30/9 星期二 今日早左呀，好彩我唔係最遲個果！返到去就食早餐睇報紙喇。上P.M.先死，悶唔得你死呀！成個鐘先教得一頁，不過都算快左架喇！之後上Mechandising，要discuss Buyer同Merchan既野，都傾唔得好多，因為真係唔係好識！lunch跑去打機呢，因為阿柴冇約佢地吃飯，打左舖太鼓，睇完阿君個fd打鼓1點就返cita吃杯麵。下就上Marketing，個miss幾好笑，不過睇份notes有少少困難，佢講得有d快！3點3就放學喇，見好似好早咪同阿珠去行淘大囉，行左好耐呀，點知又搵唔返上次買野食間野，咪去優之良品買野食，個果香蕉片都幾好食喎。我地兩個好似細佬仔咁一路行一路食！^_^返到屋企好肚餓，食左兩碗麵呢！今日大至上係咁喇！ 29/9 星期一 今日上pattern堂度身呀，幾好玩，度人地D"重要部位"。不過我死都唔俾人度腰！太粗喇，嚇親人就唔好喇！今日放12點半呀，同阿柴佢地吃完飯便走了。心血來潮想見阿星就返基新喇，諗住約埋"懶人菇"。我打俾佢諗住係佢冇死架喇！咪開口話"衰鬼"囉，佢聽唔明我咪話阿菇囉，點知講咁耐原來聽電話個果唔係阿菇黎架喎！瘀死，之後佢聽咪問佢返唔返囉。點知"衰人菇"話要打機，難得一日放假喎。激死呀，就係咁"放假菇"就唔同我地一齊喇！返到基新佢地都未放學，等左陣就周圍同人傾計喇，訴苦喇。講我地點做"車衣女工"。見到"傳說中既"小文SIR喇，點知佢唔得閒，話轉個頭搵返我地，又點知一轉就係兩個幾鐘頭既事，不過我地都係見唔到佢既！心淡喇......之後就去租書睇喇，終於借左個本"絕愛系列"喇！返到屋企係咁刨喇，刨左4個鐘終於刨完兩本。睇完都十點，阿柴又冇打黎，咁咪訓覺囉，都幾好訓！(笑) 28/9 星期日 早睡早起精神好。今天好像昨天一樣，沒有進展。近排經常忘記這忘記那似的：明天pattern堂要交的功課還未做、交剪還未買、公文袋還未買......真想懶洋洋的過這一天！ 27/9 星期六 昨天我也是最遲到的一個，但我是沒遲到的，感覺上好像要"全村人"等我一個，怪不好意思。今天去荔景上課，整個上午也在練習車靴位線，不停的車(五張A4 size)。lunch和"同學仔"一起去飲茶，因為附近沒什麼可以吃。吃完飯回到去也是繼續車，今次是車格仔狀，不停的車(三張布)。接著就是車邊線和靴位線，也是不停的車(十條布條)。我們彷彿做了"工廠妹"、"車衣女工"。最後一堂畫紙樣，下一堂用。由於我和珠坐在最前排，同一樣東西已經聽了三次！接著等同學做完便一起走了。 晚上九點多盈打回來，我們傾了很久呢，感覺上，由於她的電話沒有分鍾了，所以傾到最後一分鍾才收線呢！接著十點多阿柴打來傾電話，我們又傾了一個多鍾頭！ 傷風好像嚴重了似的，又是不停的流著鼻水，不停的"cut"著。睡覺前吃了兩粒幸福傷風素，今早起身好得多了，不過還是有"幾聲cut"。但查實我不知道我究竟是傷風，還是感冒。實際兩者有何分別呢？ 25/9 星期四 傷風了嗎？今日不停的流著鼻水，不停的"cut"著。可能是學校的冷氣太大，又可能給阿珠傳染了。今日我是最遲的一個到，總好像是我遲到似的，但我是剛剛好的，只是他們太早到！回校便等待著家姐的那本普通話書，接著是普通話堂，他媽的冷氣出奇的"涼"，真是受罪。英文堂又是得過且過便算......lunch時和珠去了惠康"上倉"，把買回來的"戰利品"全放進locker裡，接著便是我們的午餐時間──公仔麵。