AUGUST
０１／０８／０５ 晴
今日去沙角村，由於唔識路ｇｅ關係，，搭左７４ｘ，去到大老山隧道先知搭錯車！即刻落車返過去另一邊搭車，但搭車唔識落車．．由乙明村行到去曾大屋，再行去博康，先到沙角村！我真係好白痴！今次我真係承認自己係路痴！唉........
去到見到兔仔，森美，同個新同學ｗａｎ！終於唔洗自閉喇！！好開心呀！！今次做問卷調查！勁好玩！！哈哈
但係果到只係得一個電話∼不停咁打．．ｒｅｆｕｓｅ多過做！唉................
有個好好笑，我問佢問題，佢一開始唔同我講話佢唔ｏ係現場，咁我問佢ｄ問題，
佢只係話"唔知,唔記得,唔清楚" 連續5題都係咁......我終於忍唔住笑左出黎...哈哈!
一笑我就停唔到,then就cut左線~但我再打比佢,佢都行再做埋個問卷,但我都係忍唔住不停咁笑....
then 阿wan同佢講,講講下我又笑,佢又笑....再比兔仔講埋個尾! 唉.............. 真係笑死!!!
森美講野好似ｏ係到兇人咁．．佢成日都講得唔清楚！再ｒｅｐｅａｔ！！好似ｈａｎｄ 機咁！！哈哈，笑死！
去到５：３０走ｌｕ∼ 白痴！個ｏｆｆｉｃｅ對面有個馬鐵站..............朝早搭咪唔會搭錯車ｌｏｒ！
夜晚都開始好似病咁．．．但要睇電視！頂住啦！
同豬仔傾左幾句∼佢不停咁醜化阿峰∼但我已經先入為主ｌｕ∼我都驚我會鐘意表面ｇｅ佢！豬仔仲話佢係 ａｌａｎ ｓｍｉｔｈ ｇｅ 類型．．．．．．聽完我都笑一笑！哈哈
之前ｇｅ日記我唔會ｐｏｓｔ出黎ｌｕ，反正都冇人會睇．．．．．
要ｌｉｎｋ就ｌｉｎｋ呢板個ｌｉｎｋ丫！
講返個ｃａｍｐ先，我驚會唔記得個ｃａｍｐ∼一定要提一提！
２７／７－３０／７ 長洲 開心 好玩
呢個ｃａｍｐ有 我,ｓｉｕ ｗｉｎｇ ａ,ｍａｎｄｙ，ｒｏｃｋｙ，代，豬仔，ｊｏｈｎｎｙ，羊羊，ａｌｅｘ，巴力，阿偉，威威，阿ｎｉｎｇ，阿峰－又新，又高ｇｅ朋友仔！
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
０２／０８／０５ 晴
今日自己一個去左大埔中心∼因為好似開始病，冇咩精神．搭ｋ巴都可以訓．．唉...........喉嚨又痛．．．．
夜晚睇電視∼之后ｈｏ ｍａｎ打黎∼傾左一傾，突然阿峰打黎，個豬仔又唔知做過ｄ咩！！嚇得我丫！
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
０３／０８／０５ 晴
今日去左睇＜露寶治的世界＞，有小６陪我睇！！！ｄ公仔好得意！！好可愛呀！ｌｅｏ把聲好好聽！
睇完佢就去搵ｓｉｎｇ，佢陪到我車黎就走左，我就去左大埔中心∼！
夜晚都係睇電視啦！真係悶∼唉.........................做完妙手仁心之后，
阿峰打黎傾左半個鐘啦！佢都仲記得喎！哈哈！！！！！好多謝你都仲記得我呀∼！
其實我都ｆｅｅｌ到我好悶ｏ係電話到．．．因為ｏ係屋企我唔係咁方便傾ｇａ有時！
其實我都幾開心ｇａ同佢傾計．．．． 佢踢波真係好型ｇａ！
睇完＜尋秦記＞就訓ｌｕ∼！
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
０４／０５／０８ 晴
去左ｋｆｃ．．又見到個好好人ｇｅ經理．．． 以為豬仔會ｏ係到，但......ｏｈ！諗住去影印，但先發覺冇帶錢．．．
之后去左匯豐銀行入錢交學費，勁多人！ 入完行返去屋企，好彩有八達通，可以買野飲！
返到屋企睇＜達文西密碼＞，真係好好睇．．．要快ｄ睇完比豬仔睇∼！
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
０６／０８／０５ 晴
今日第一日返ＫＦＣ∼去左ｍａｎｄｙ媽拎鞋之后就去左買＜６０歲的情書＞．．．
話說我拎左阿爸張大眾會員卡去買，我就去問個ｓｔａｆｆ張會員卡唔係我可唔可以用ｇａ，佢答我" 唔好比我知道咪得lor!" ﯴ幾"幽默"呀! 我就同佢講" 你見唔到我ｌｕ咁!"
