不知從那時開始

30/04/04 星期五 晴
今日又係咁喇，返荔景。
搭火車個陣有尊人牆勁衰，企係門口到阻住人；雖然個樣貌似林峰，但人品差喎。(浪費一副好尊相)返到荔景好早呀!!人齊咪講notes囉，10點半放break。跟住放碼，阿袁sir竟然係到播收音機聽listening?!不過我個邊聽得唔係好清楚。講返，個袖勁難放呀，我又係日撈亂前後幅喎，好彩都係12點半前都攪得掂。跟住咪落樓下丁返食囉，食完打俾阿星吹水(睇下佢考成點呀嘛)。話我阻住佢lunch喎，哼!!收線咪打俾阿菇囉，屋企冇人聽?!咁冇野做咪同珠"打交"囉?!之後嘉欣又加入埋一份，tracy佢地返左黎我地就玩水樽。點半咪行樓梯返上去囉，云姨勁攪笑。我地講糖佢竟然講報紙，笑到我地死；tracy仲俾阿媚行刺添，勁好笑。返到去冇野做呀，等人放完d碼佢囉。我訓左陣，tracy佢地畫完咪做英文project d野囉。點知阿莫sir又走黎串咀，佢har左陣咪走囉。跟住同嘉欣研究cheesecake喎，不過我想係整cheesecake之前學識整椰汁紅豆糕先姐。3點半又放break喇，之後就剪下堂用既紙樣，5點到就放人喇。放學同左阿珠、阿柴去旺角行喇，陪左阿珠去旺中買錶。跟住阿珠走先，咁阿柴就陪我去"學生"買詠琛d書喇。之後行信和，阿柴買碟嘛。哼!!我蝕左呀!!(算數)跟住又係地庫個層行行。唉呀，好想買ZONE隻DVD呀!!但係成300蚊隻，食左我隻車咩!!(得個恨字)之後咪行下波鞋街囉，阿柴勁苦惱。咁就去食飯先，間仙果林勁多人呀!!食完去信和拎碟喇。嘩!!個胃勁痛苦!!唔係講笑!!咁阿柴咪俾粒"PEN拿多"我囉，吞個陣真係唔痛喎，不過吞完之後又痛過。(邊有咁快見效?!)咁行左半條女人街又行波鞋，最後阿柴都係冇買到波鞋。去到火車站先死，個阿伯用"二胡"拉"月亮代表我的心"喎，仲要拉到走哂音!!我一笑個胃又痛喇，但一聽到又好想笑喎。(唉)搭火車坐左陣先冇咁痛，返到上水咪行返去囉。夜晚可能又飲左奶茶既關係，雖然好累，但都係訓唔著。(唉)

29/04/04 星期四
今日唔想返學，咪係屋企訓囉。8點到手提響喎，嚇醒左。原來阿星打黎話唔識去"心誠"喎，激到我死。(尋日又唔問我喎)打黎擾人清夢，教左佢過多陣咪打俾佢問下佢到左未囉。(好彩尋晚我冇山手提咋)講左陣就收線繼續訓，難得唔返學。終於訓到11點先捨得起身，呢個時間應該上緊英文堂。(硬係覺得怪怪地咁)之後就整"早餐"食，食完又打下機，打到12點零阿星話佢考完?!講左陣就收線繼續打機，唔返學成日就係咁har喇!!

28/04/04 星期三
今日本來搭三可以出門口架，點知肚痛。咪叫佢地唔駛等囉，點知我家姐牙住個廁所牙到搭半!!好彩返到九龍灣都唔係好遲，幾驚遲到呀。返到去上TEX喇，跟住上電腦。食完lunch同阿柴出左去散步，又買紅豆批食(好味)。之後上merchan堂，勁眼訓。我竟然訓著左?!難得!!訓醒都差唔多落堂囉，放埋break講多陣就落堂。今日放學同阿柴一齊走，之後去商務幫阿珠買二姝夢2。我地勁攪笑，成日講錯野。不過唔記得左lu，總知講左2句野都係同一意思喇。之後行左個圈就去許留山食紅豆糕，又幾好味喎(唔知點整架呢)?!之後就返屋企喇，咪打俾阿星吹下水囉。之後又係飯睇電視，下一站彩虹真係幾好睇bor。(可能同自己讀既野有關喇)夜晚勁無聊，咪打下機囉。跟住家姐用電腦冇野做就睇書囉，睇睇下就訓著左喇。