Desgin堂更是受罪，課室全全完完的出奇地熱！天啊，在這忽冷忽熱的環境下不病才怪！ 24/9 星期三 好耐冇打日記喇，而家上呢個時候係應該上緊電腦堂呀，個死人阿sir唔俾我地上姐，因為我地已經考左個試喇。而家就係圖書館喇，好彩都有得上網，因為好耐都冇打日記喇，因為成日返到屋企都好晏呀，夜晚個段時段都唔係我玩呀！見諒，見諒。而家返學都幾開心呀，都幾好玩。 講返之前做過d乜呀，星期一放學去左阿柴個阿姨屋企呀，佢屋企都幾靚呀，一個人住0岩哂喇，不過阿柴開極都開唔到道門喎，攪左半個鍾問人地先至入到去咋！但係我地之後又要返返九龍灣開會喎，攪到勁趕呀！返到去原來都係叫我地食野，哈哈！食完就可以走架喇喎！7點幾先返到屋企呀！ 尋日放左學咪行下德福囉，都行左好耐架喇。lunch先衰呀，約左班仔一齊食飯，點知佢地又勁遲放喎，我地又去下村食野喇，點知阿珠碟飯好耐都未黎，咁佢地就走先喇！我地返到學校都係mm好，d時間勁趕呀！呢兩日都見到王子康喎，都唔知佢讀邊間呀，而家有好多基新人都係九龍灣呢邊返學呀！ 今日遲左出門口，我電話費尋晚又用哂喎，攪到今日我又搵唔到阿珠，阿珠又搵唔到我喎。之後我等到搭八就走喇，今日班火車都幾快喎，都係8點1去到九龍塘，去到九龍灣佢地已經係到喇！今日暫時都係咁喇，不過有d眼訓呀！ 呢幾日先好笑，同阿柴傾電話真係好攪野，次次佢阿姨返黎都趕住收線，都傾唔得耐既。不過又係既，係人地屋企始終都唔係咁方便既，星期六就學以傾成日架喇！而家既興趣就係同阿柴傾電話，但係邊有咁多野可以傾呀？ 好喇，今日打住咁多先，打到手軟喇，慢慢睇喇，因為唔知幾時我先可以再打到日記架喇！ 20/9 星期六 好似好耐都未打日記咁，不過夜晚段時段我真係埋唔到機，見諒。 尋日去左荔景返學，學用衣車，名符其實車衣女工喇！隔離位個男仔勁攪笑，踩爛埋個踏板喎，笑死。因為下晏要返返九龍灣，所以11點半已經放左我地喇。咁我地返到去先12點，咪去左CD舖等佢地囉。買左大逃殺同嫁入煩家的天使呀。之後約左阿柴、傻明、阿君一齊lunch喇。都好遲下，返到去都1點半，搭lift返上去d人0岩0岩要落去，咁我地就一齊落去一樓迎新喇，阿柴就要返去點名先。其實都冇乜野做，都係講下野咁。之後返課室攪埋d野，跟住打柴打俾我喎，話我唔開電話，但我連幾時開左電話都唔知呀！原來佢放左好耐，講多陣我地班都放lu，之後又去打太鼓。打左3舖喇，玩中級4粒星都難死呀！玩到咁上下就去永安行下，跟住就返製衣玩學生會喇，都幾好玩呀！我地仲做左幹事添，實則都唔知做乜既，哈哈！ 嘩！返到屋企都8點喇，之後食飯沖涼睇電視，再睇大逃殺，真係好變態哩！睇完就阿柴傾電話，都傾到點零，因為我實在太眼訓喇！ 今日訓得好滿足呀！不過都係訓到11點半咋，真係早呀，我仲以為又訓到3、4點呢！ 16/9 星期三 雖然日日返到屋企都好累，但係我好鍾意返學呀！可能上堂free左，學d野又新鮮，所以覺得好好玩。我而家個位望到海架！今日個位仲望到會展添！日日坐個位都唔同，因為返到去個位已經俾人霸左，不過都係坐返窗口位。今日考左電腦，之後個5堂我已經唔駛返喇！因為都係考打字，好淺，遲d我想考埋個份卷，咁就成年唔駛上。不過我會繼續上既，(如果合格)，因為我既相標係a，哈哈。而且我想學flash呀嘛！今日上完堂行淘大個邊，但冇乜野行都行左好耐呀！