之后返ＫＦＣ喇∼唉.........真係辛苦!如果我唔係要拎經驗我都唔做呀!!!!!! 果到ｄ經理都神神化化！
等我拎呢個月經驗如果覺得唔好玩就唔做!! 再去過冒險樂園in過!!!我就唔信佢次次都唔請我!!!!
返２：００放６：１５．．．．．放工見到ｍａｎｄｙ！親愛的ｍａｎｄｙ∼第一眼見到佢真係好開心∼！哈哈！辛苦左成個下午終於見到ｄ係識ｇｅ人∼！太開心喇！！！出到去仲見到ｒｏｃｋｙ，羊羊，ａｌｅｘ！！！
等埋阿代放工就走喇∼佢嚇左我２次！！！走果時，佢話我又提阿ｆｕｎｇ.....
（－．－)'''''''''''''''''無奈！！！！都係咁啱ｊａ！！！！！！佢又不停咁吹喎∼！越吹越無聊！攞命！
返到屋企又繼續睇＜達文西密碼＞；睇左２頁＜６０歲的情書＞，嘩！真係好感動呀！
睇到個係個老婆寫比老公，佢ｏ係個老公最后一日返工ｇｅ飯盒到放左呢封信，最后果到睇完真係動左一動！！
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
０７／０８／０５ 晴
今日交左學費，一期咁就成萬錢喇！
不停咁睇埋本達文西，終於睇完喇，咁就唔洗比人串話我睇得慢啦∼！
個結局幾ｓｕｒｐｒｉｓｅ∼！仲以為會有ｄ咩睇．．
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
０８／０８／０５ 晴
今日遲到．．去到兔仔已經食左個Ｍ早餐．．．．．． 搭火車，架火車成架都有阿ｎｉｎｇ個樣，一見到佢個樣就想笑，哈哈！！又真係幾靚仔喎！
返到去森美已經返左去．．又開始工作喇∼！
不過今日係最開心ＧＥ實習．．不停咁吹水．．吹水．．．吹水．．．．
森美講左好多Ｃ班野我地知．．．真係估唔到ＩＶＥ都會有呢Ｄ人．．唉．．．恐怖！！又玩左Ｄ無聊ＩＱ題．．哈哈∼！
今次早左ＬＵＮＣＨ．．ＹＥＡＨ！聽日睇戲！！又遲返．．又早放工．．．真係開心！！下個星期又係咁，太好喇∼！
６點幾返到家∼！
夜晚睇完阿花個ｄｉａｒｙ........都諗起以前ｄ同學∼！其實都冇枉過果５年！年年都好開心∼
其實都幾慶幸讀果ｄ班都有好多好幽默ｇｅ人．．．笑足５年！有ｄ仲不知不覺咁ｆｒｉｅｎｄ左６年！
ＴＨＡＮＫ ＹＯＵ ＭＹ ＦＲＩＥＮＤＳ∼！
Ｉ ＬＯＶＥ ＹＯＵ ＦＯＲＥＶＥＲ∼！
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
０９／０８／０５ 雨
朝早同豬仔睇＜０時３點３＞．．．嘩！！比套戲嚇左好多次．．．但係隔離果個好似冇乜野咁．．
睇完去左ｊｏｈｎｎｙ家∼！哈哈，陳邨∼ｊｏｈｎｎｙ家真係得意，乜都收唔到，電視，收音機，乜都冇！但係佢細佬幾靚仔喎！！
１：３０就走喇∼極速返屋企再去ＫＦＣ．．．
今日好傷心，第一次返工返到想喊，好彩冇流出黎，冇人知！其實都唔係比佢話而喊..........係．．都唔知點解會咁．．．．唉..............真係諗過放棄，但係我唔會衰比個阿嬸同另一個人睇ｇａ！話我丫喇！！