27/04/04 星期二 雨
今日得三個人返學，阿珠又唔同阿君講唔駛等阿柴喎；企左陣我先問等邊個，原來等阿柴，咁咪搭車走囉。之後睇漫畫，阿珠拎左成堆漫畫返黎。搭火車睇，搭地鐵睇。今日唔買早餐lu，係屋企飲左杯奶嘛。今日P.M堂上半堂睇漫畫，下半堂就做功課。(幣!!好似唔記得交添!!)小息又睇漫畫。嘩!!兒童不宜呀!!勁多H，絕對18禁呀!!之後上merchan勁悶，勁講marjor同minor，咁就講左成堂成份notes。之後食飯，食完食啤利。(飯後果,健康哩?!)之後繼續睇漫畫。唉，文sir堂都冇乜點上過。(直情冇上過)放學終於刨完套漫畫。之後就傾英文project d野，傾到4點就閃人喇。返到屋企繼續整cheesecake，請教過嘉欣了。嗚......真係雪唔到，咁我用嘉欣個方法喇。點知一倒，成個餅底跌左落黎。咪加埋佢一齊攪囉，冇辦法。之後好似似返d樣喇 bor，希望今次雪到喇。之後就打日記、打機喇。

26/04/04 星期一
今日上英文堂同pattern測驗喇，硬係覺得自己會錯咁添。放左學同同學仔(+欣,蕭ling,珠,云,B.M)去左下村食野，跟住就一齊去九龍塘踩冰。小云勁想縮沙，咁我咪恐嚇佢囉!!入到教左蕭玲一陣，小云勁唔掂就去教小云。唉.....我發覺到最後最傷既唔會係達親架，而係俾人meet親!!我俾小云meet左我兩次!!meet完右邊meet左邊!!我諗我地最冇傷既係阿珠，佢玩到一半就同嘉欣出左去。我為左追住sasa頭既小朋友而跣低左，蕭ling亦係不久前跣低左。講到最傷係B.M囉，佢咬柴，仲要兩個人扶佢出去。玩到5點到去百街買野整cheesecake，跟住阿柴陪埋我去惠康買奶就返屋企喇。嘩!!套下一站彩虹幾好睇喎好似，講designer同medol囉，理大好似好正添!!之後夜晚整cheesecake好似唔係好掂，聽日搵幫手先。

24/04/04 星期六
嗚......早知去讀IVE喇!!頭先阿哥同阿媽講暑假到去上海呀!!做交流生喎!!嗚......我又要去呀!!我扮行李，阿哥帶埋我去呀!!