真係好鍾意返學呀，要識多d同學仔，唔可以輸俾我家姐同「恩恩」架！返到上水先攪笑，阿柴竟然同我講佢行返屋企喎！元朗喎，經過一輪解釋先明，佢仲講個「一」字走音添，佢走左之後我都笑左好耐！真係好鍾意返學。 15/9 星期一 今日成日冇訓過就閃左去返學，冇野想講，成個人變左痴痴呆呆咁，到而家都好眼訓。好眼訓...... 13/9 星期六 中秋節個日好悶呀，明明約好哂都可以冇得去既。唉......之後十一點幾阿柴打電話黎傾電話，我地一樣咁悶呀！之後傾到4點先收線。 今日發夢夢見返製衣呢，我竟然遲到喎，呵呵呵。好快就返學喇！ 11/9 星期四 尋晚十二點又同阿柴傾電話，日日傾，晚晚傾。唔到十一、二點(零神)都冇心情傾呀，最佳時間都係零神十二點開始傾！ 本來約好今日去"野餐"架，不過呢個世界上有好多意外架，所以都攪唔成，終於約左一陣間睇戲──向左走、向右走。 唉，去左兩年蝴蝶灣，但係今年冇得去總有一點失落感。世事難料。 10/9 星期三 yeah！小文同小曼生日快樂。 所以今日返左基新搵佢地啦，唔詳細咁打喇。不過今日真係好開心呀，雖然都只係傾下計，但係都傾左好多好笑野。好懷念基新的日子呀，感覺上基新好似變左，但好似又冇變咁。之後參加左舊生會呀，yeah。遲D去Lo cert又可以返基新喇！尋日零神十二點又同阿柴傾電話喇，傾到兩點幾先收線呀，又係傾中秋D野。(11/9 12:36p.m._ 9/9 星期二 尋日12點幾打俾阿菇傾中秋D野，傾完又打俾阿珠喇。同佢又繼續傾，之後佢話約左阿星、阿菇佢地，反正我又想行下，咪就預埋我喇。我同阿珠差唔多傾到2點。之後咪打俾柴睇下佢出唔出囉，點知佢都仲未訓醒呀。出去超趕呀，約左阿珠2點半喎，最終都係遲到。去到火車站佢地0岩0岩到左，阿菇又話趕住返工，咁就得返我地三個喇。咁就去m記坐一陣，之後去漫聯到租漫畫睇。嘩！我睇開個本終於END喇，唔駛再追真係好。咁就一齊去上水行街，阿星返屋企先，我地就係m記等佢喇，原來德德係m記做喎。等左好耐阿星先黎，咁就一齊去舊虛喇，行左冇幾耐見到嘉諾同Andy喎，嘉諾仲拎住袋菜添。咁我地就去德明喇，德明"火祝"黎喎，D野勁平呀！我地係咁掃喇。之後又去左一間舖仔買公仔，我買左兩隻雪人(一對的)同一隻熊仔呀，好可愛。跟住就去電話舖買電池喇，鬼叫部電話又壞咩。之後又去行商場，我就買衫喇，三件之中有兩件係粉紅色，本來我想繼續買粉紅色架，但係俾佢地鬧呀！嗚......咁阿星話返屋企喇喎，咁我就同阿珠繼續行，去下人地D舖到試褲，不過一條本來係三角骨既褲俾我著到吊腳，笑死。最後都係睇唔0岩，咁就去商務睇下有冇新書喇。都係冇新書，咁行完就各自返歸喇。本來話夜晚打俾阿柴架，但係又唔記得左，記得個陣已經係十二點喇，都費事喇，雖然平時都係咁.......咁又一日，好累。 7/9 星期日 哈，今日我也發了一個怪夢呢！ 個夢係咁架： 我竟然著住校服行街，之後俾警察"攔途截劫"喎。佢就問我點解唔去返學？就係咁俾左一大班警察"哥哥"帶左去一間好靚好光猛既房到。點知佢地竟然問埋一D超級無聊既問題哩！問問下我見到兩個人坐左係到，佢地咪keita同ryuichi囉；咁我就問佢地lo簽名，kakaka。本來佢地唔肯架，之後都話俾。就係呢個時候..........我醒左。 我"心深不憤"，繼續訓。 今次我又係著校服(點解？)。去左九龍灣，但唔係返學喎。咁搭地鐵喇，有好多人走左入黎，小鳳、可樂、我成家人..........