會用機槍砲以重傷步兵單位。卡曼契不同其他戰機，佢可以喺空中重新裝填飛彈。喺升級咗火箭匣科技之後，卡曼契將會具有向指定地區發射大量小型火箭既能力。

隱形戰鬥機 - Stealth Fighter -

隱形戰鬥機主要用嚟重擊敵軍既防禦建築〈最適合攻擊敵軍既防空建築〉。隱形戰鬥機本身具有隱形能力，不過會被能夠偵測隱形單位既單位發現到，而且唔能夠攻擊戰機單位。