23/04/04 星期五
今日我既早餐係蛋治+鮮到唔鮮既鮮奶!!好健康哩。食完就返學喇，返到荔景個邊見到d人坐哂係到；仲以為點左名，好彩都仲未!!之後佢就講解份notes喇，之後叫我地剪多個後幅。我上個禮拜醒目，剪左今次唔駛剪!!(叻叻)之後就開始排"o麥"，攪左陣都唔知點排好。跟住放左break先，但係好多同學仔都好勤力bor!!咁我就拎左阿珠本"完美小姐進化論"黎睇喇，d畫畫得勁靚呀、勁好笑!!睇完3/4就繼續畫喇，畫左成堂俾埋阿sir過目計埋數終於得閒返，又同阿珠一齊睇漫畫。冇耐放lunch，佢地仲係好勤力!!咁我就落去先，佢先冇耐就落黎喇。之後食飽飽就搭lift返上去喇，點知部lift勁多人，落左去上返黎我地五個(tracy、ling、嘉欣、珠、我)走哂入去!!(夠企bor)點知超載!!(-_-")咁我出返去喇，點知阿ling又出黎，之後阿珠、嘉欣又出黎，tracy仔本來可以搭，點知佢又出埋黎?!笑到我地死，全部出哂黎，有lift都唔搭，咪行樓梯上去囉。返到去冇耐就畫第二個封度喇，阿珠畫得勁快!!點知佢畫左29寸到，45寸封竟然仲畫得多過43寸封?!(43寸封畫左26寸到)佢咪改囉，個陣我仲度緊幾多寸封咋!!之後我勁奇怪點解同頭先一樣既個排法??原來我畫錯封度，呵呵呵。(小云仲抵死，畫哂先知自己畫錯封度!!)跟住諗住排既時候阿sir又坐埋黎串咀喎!!煩住哂，借書就借書喇!!仲咁多野講，仲要叫自己個仔食屎!!(阿sir個仔叫+偉呀!!莫非?!)笑到我地死!!我地見到阿sir同Nokia部機喎，咪話爆死佢囉!!點知佢話就係因為爆先企係我隔離聽，俾佢激死!!咪叫佢走囉，阻住我排野。之後佢還返本書俾我仲俾左d糖我地食，點知d糖硬到乜咁!!我俾嘉欣粒糖360度轉體跌左落地下都唔爛!!厲害不厲害乎?!之後"好靜"咁畫圖，今次我一take過呀!!仲畫到26寸都冇!!(叻叻)之後咪周圍玩囉。阿珠先衰!!襯我睇嘉欣d野竟然用軟尺綁住我條頸話帶我去散步!!一腳伸開佢呀!!之後又係玩下、傾下計，剪埋下堂用既紙樣就落堂喇。同佢地搭地鐵喇，去到九龍塘就打俾阿柴傾電話喇，之後混混萼萼咁出左旺角?!我仲企係往上水既方向呆左陣先記得我唔係呢邊，咁咪過返對面囉。去到旺角搵埋阿柴就去買野飲，跟住去左信和買碟。終於買左大塚愛隻碟同w-inds.隻works vol.3喇!!不過冇哂錢lu，跟住咪禁錢囉。之後去新世紀買飛睇救命。(唉，一言難盡)未夠鐘咪去惠康買朱古力食囉，跟住又大眾行左陣就入場睇喇。套戲ok喇，話好好睇又唔係好好睇、話唔好睇又唔係唔好睇bor，總知唔知點喇。可能太耐冇睇過戲，對上個次個上次6、7月睇咒怨lo。之後行左陣新世紀就返屋企，返到上水搭70k返屋企喇，好耐未搭過喇，都好耐未咁夜返屋企喇，日日放學都第一時間返屋企。返到屋企沖完涼飲左杯奶諗住去睇碟喇，點知阿柴奪命追魂call，又係講個句："我好霉呀!!"佢由我係九龍塘講到返屋企，呢一晚我都唔知聽左幾多次!!講左陣就收線，我就睇左陣碟，12點都去訓囉。唔知係咪累得濟，唔係好訓得著。(-_-")

22/04/04 星期四 熱
今日好似平日咁喇，不過係屋企食埋早餐先。攪埋個頭都搭10，咪出門口囉。點知9點到返到學校都未點名，今日上普通話堂冇咩心機上。阿叔同"wait文"竟然打交，miss發惡話要報警，勁好笑。跟住我同阿珠又打(玩姐)，我地仲話要報警添!!點知俾阿ling同學笑我地一個係雞、一個係雀?!我仲扮千fa係乾柴烈火入面既"螳螂權"添。之後阿珠出去測完驗返黎又玩過，咁又玩左成堂?!跟住返8樓上英文堂，我美其名係上堂，其實係到畫notes；阿珠仲衰，訓埋覺添!!冇耐miss放break，break完返黎又係唔駛上堂，同我地係到傾計。lunch同左阿ling、tracy、云姨一齊去左食台灣野。食完返到去阿珠同我講阿星搵過我?!哼，平時係學校食又唔搵我；家陣我出左去食，又冇帶電話先黎搵我?!跟住上上下堂阿星打黎，咪同佢傾左陣囉。原來佢唔知醒去返工，笑到我死!!四百蚊咁就冇左喇，嘩哈哈哈。傾左陣就收線繼續上堂。冇耐咪開始present，嘉欣、嘉寶、雅儀個果我都好鍾意，相比之下我個果真係好肉酸!!終於輪到我pre，都唔知自己講左d乜囉。3點3，pre完就話放學。聽miss講左陣就走喇，仲係德褔見到michelle添!!返到屋企又係玩踩地雷、打日記囉。