就係咁行行下去左一間渡假屋，我地個個入哂去。天黑就走人喇，點知我一打開門竟然見到..........我對面隔離間屋(即肥傑間屋)成地下都係香喎，仲要係咁吸入間屋到，嚇到我即刻"山"埋道門，就係咁又醒左喇。 你話呢個係咪怪夢呀？ 6/9 星期六 今日終於睇左無間道喇！問阿柴借左n咁多日，我日日得閒都唔願睇，今日的起心肝睇喇。但係睇到最緊張個到竟然hang機喎，劉德華好奸呀！但係咪遲得濟呢？人地上影左"廿年"我而家先黎講。 5/9 星期五 尋日阿星同蛇曼黎我屋企喎，就拾好間房佢，等佢見得人嘛。佢地黎到又傾左成個鍾，又俾左好多note俾阿星佢，不過佢睇唔睇都成問題。(你地要俾心機呀) 唉！我屋企點解咁多個D野架？已經"養"左隻"小鹽"同"小蛇"架喇；尋晚又係廚房見到隻強兄出黎散步，係咪搵強嫂？我咪話俾阿哥知囉，佢、佢、佢竟然用我隻拖鞋"送"佢去同強嫂會合，過份！ 4/9 星期四 尋晚同阿柴又傾電話，講中秋個D野喇；點知講講下又講無聊野，咪又係車衣女工會囉。我地為左可以招收埋男會員，就轉為"車衣總工會"喇，並分開男工部同女工部。(笑)傾完電話玩ICQ，玩玩下有隻強嫂飛左去電腦桌後面，不過又係我阿哥廿秒既功力下歸天。kakaka。不過之後竟然肚痛喎，痛死了，阿柴竟然話霍亂，傻的嗎？最後也是時痛時唔痛，可能是強嫂咀咒。(笑)(5/9 01:04) 3/9 星期三 嘩！尋日9號風球呀，仲以為會升到10號添，點知2個鐘頭後又變返8號。叫咩杜鵑喎，我阿哥係咁講杜麗娟。傻架，佢以為新紮師妹個果叫杜麗娟，但實則人地叫方麗娟喎?!講到個風點勁點勁，但係我真係感受唔到8號風球既威力。真難為班學生要返學，不過D家長都唔知點解咁鍾意去投訴架，人家遲D掛3號風球佢又話唔早D叫停課，如果天文台又宣佈停課D，但個颱風轉"太"既話，家長又咪鬧，係咪LO黎攪呀？ 嘩！前幾日上影既"魔盜柴大戰網上行"終於有結果喇！最後係阿柴戰勝左網上行，唔駛交個$110呀！kakaka。恭喜恭喜。 2/9 星期二 嘩！八號風球喎，但呢到又唔係好大風大兩咋喎。 講D恐怖野先，尋晚真係好恐怖。話說點零兩點我無聊得濟禁左睇樓下D閉路電視睇下喇，點知35號lift竟然又開又關喎，持續左成個字。之後仲恐怖，有個女仔0岩0岩係門口入黎喇。部lift竟然停左開關喎，個女仔冇耐入左去，之後個女仔出lift又係個果景喎。(又開又關個陣我見到個垃圾筒你門口到，個女仔出lift之後又見到個垃圾筒)之後部lift就冇再又開又關喇。點解樓下個管理員唔理架？佢睇唔到架？唔知我平時搭開個兩部係咪35號呢？下次留意下先得！ 1/9 星期一 今日是開學的大日子，不過也不關我的事。因為我已經不再是中學生了，心裡總是怪怪的。人人上學去，我竟在被窩中睡覺。不過說來真係是不好意思，因為昨天我竟然和阿柴玩ICQ玩到零神三點多，四時才去睡。我真的不是一個好學生呢！kakaka
不知從那時開始，喜歡上寫日記。
可能是由這個網頁開始吧。
上年的半年(12/6/02 - 31/12/02)我將日記打在這裡。
現在，我喜歡在簿子裡寫日記。
這不但可隨時看到，還不用怕上載空間隨時消失。
寫日記是一個好的習慣，它可留下我的美好回憶。
最後，希望你們真的認真看這裡的每一個字。
六月
七月
八月
九月
十月
十一月
十二月
200
2日記 (已刪除)
2004年日記