決賽通知 03-09-04 星期五 原音2004樂隊比賽決賽 SOUNDBASE FESTIVAL 2004 音樂類別 : 原音樂隊比賽 時間 決賽 : 9月3日晚上7:30 地點 : 高山劇場 門票將於8月3日起城巿電腦售票網 or 通利琴行公開發售 今次樂隊名叫做「SMS」 參賽歌曲 : 完全忘記 (原創) 作曲 : 劉智勇 填詞 : 劉智勇 編曲 : 劉智勇 詳情請到 通利網站
雖然攞唔到任何獎項，但被當晚其中一個評判林建華先生(音樂人)，在9月9日出版的第164期MILK Meggzine內報導原音2004當晚實况，佢點名提到我哋SMS就乜都夠晒啦 ! 佢講咗D乜 ? Click here 哈哈 !
|
9月生日 今個月好多人生日呀 ! 分別有 : 9月2日 - 阿K哥 9月6日 - Hilary 9月12日 - BB狗 9月13日 - 規B 各位朋友 生日快樂 !!! HAPPY BIRTHDAY !!! |
表演通知 22-08-04 星期日 香港電台二台 - 二千靚歌再重聚 時間 : 21:00 ~ 00:00 嘉賓 : Boris 、Brian、Isaac |
決賽結果 03-08-04 星期二 香港漫畫節 - 第二屆香港青年音樂祭 (Unplugged組) HEARTBEAT 2004 Band Sound & Unplugged Competitions
亞軍 : B+
參賽歌曲 : 完全忘記 (原創) 作曲 : 劉智勇 填詞 : 劉智勇
相片 |
01-08-04 星期日 「香港漫畫節 - 第二屆香港青年音樂祭 初賽 (Unplugged組)」 今日係初賽，最值得講既都係其中一個結他手阿全去咗廣州，唔知趕唔趕到返黎， 我地4:00p.m.要唱，佢3:15p.m.先到羅湖，到我哋上晒台，佢係最後一秒趕到， 真驚險，直頭好似拍戲咁，阿全搶晒鏡啦今次，真係辛苦晒佢， 佢好盡力同努力咁跑到會場，我哋每個人都好感動。跟著大家就將平時練既嘢發揮出黎， 最後我地「B+」獲得入決賽資格 |
決賽通知 03-08-04 星期二 香港漫畫節 - 第二屆香港青年音樂祭決賽 (Unplugged組) HEARTBEAT
2004 Band Sound & Unplugged Competitions 時間 決賽：8月3日下午1:00 地點 : 灣仔會展 Hall 1 共7隊樂隊比賽 今次樂隊名叫做「B+」 參賽歌曲 : 完全忘記 (原創) 作曲 : 劉智勇 填詞 : 劉智勇 詳情請到 漫畫節網站 |
比賽通知 01-08-04 星期日 香港漫畫節 - 第二屆香港青年音樂祭 (Unplugged組) 初賽 HEARTBEAT
2004 時間 初賽：8月1日下午1:00~2:00 & 3:30~4:30 (我地係第二段時間) 地點 : 灣仔會展 Hall 1 (初賽及決賽) 共十五隊，初賽分兩段時間比賽，即日選 7 隊入決賽 我地係第十四隊，今次樂隊名叫做「B+」 參賽歌曲 : 完全忘記 (原創) 作曲 : 劉智勇 填詞 : 劉智勇 詳情請到 漫畫節網站 |
比賽通知 27-07-04 星期二 原音2004樂隊比賽初賽 SOUNDBASE FESTIVAL 2004 音樂類別 : 原音樂隊比賽 時間 初賽：7月27日晚上10:00~11:10 決賽 : 9月3日晚上7:30 我地係最後一隊，今次樂隊名叫做「SMS」 參賽歌曲 : 完全忘記 (原創) 作曲 : 劉智勇 填詞 : 劉智勇 詳情請到 通利網站 |
24-05-04 星期一 「2004 春夏季新歌發表 !!!」
|
23-05-04 星期日 「好開心的第一次」 今日終於可以嘗試到我一直以來都好想試既野 ! 第一次幫阿林生...........第一次摸..........第一次3play.........第一次錄.......第N次入........ 我會記得呢日同A小姐 ! 嘻嘻 ! |
表演通知 12-04-04 星期一 Green Coffee 海港城舉行「擺你上台」音樂會 我將於2004年4月12日星期一下午3:00p.m.~6:00p.m.在海港城舉行「擺你上台」音樂會有份演出，我的演出時間是 4:05p.m.，我會首次唱出最近全新創作的 2~3首新歌，包括新歌「想哭」，希望大家有時間經過就來望下啦 ! ^ 有興趣可以預早問我詳情架 ! 多謝全力支持本地創作 ! ^ |
11-03-04 星期四 「新時間表」 由今個月25号開始，我會逢星期四多1 set 7:30p.m.，詳情請留意 Showtime-Schedule， 得閒多啲嚟捧場啦 ! ^ ^ |