ｙｏｕ ｗａｉｔ ａｎｄ ｓｅｅ！！！！！
見到ｌｅｏ喎∼！係阿代個靚仔細佬∼！點解一ｄ都唔似阿代ｇｅ！？
放左工想搵人傾計但唔知搵邊個好．．．最終都係自閉咁返家．．．
哈！自己一個真係會亂咁諗野！
商台幾時會比＄＄我呀！？我想要呀！！！！
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
１０／０８／０５ 雨
今日放榜日∼
雖然唔關我事，但係我都有數位重讀朋友．．．．朝早唔打比佢地怕阻住佢地
下午打比ｊｏｈｎｎｙ問下．．．．哦．．．．．．都好丫∼！個個都進左步！加油啦！！！
應該升到ｇａ！∼！！ 再唔係咪黎ＩＶＥ再做同學ｌｏｒ！哈哈∼
之后諗住去買野，但唔知買咩先好．．．．．就返家喇！
夜晚浩汶打黎．．哈哈！好勁呀！真係要多謝 Ｍ ｓｉｒ 呀！！！！
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
１１／０８／０５ 雨
今日睇書學識：
批評是冇用的，因它使人增加一層防禦，而且竭力的替自己辯護．批評也是危險的，它會傷害了一個人的自尊，和自重感覺，同時激起他的反抗！
任何一個愚蠢的人，都會批評人，斥責人，和抱怨人－－同時，也是絕大部份愚蠢的人才這樣做！
所以，我係愚蠢的人！
我要學識唔批評人！！！今日試過唔批評細佬，佢講ｄ咩都唔駁佢．．但好辛苦，好無奈，哈哈∼！
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
１２／０８／０５ 雨
今日真係黑色星期五∼
可憐的我已經開始驚返工喇∼
返到去又係學執餐，之后又拖地，洗野，洗野都洗１個鐘．．洗完已經係５點幾．．．．之后又開始學執餐．．
返到去拎野先知道我個袋唔見左．．不過我好冷靜咁搵．．有個女仔都幫我．．．之后經理都黎搵．．正實我個袋係唔見左．．．．乜都冇晒ｌｕ∼
我就走去警署報警．．好近喎個警署．．第一次入咋．．ｄ警察入完電腦就同左２個警察返ＫＦＣ．．．點解咁近都要坐警車！？第一次坐．．！！！
我記得果個靚仔警察係－２９３，哈哈！我特登望多一眼！返到ＫＦＣ個差人幫我再搵多搵．問下野．．
我就打電話ＣＵＴ 晒Ｄ ＣＡＲＤＳ．．．．．．期間我係ＦＥＥＬ到Ｄ ＭＡＮＡＧＥＲＳ係黑面！
之后返警署落口供．．．個陳ＳＩＲ好好人，幫我搵電話ｎｏ. 黎ＣＵＴ ＣＡＲＤＳ．．ＴＨＸ∼！
落完就走ｌｕ．．個ｓｉｒ 比左＄４我搭車返家．．．
落到街，我第一次因為成身都冇＄＄，乜都冇而徬惶，寂寞，身邊又冇人．．真係好驚．．果種感覺真係好難頂！
想搵個人傾計都冇．．真係好可憐！上到Ｋ１７我仲喊左出黎．．．點解我咁蠢會比人偷晒ｄ野！？
有時我真係覺得自己好蠢！！！做ｄ咩都要人照顧．．唉...............