21/04/04 星期三
今日實左太好喇，咁去百街買早餐喇。佢今日個套餐竟然係蒜蓉包+奶/乳酪，我咪買黎試下囉。返到學校又係睇報紙，之後上tex。都算認真咁上堂，但係佢教得好快，未消化完佢就話教完份notes喎。跟住去10樓上電腦堂喇，都係咁，冇咩特別事發生。上完堂就返班房食飯，食完睇書、之後叫阿珠幫我買蘋果批，好食過粟米批呢!!點半上merchan堂，我咁都有42分喎?!講解完份卷就叫我地check衫，我地係尾二個果呢，講解完俾miss聽咪返屋企囉。返到上水時間好似好早咁，就去左惠康買奶同麵包做早餐喇。返到屋企玩下電腦咁喇，之後食飯、睇電視。睇完皆大歡喜就做design project，但係做到好ugly呀!!做完都11點幾，沖完涼就去訓喇。好累。

20/04/04 星期二 熱
今日早左起身，攪掂哂飲左杯奶就出門喇!!今日我早左，仲係火車站見到柴添。之後見到佢地就叫佢地讚我喇!!(笑)竟然......傻明唔係到?!仲枉我早左添，但係唔知點解嘉諾就係到喎。今日都幾飽，咁就唔買早餐喇。之後係班房睇報紙，上Ada堂我冇訓呀，幾乖呀!!之後上merchan堂，佢要我地測驗??嘩!!個份死人野完全唔知佢講乜??咪亂做囉，做到勁冇心機。(必定慘死)break完就幫人對卷，咁又一堂喇。lunch阿柴過左黎偷"食送"，偷完就走?!今日食咕嚕肉呀，食到好飽!!食完咪約阿柴落商場散步囉，原來機舖裝修喎。之後又行下運動家，行完出黎竟然見到好耐冇見既so+，阿柴好似傻左咁係咁打佢?!搭lift個陣仲同洋娃娃同一架添。跟住上文sir堂，又唔記得notes。上下又玩下咁，阿珠就係咁睇B.M本教日文個本野，我地就咁又攪左成堂添。放學落左留下搵阿柴，上返黎阿珠竟然走左?!之後咪走囉，返到上水阿柴陪我買cardbroad同包書膠就分道揚鑣喇。返到屋企玩左陣踩地雷就打日記喇，見咁多日冇打。係呀!!踩地雷進階個到我終於破記錄喇!!(大心)

19/04/04 星期一 晴
今日又係返學係咁喇，朝早買早餐食。返到去睇報紙，上堂、訓覺、睇雜誌。唔想上英文堂咪拎本ELLE黎睇囉，順便剪低要既圖。之後落留下上英文堂。我地今堂教畫領口，進度都跟到既。上完堂就一齊搭地鐵過葵芳，之後去葵涌商場到食lunch。個間野好似叫"三千碗"，d野都幾抵食。我地食左碗擔擔麵、豆沙鍋貼同小籠包。只不過係廿蚊!!(買廣告乎?!)但係最後食到2個小籠包已經好飽，咁我地俾哂嘉欣同阿珠喇!!阿珠食左6個、嘉欣食左5個!!之後仲笑阿珠小心生小籠包出黎!!行左陣夠鐘就去地鐵站會合喇。行到去間訓練局係停車場等左陣，就係呢個時候.......B.M竟然俾個到既阿SIR認左做阿SIR!!笑到我地死，跟住個阿SIR仲好抵死話佢係miss!!之後上7樓聽幾句就參觀。都係個層兜個圈咁，睇到4點幾掛?!咁就走人喇。咁咪同佢地一齊搭地鐵走囉，返到屋企又係睇電視、睇書、訓覺。

17/04/04 星期六
今日訓到勁爽!!訓左13個鐘頭。
起身又咪上下網、打下機，咁又一日。

16/04/04 星期五 雨
又幾日冇打日記添......
今日又係自己一個返學喇，去到九龍塘見到蕭玲,咪一齊搭地鐵囉。今日開始上greating.....返到去坐左陣就叫教我地咩叫放碼.....break完就教我地點放....畫左陣就食lunch喇。食完返去繼續畫，好似好忙咁。畫完終於得閒喇，坐左陣就叫我地剪野，剪完就放學。返到屋企又係睇電視喇，到點冇野睇就返房睇書。用左一日既時間就睇完鄭梓靈本"甜甜圈喇，不過都唔係d人講到咁好睇既。佢寫d書麻麻姐，都唔知點解d人仲要話"好好睇"??睇完本書就去沖涼，之後就上網。12點就去訓覺lu。