05-03-04 星期四 「我既新歌 - 想哭(國)」 今個禮拜趕工之下，終於完成咗我隻普通話新歌叫做「想哭」，係我第一首慘情歌 ! 嗚.....嗚.....聽完好想喊....... ^ ^ |
23-02-04 星期一 「我又病 ! 」 前晚去咗揾Isaac，放工之後同理Kitty去咗漫畫店玩，食咗好多嘢，跟著𠗕晨四點我先返屋企， 可能巴士太凍，返到屋企有啲唔舒服，但冇理到就上床訓，一起身就嘔咗一次， 個肚好唔舒服，諗住休息下無事啦，點知痛咗成日搞到星期日夜晚返唔到工， 今日一早去睇醫生，真係好辛苦，仲有啲暈添，睇完醫生話係感冒菌入胃lor ! 佢喺我屁屁度打咗支針，就好快好返，休息咗一陣，夜晚又去返工lu ! |
03-02-04 星期二 「Happy Birthday to Fai Fai」 HAPPY BIRTHDAY 今日係我朋友阿輝生日呀 ! 祝你生日快樂，少啲OT，多啲Money，艷福無邊啦 ! |
25-01-04 星期日 (年初四) 「Busy day」 今日係農歷大年初四，仲係病緊又咳添，約咗個friend去睇戲「致命報酬Paycheck」， 呢套戲都唔錯，跟著去咗食味千，本來要接住meet第二個friend去睇「鬼馬狂想曲」， 點知佢又要訓覺，唯有約佢下星期啦！ 卒之我又同個friend去睇埋「鬼馬狂想曲」，但係我哋覺得呢套戲好唔掂，唔係咁好笑， dinner之後我就去咗返工，今日大佬同慧慧第一次嚟探班，放咗工就meet兩個friends去飲嘢傾計， 今日好忙好充實呀 ^ ^ 哈 ! 哈 ! |
23-01-04 星期五 (年初二) 「拜年+返工+病」 今日係農歷大年初二，但仲病緊，夜晚去咗阿爺阿嫲屋企飯兼拜年，之後返工， 今日兩個好友嚟探班 ! 多謝你哋喎 ! |
22-01-04 星期四 (年初一) 「團年+返工+病」 今日係農歷大年初一，恭喜發財、心想事成、身體健康、財源廣進、步步高升、龍馬精神............ 今日起身又係喉嚨唔舒服，夜晚同大佬去咗阿爺阿嫲屋企飯，好多叔嬸同堂兄弟姊妹都係度。 好耐冇探阿爺阿嫲佢哋啦 ! 佢哋年紀都好大，真係應該多d探下佢哋........ 之後，就要去返工，狀態好差 ......... |
21-01-04 星期三 (年三十) 第二回 「返工+病」 今日要返工，但係開始feel到有d唔舒服，放工之後朋友上黎屋企玩同打牌 ! 好熱鬧 ! 玩通頂 ! |
21-01-04 星期三 (年三十) 第一回 「Happy Birthday to Vicotr 馬仔」 HAPPY BIRTHDAY 今日係我朋友馬仔生日呀 ! 祝你生日快樂，賺多d，日日都咁Sweet ! |
20-01-04 星期二 (年二十九) 「宵夜」 放工之後，D同事話我春茗個日抽到$500，叫我攞出嚟請食宵夜喎，我就緊係OK啦 ! 最緊要大家賞面同開心啫 ! 但係又飲酒嗰度又多煙又夜訓，卒之病咗 ! Dr. Lau證實我喉嚨發炎同咳.........唉 ! |
18-01-04 星期日 「公司春茗」 今日收工之後就去咗銅鑼灣某攞獎海鮮酒家春茗，食得好開心 ! 我哋玩Bingo抽獎， 我仲抽到四盒意大利粉調味醬添 ! ......... 不過最後老闆加碼，我又抽到$500啦 ! 哈哈 ! |
13-01-04 星期四 「Happy Birthday to 馬仔」 HAPPY BIRTHDAY 今日係我舊同學馬仔Victor生日呀 ! 祝你生日快樂，越揾越多錢 ! 感情生活甜到滴 ! |
05-01-04 星期三 「Happy Birthday to Car Car」 HAPPY BIRTHDAY 今日係我朋友Car Car生日呀 ! 祝你生日快樂，日日都咁開心 ! |
04-01-04 星期二 「Happy Birthday to Betty & Diana」 HAPPY BIRTHDAY 今日係我朋友Betty同Diana生日呀 ! 係呀 ! 佢哋同一日生日，但係唔識大家既 ! 好啦 ! 祝你哋生日快樂，越嚟越靚，心想事成啦 ! |
02-01-04 星期日 「生日快樂」 HAPPY BIRTHDAY TO ME ! ^ ^ 今日我生日，唉 ! 又老左 ! 冇乜特別𪊓祝，今晚要返工， ^ ^ 都好特別同開心架 ! 有兩個客同我同日生日 ! 出奇地今日好受歡迎 ! 好多客揾我同vincie影相同攞email ! 勁開心 ! 今年生日願望都係咁啦 ! 唔話你知 ! 我做到你就知 ! ^ ^ |
01-01-04 星期六 「元旦日」 HAPPY NEW YEAR 2004 新的一年又黎啦 ! 希望大家身體健康、心想事成、越黎越型、世界和平。 今年既計劃努力進行中，希望能夠達成。今晚要返工 ! |