返到家８點幾，好彩屋企人冇鬧我．．真係好好彩！！！
９點幾會阿ｓｉｒ打黎話ｏ係商場個男廁搵到我個袋，咁我就立刻返警署．．．．
唉.........個電話，ｍｐ３，＄＄＄，八達通，學生証冇晒．．．．．．其實都ｏ係到！好彩ｉｄ ｃａｒｄ，提＄＄ ｃａｒｄ 都ｏ係到！
返到屋企１１點∼
果到ｄ經理都唔理我ｇｅ．．．．咁點會有歸屬感呀！！？返工都唔開心啦！！
今日真係有好多第一次！我亦希望係最后一次！！好彩我已經１８，唔洗阿媽ｏ係到！
死啦！聽日返工都唔知點算！！我真係好驚ＫＦＣ ｄ人！！個個都咁鬼衰！樣又衰，口又衰，連個格都衰！
正ｃｈｅａｐ精！！！
好彩ｉｄ ｃａｒｄ，提＄＄ ｃａｒｄ 都ｏ係到！ 真係不幸之中ｇｅ大幸！！！
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
１３／０８／０５ 雨
一早我已經諗住遲起，所以一定會遲到！返到學校１０：００．．之后因為我冇晒ｄ同學電話，就上去搵
ｔｏｂｙ！之后又講番昨晚ｇｅ事！上到６／Ｆ又再講多次．．．．今日都冇野做．．Ｏ係６／Ｆ ｈｅｉ 到１２：００就走喇！ 去奧運搵ｃｉｎｄｙ！極速食野再搭車走人．．．
返到大埔拎番個ＫＦＣ牌就返ＫＦＣ喇∼今日好忙！
仲比我見到有個男仔２次一見到我就淫笑，偷笑，暗笑！！我懷疑係佢，但都冇証據，算啦！豪比佢！
８點幾放工，就同個經理講我唔做喇！！！鬆晒成身都！
超級城個大電視播曼聯！！！ｇｏｏｄ！睇左一陣就走去搵ｓｉｕ ｗｉｎｇ ａ 佢地！！
經過冒險樂園就入埋去見∼哈！世界真係細到咁！？！？！！？
比我見到個ｓｔａｆｆ係同我同一橦同一層果個男仔喎！！！哈哈！！
佢都認得我喎！！！原來佢姓霍！！之前ｆ５日日都見佢但一句野都冇講過！你請我就好喇！！！
之后去左間酒吧睇波，傾計．．．．１１點走ｌｕ∼
哈哈！！
豬仔呀！！如果阿峰唔黎我唔會黎比書你ｇａ！！！
佢入黎我一定到！！！哈哈！你一定要叫佢黎呀！
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
１５／０８／０５ 雨
今日返實習！冇做過野！！！
不過好開心∼森美原來好得意．．．．．．．好好玩！！！
佢講左ｄ Ｃ班事，人我知．．．奇怪的一班喎！
５：３８走ｌｕ．．．．下個星期又變番自閉ｌｕ．．．．
我改左電話號碼呀！！！！！唔好再打以前果個呀！！！！！
要問我拎番呀如果我唔記得比你！！！！
夜晚ｓｉｕｓｉｕ問我我先真係諗呢個問題，（我之前玩玩下，講下笑先話佢去我先去ｇａ）
自從做左ｋｆｃ開始我只係記住ｄ餐，同埋果到ｄ人好鬼衰，
咩都冇諗，之后比人偷埋野我都只係諗邊個偷，果個經理，同埋點解要偷我野，
仲有果個靚仔差人（眼大大，短頭髮，一般高）！時間耐左，都唔會再有好感ｌｕ．．呢ｄ都係一時ｇａ ｊａ！
我又唔係第一次，慣了！
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
１６／０８／０５ 雨
去左整八達通，之后再去解凍張提＄＄ｃａｒｄ∼
行左去冒險樂園．．見到阿代．．
之后返家ｌｕ∼
夜晚冒險樂園打黎話叫我返工呀！！係冒險樂園呀！！我ｉｎ左３次先請我！！
真係幾開心喎！！！！！！！！ 但都係可能因為之前ｉｎ時果個男仔係識ｇｅ，
真係要多謝果個霍哥哥呀！可惜佢返昌運，我返超級城啦！
我終於做冒險樂園喇！皇天不負有心人呀！
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
１７／０８／０５ 雨
死人兔仔！！又話可以比野我！！點知又要睇火！放我飛機！死仔包！！！
首先去左ＫＦＣ還番ｄ衫．．．個經理仲要問我點解唔做．．．
之后去影印，再幫媽咪交卡數．．．．再去渣打開戶口，但因為住址證明唔得，聽日先可以去．唉........冇一次開戶口係好暢通ｇｅ！！
同浩汶仔傾計．．．．
夜晚去左食壽司．．．．．．阿代仔打黎，聽日又見到你喇！
終於有機會睇＜黑白森林＞喇！ｇｏｏｄ呀真係！
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
１８／０８／０５ 雨
基仔生日快樂∼！
起身睇左一陣＜藍血人＞．．．都係睇過一次咁大把咋！
之后又去渣打開戶口，又失敗．．聽日再去過！
１１點幾就去冒險樂園開工喇！！！第一日返呀！果個綠衫人講左好多野我知，
成日都坐ｏ係波波池到，好多細路黎玩，成個下午都冇咩停過！
我仲計錯數計少左ｄ時間比個女仔玩，佢姨媽仲話我，但我都只係當耳邊風..........