13/04/04 星期二　晴
今日都係咁喇，又係返學等放學。
lunch阿柴走左黎一齊食便當，之後同我去左麥記買粟米批食，不過都唔係傳說中咁好食之嘛。lunch後上文sir堂，係咁寫notes，因為冇帶嘛。放學同左阿珠、阿柴去三聯睇睇喇，中途阿珠有事走先。咁我見屋企d書睇哂，d人又話鄭梓靈d書幾好睇，見又有85折，咪買左三本囉。之後同阿柴返到九龍塘等火車之濟，有個持普通話口音既女人問路。嘩!!我地d普通話爛到不能再爛喇，好似冇乜點教過佢佢就唔該左我地朝大堂方向"逃"去了。事後我勁係到笑，我覺得如果講英文既話會好d掛。返到屋企仲好笑，阿媽問我頭先係咪打過電話返屋企。我電話都冇電，原來我阿爸當阿星係我!!仲問佢幾時返屋企食飯，笑到我死。

12/04/04 星期一
呢兩日都冇咩野做，咪又係係屋企打下機、睇下vcd、睇下書咁囉。
嘩!!前晚睇IFPI頒獎典禮呀，原來玉置誠實得15歲咋!!我仲以為佢大過我添。(汗")日、韓個果獎呢，估唔到松浦亞彌都有喎(雖然咁講,但係佢隻碟我都有買)。我仲以為會有w-inds.份添，佢地係香港好勁架!!林到好多妹妹仔。(包括我?!)(笑)尋晚睇"亞童牧"本書睇到勁緊張，睇到點幾到家姐叫訓咪聽日先囉。今日起身第一時間拎本書黎刨，刨完先洗臉。之後就上下網、打下日記喇。

10/04/04 星期六
嘩!!今日我起身照鏡喎。"嘩!!邊個黎架??"(第一個反應)。忘記了自己染左個頭，唔係好習慣姐，始終都係黑色好睇d bor。起身個陣都12點囉，之後咪玩電腦囉，玩踩地雷都玩左成個鍾，破唔到記錄添(仲枉我成日玩)。玩到點幾見無聊咪打日記囉。

09/04/04 星期五 晴
終於放假喇，硬係覺得今個禮拜過得好快咁，可能返得三日學既關係喇。
今日訓下又醒下咁，訓到11點先起身。刷完牙洗完臉換埋衫就去食麵，
食完就出門喇。去到元朗十二點二到喇，打俾阿柴佢竟然仲係屋企?!咁咪等佢出黎囉，我就係附近行下。等到佢黎咪周圍行下先囉，因為我唔知染好定唔染好。兜左個圈都係染既，咁入到去阿柴就整小負，我就染頭。都唔知染咩色好，就是旦咁簡喇。3點到整完喇，我個頭......(不予置評)，阿柴個頭就好扁。之後咪去行街囉，又去三聯買書。(亞童牧出新書嘛)之後又行下咁喇。去到"乜乜商場"，亞童牧(小飛俠)做宣傳喎，阿柴近期勁鍾意佢，佢就跑左去"樓蛋"，玩到5點幾咪搭車走人囉。阿柴夜d要出去，就同我一齊搭車喇。之後係上水行左陣，我地仲見到麥麗英添。之後送左阿柴去火車站，我就去舊墟買蛋撻食喇，點知去到冇喎，白行一趟。返到屋企又咪係食飯、沖涼、打機。夜d咪返房聽下歌，睇下書咁囉；1點到就去訓喇，咁又一日。

