最近打字唔知點解好鬼多口語，可能係俾ｄ朋友影響到啦，不過我覺得甘樣好得意，好真我，所以我呢次日記都想寫得口語ｄ，希望ｄ讀文學既人唔好對我呢篇日記甘挑剔啦！嘻∼

　　文學聽日又要背書ｌｕ，子盈同我平日好鍾意哄阿ｓｉｒ，最緊要係佢受丫嘛，當然，我地兩個係「雙劍合『逼』，無人能敵」架嘛，尤其係子盈特別大膽，唔知係咪佢自從同阿邊個邊個一齊之後成日恃住有人撐住呢？呵呵∼∼唔知呢∼∼

　　係．．．講番文學丫，聽日要背「太史公自序」第一至第八段，背死人啦，不過我好鍾意背書架，所以都無乜問題。係呀，今日中文學會個ｍｉｓｓ又搵我幫佢寫乜野會議紀錄窩．．．唉，好心呀，就叫個所謂會長去做喇，我都係副之嘛，做咩要我做甘多野窩．．．嗚∼∼∼雖然我其實都唔係好放心俾個件廢物做，哈哈，甘我唯有哽左個工作佢啦．．．

　　嗯！我今日放左學又同小姬姬同學去左上倉，我地都無約埋去邊架，不過唔知點解行行下又會識得走入惠康囉，哈哈，我地既老地方黎架嘛！我地又係照樣傾偈多過買野囉，不過真係好鬼好傾，至於我地既話題？呵∼唔講俾你地知，想知就直接問小妹子囉∼∼∼我地約左今個禮拜五上去小姬姬屋企“ｈｅａ”，連酒都買埋架喇，我又買左ｄ雪米玆，不過係我自己係屋企食既，嘻．．．

　　我同小姬姬真係傾左好多野，傾下傾下，我又講到一個好耐無見的女性朋友。係我的朋友之中，得佢係最放縱自己的，而佢都有同我講過，係佢的朋友當中，得我係生活正常的。唉∼我都想幫佢，因為佢係我的朋友，但係，我又要讀書，而我的生活係日頭，佢的生活係夜晚，甘叫我點幫佢呢？其實都唔係佢的錯來，佢講過佢阿爸（某某中學教師，某某夜校校長）係佢細個果陣成日都唔理屋企，淨係識得顧住個市，佢知道自己生活唔正常，但係已經太遲，根本就改唔到，佢仲成日都講俾我知出面個世界係點，我好鍾意聽，因為我自己係個唔多出街的人，我同佢，真係好大對比呀！老實講，我覺得自己真係好幸福．．．所以．．．我．．．唉∼∼∼∼

　　講番佢丫，佢成日有男人俾錢佢使的，我都真係好唔明果ｄ人點諗的，果ｄ人仲送埋部８３１０俾佢，佢仲要係澳門賭輸晒之後當左部手提，唉∼∼∼都係唔好講今多佢喇，免得你地會誤會小妹子的為人。不過，我都係好擔心佢，所以先同大家講下．．．

　　我仲有講到我外婆，不過．．我第日先講俾大家聽啦，我未背文學呀，想我死咩！？哈哈．．．都係果句──想知咪直接問小妹子囉！

　　呵．．．．（奸笑十分鐘）

>>2003年02月25日 20:25:28 (GMT+8)