冇謂張人地ｇｅ不滿，唔開心建築起自己身上丫！拎住呢條宗旨，咁第二時做物業管理都冇咁辛苦丫！
４點幾去左食飯，食飯果陣比條友ｏ係到不停咁嘈，不停咁嘈，嘈鬼住晒！講ｄ野又白痴喎！
返到去做左一陣ｄ人就開始少喇！！７點幾有個外國小朋友黎玩，
佢叫ｊａｍｅｓ，佢隻眼幾靚！佢一見到我就笑！
又有一個，我問個小朋友叫咩名，佢個阿爸叫我估下喎！？可能係叫"李古夏".....好無聊ｔｉｍ∼！
我仲見到之前有個細路叫"楊子燕"．．．．子ｙｉｎ可能去左玩！！！
８點幾放ｌｕ∼ 咁就一日喇！！
都幾開心呀！！！第一日返冒險樂園，好過返ＫＦＣ，
返完一日ｋｆｃ我就已經唔想再返第二日！！ＫＦＣ ｄ人把口又衰！真係諗起ＫＦＣ就忟！！
見到好多細路，又得意喎！有對ｔｗｉｎｓ，最得意都係個ｊａｍｅｓ！
第一個識GE同事應該係阿 TERRY．．．起碼我記得佢叫咩名，都有講２，３句野！原來佢地唔識讀我個名~ ｃｈｅｒｙｌ
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
１９／０８／０５ 雨
起身，食完野就出去渣打開戶口！終於開到喇！
開完就返屋企放番張出世紙，自ＫＦＣ偷野事件后，阿媽成日都話小心ｄ呀！比人偷左點算呀！
今日返工，哈哈！我又坐波波池！我都幾鐘意坐波波池！
可以見到好多細路仔，同佢地傾計！！好開心！
今日好少細路，有個細路玩左５次！同佢傾左一陣計，佢不停咁問野！
期間見到巴力，浩汶∼！
收夜∼ 已經冇左Ｋ巴 ｌｕ....................
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
２２／０８／０５ 雨
朝早真係唔想起身，最終遲左一個鐘先返到去ｗｏ ｃｈｅ ｅｓｔ.！！！
好眼瞓地等等到走人！１２：３０就走左喇∼ｈａｈａ！！！
行左沙田，大埔一陣．．．．就去球場搵ｆｏｒｔｉｓ，小６都ｏ係到喎！生日快樂！
佢地比賽∼"ｆｏｒｔｉｓ vs ｒｏｃｋｙ表弟隊"
真係．．一係唔睇，一睇就咁激，都幾驚喎！！真係想報警！（我即時諗起果個差人！）嚇得我丫！
之后去左冒險樂園∼
夜晚同小６，ｊｏｈｎｎｙ，豬仔食飯．．．．．．．．．成晚都比佢地３個玩！
小６，ｊｏｈｎｎｙ仲張ｄ辣椒放落個蛋糕．．．．．．
好彩最尾都知道：
ｊｏｈｎｎｙ衰咩！！！！！ 哈哈！
之后返家ｌｕ．．．．．．．．．．．．．．．．．．
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
２５／０８／０５ 晴
今日返早！眼瞓到死呀∼∼∼∼∼∼∼∼∼
一開始我又係坐波波池，有新同事黎．．．．．．．
之后又去做幸運輪．．．ｄ人勁煩，等下好似會死咁！玩遲ｄ都唔會死啦！咁趕做乜喎！
哈哈！個肥仔豪又黎喇！！！！個下午同佢傾下計，阿ｎｉｎｇ都坐呢度．．．．
咁又到食飯喇∼ＳＩＵ ＷＩＮＧ Ａ－Ｚ同浩汶黎左，我又要走ＬＵ．．．．
之后同Ａ－Ｚ做"好學生"．．．．一同佢好嚴肅咁講"小姐,麻煩你呢邊丫!" 我就好想笑!