8/04/04 星期四 晴
我終於知道18歲有咩好處!!就係可以睇三級片。我絕對有理由你地已經諗緊邪野!!我要澄清!!三級片除左可以色情之外，仲可以係暴力!!真係好想睇"受難曲"，我諗如果我入到場睇既話一定會睇到好感動，而家唯有等佢出vcd喇。而家逢星期四都自己返學，幾好幾好。因為上普通話堂既關係，所以冇帶飯喇。今日miss遲左黎，我都已經遲架喇；原來佢又記錯我地係yr2，之後咪開門俾我地囉。今日始終都測唔到驗，成日都有成炸人湧出去測，我點夠人爭?!英文堂係咁同阿珠玩，成堂都冇乜點上過。Lunch同左云、tracy、ling去左間台灣野到食，sure食肉燥飯喇，不過都係旺角個間好食d!!食完又去德福廁所，返到班房都搭7囉。今日design都係同miss講下project d野喇，我d靈感就係係"受難曲"到黎!!之後又同miss吹下水喇，原來miss好攪笑架!!傾到3點3就閃人，我地以9秒9已經閃到德福了。
micelle真係形容得好好，"學校有炸彈"!!一放學，唔駛五分鍾，我地班房一定會清場!!今日又冇乜特別野喇，等一時間返屋企玩電腦、打日記。
尋日上電腦堂諗住打日記喇，點知打到一半，同學仔問野，就臨急臨忙打埋佢喇。

7/04/04 星期三 晴
唉，好耐都未打過日記喇，我真係對唔住d fan屎!!(笑)真係日日係屋企玩the sims喎，書又唔溫。而家又係上電腦堂喇，梗係最適宜打日記喇。人人放緊復活節假，我就要返學喎，慘絕人寰呀!!不過都冇咩特別事發生喇。放學咪約左白痴星逛街囉，佢勁攪笑，話要飲朱古力奶增高喎，乜朱古力奶增到高架咩?!之後咪去商務買左本ELLE做design project囉，之後就返屋企喇。但係返到屋企仲唔識死，勁睇雜誌，書又唔溫。終於食完飯，9點到就返房溫書喇。點知溫到10點半就閃左去訓!!今日都同埋佢地一齊返喇，又係火車到溫書。返到九龍灣就買早餐，係班房har陣就測驗喇，唔鬼打喇。

2/04/04 星期五 雨
好唔想打日記，唔打唔打還須打。
因為我都想你地知道我近排發生既事。今日又係自己一個返學喇，搭火車個陣不停咁溫書。返到學校又溫下書囉。跟住就睇阿sir點樣"清潔"部電剪，10點半講完就放break，跟住直落俾我地溫書。點知我溫溫下真係訓著左，訓到12點，呆左陣搭4就叫阿sir放lunch喇。今日都好少人丁飯，好早就丁完。其實食左半都覺得好飽，但都食淨少少先倒，費事哂野嘛。之後睇左陣漫畫就上返坐到兩點就測驗喇。份卷識得一半一半喇，大多數都係吹水。今日本來去九龍灣見到，但最後都係冇去到，返左屋企。打機打無有d無聊咪打日記囉。

1/04/04 星期四 陰
今日教你地一條公式：
愚人節+張國榮死忌+水果生日=4月1日
今日冇咩大事發生，咁又一日。今日好難得咁放12點半，當然即時"懶"返屋企喇。返到上水去左上倉，對上一次上倉都唔知幾時囉。之後打俾菠菜、可樂傾電話。近排勁傾電話，有時真係講到唔係好想講。跟住阿星又打電話黎，傾左陣迫佢收線。(笑)之後訓左陣，菠打黎；收線後想繼續訓，但都去左睇漫畫。夜晚諗住跑去整便當既時候，小盈盈打電話黎，就叫佢遲d打黎喇。咁我地又由7點半傾到10，本來諗住溫書，但係攪呢樣攪個樣，又冇溫到。10點9終於的起心肝諗住溫喇，點知阿哥同我講"阿矇"今晚第二輯大結局，我又冇溫到書喇。(哭)睇完就閃返入溫喇，點知"周仔"係咁召喚我喎，就咁我就.......訓左。

新的一年新的開始，這麼快便2004了。

本想改這版面，最後還是不改算了。

兩年這樣的過去，實則只打了一年的日記。

(12/6/02 - 31/12/02)及(12/6/03 - 31/12/03)

來年我還是會繼續的打下去。(可能沒人看吧)

但是我還會打的，因為我想你知道我的近況。

最後，希望你們真的認真看這裡的每一個字。

BY Mei 1/1/04 12:20p.m.

一月二月三月四月五月六月七月八月九月十月十一月十二月

2002日記 (已刪除) 2003年日記