６點放工喇．．．但要做五常．．．６點４５先可以換衫．．．．
返到家．．．終於可以正正常常咁返家喇！
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
２７／０８／０５ 雨
今日返１２００．．．．．．．．．．返到去就ｓａｌｅ
"好學生+月餅" 好好玩喎！越ｓａｌｅ越好玩！好過企ｏ係到不停咁
做幸運輪！！！！唔洗比人煩，只有我去煩人，哈哈∼！
下午食飯前去派波波∼
我做到今日，都仲係唔係好得一個女同事．．．
硬係唔係好鐘意佢咁．．．不過唔緊要．．同事ｊａ，又唔係做朋友！
食完飯就坐波波池喇∼我終於比人掟返去波波池喇∼！ｓａｌｅ左幾張４合１∼
好白痴呀！ <" 全部"小朋友,你夠鐘喇!>
差唔多放工....竟然叫我去洗小食！！！！！！！！
真係激死我！！！！！！你都痴線ｇａ！點解咁多人都仲要叫我喎！
２日前洗完又洗！？你去死啦！搞到我１０００先放！賤人！！！
得一個人洗．．．．哈哈！搞到我又想喊．．．．．．
２２４５返到家ｌｕ．．．．．．．．．．．．．
夜晚睇ａｌｅｘ ｄｉａｒｙ．．．．羊羊又要走喇，睇到我又想喊！
咁又一日∼∼∼∼∼∼∼∼∼∼∼∼∼∼∼∼∼∼∼∼∼∼∼∼∼
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
２８／０８／０５ 雨
我都想去唱Ｋ 呀！！！！！！！！
死喇今次！ＨＩＤＹ次次返工都要約埋我先一齊返呀！！我終於覺得佢好煩喇！！！好頂隱，佢叫我敏敏∼
夜晚睇到個更表，我睇完自己之后唔係睇下阿ｎｉｎｇ，而係睇ＨＩＤＹ，ｔｈｘ ＧＯＤ！
一日都唔同，冇一日係一齊！真係ｔｈｘ ＧＯＤ呀！！（好似好衰ｔｉｍ∼）．．．．
但係阿君放假．．好失望ｔｉｍ．．點解佢可以咁快放ｇｅ？！
今日１１點幾Ｏ係見到佢之前已經打左３次比我喇！！
返到去，ＳＡＬＥ４合１＋月刊（好驚ＹＵＫＩ）＋月餅．．．．．．．行黎行去．好攰！
但成績都ＯＫ掛，ＳＡＬＥ左都應該有２０or＞張４合１＋４本月刊（估唔到真係有人買）．．都應該對得住ｙｕｋｉ姐！
好彩阿代話我知，我月餅終於開市喇！！個女人仲要買４個裝呀！！ｔｈｘ阿代！！
夜晚差唔多放工，ｏ係入面影下相．．．又再ｓａｌｅ下野．．．２０４０走ｌｕ．．．．．
同羊羊食飯∼佢又要走ｌｕ．．．．．．食完去左完善公園！！山長水遠咁行去影相！但好開心，我覺得我地真係
ｋａｉ ｇａ！！！！影相影到痴線！！好開心呀！！！！
羊羊！！加油呀！！！！
ＪＯＨＮＮＹ唔好走！！一定會好唔捨得你！
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
２９／０８／０５ 雨
今日係預左遲到，起身仲聽左陣歌先走人！可能昨日ｓａｌｅ左太多野，講左太多野，今日喉嚨痛！
１０３０返到去，坐到食飯．．已經變左雪條！
食完野返去打字．．悶到死！！！１７３０走人！由於唔夠瞓ｇｅ關係，今日都"拾o下拾o下"!!!!
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－
３０／０８／０５ 晴
返１４００！！！！！由於好似病咁．．．．．啱啱返到時都係"拾o下拾o下"
今日做收銀∼∼∼∼∼幾好玩喎！！！點解ｄ人可以咁無聊黎
ｆｉｎｇ 錢ｇａ！？＄１５００呀！！！
ｓｈｏｔ ｇａ 個女人∼
終於可以同ｎｉｎｇ少一齊食飯喇！！！！！ 今日埋單果陣時職業病發作，同個人講"多謝晒!"我應該係講"唔該"!
笑死我!!!!職業病．．．．哈哈！
今日ｏｖｅｒ左＄２２∼好彩！！！第一日做收銀就冇收少！ｔｈｘ ｇｏｄ！
－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－－