不知從那時開始
30th August Rain
Monday
Today, I want to use japanese!!
聲明:絕非玩野。 金曜日、叔父の電報は祖母が病気になったと言って、お父さんとお母さんは田舎に帰った。すでに3日間帰って、情況を知らない。心配が少しある。明日彼らはやっと帰ってきて、祖母の病気変わるよし。 有D野我真係唔知點講好,所以我選擇左用日文黎打。(=口=") I wake up at 8:45a.m. Then I went to wellcome to buy my lunch, because nobody make dinner yesterday. (I don't know what can I eat tonight, because my fater and mother haven't come back today) When I gone back office, it is half past nine. Luckly, my boss not here. And then I write the diray(in book, not internet) and sew comicS. About half past eleven, my boss was go away. I ate my lunch. There are nothing to do, so I type the diray. 2004-8-29 I haven't type my diray for long time. The day after today, I will type in english on my diray! Because I want to improve my english. Yesterday, 1 wake up at 12 o'clock. Then play the computer have long time. At night, coke phone to me, then I went to outside with poly. We go to shopping(??) about 9:00p.m. And we went to 仙跡岩 to drink something and talk and talk. About 10:30p.m. we gone back home and I went to wellcome to brought 汽水 with poly. At night, I talk with my elder sister more ana more and I think a lot about my future. I sew the T.V about volleyball.(China V.S Russia) But I am so tired, I sew two part and go to sleep.嘩!!我d英文超爛呀,睇唔明就算喇。 Today I go to shopping in sheung shui with sing. There are nothing special.^^"其實我係唔想打。 2004-8-27 平凡的一天,同平時一樣。冇咩特別野想講。 2004-8-26 尋日咪話老細成日都冇返既,點知正當我諗住搭8拾野走既佢地返左黎。 (=口=")攪到我要6點準時走。 今日搭巴士個陣勁驚落雨,冇帶遮嘛,好彩冇落雨。今日都係冇野做,玩到12點幾就丁飯食,之後老細走左咪一路播歌一路上網囉。3點到老細返黎,又冇野做就終於的起心肝睇本"流浪的麵包樹"。原來林方文冇死到,但葛米兒就死左。睇到我喊呀,雖然細節不是太感人。到而家5點半,等放工就打下日記喇。悠閒的一天。 2004-8-25 原來我又有幾日冇打日記架??都懶得補返,冇咩野打。尋日先慘呀,臨收工老細俾份野我打喎(成7頁紙);咁我打到6點梗係未打哂喇,都唔知走好定唔走好。過左陣,二老細就叫我走先,聽日再打過。諗住會落雨喇,帶左公司把遮返屋企。係呀!!元朗個邊好大雨呀,不過到上水都係冇雨。白拎。返到屋企都係玩下電腦(鹽係公司玩唔夠?!.......汗")之後食飯沖涼、睇電視、寫日記、訓覺,日日都係咁。 今日唔多想返工添......不過咁好賺,點可以唔返?!返到公司上左陣網就打野喇,打到12點幾就食飯(老細仍然未返)。咁我就check多次打既野喇,2點就去樓下間銀行幫老細攪D野,點知佢話要合顆人親自去。白行。到而家3點,冇野做,咪打日記囉。(呢個時間老細仍然未返......) 2004-8-22 (日) 訓呀訓呀訓呀訓,訓到十二點先起身。又玩電腦?!(係公司仲玩唔夠呀)之後就睇喇,玩到6點俾家姐。夜晚都係食飯、沖涼、睇電視、玩電腦,咁又一Day。聽日大家姐第一日返工呀,又係做merchan。(=口=") 2004-8-21 本來話去九龍公園個泳池游水架,不過尋日睇新聞話個到發現左紅蟲喎?!咁同阿柴經過一輪商討,就取消左呢個行程喇;咁阿柴又難得放假,就變左三人行喇。10點幾起左身,咪玩電腦下載吓野囉。(有得用屋企部電腦好幸福呀)之後食埋野換埋衫,十二點幾就出門口。去到火車站波已經到左,又係等左輪阿柴先到,咁我地就朝旺角出發!!我地行新世紀先喇,今日好似有咩歌唱比賽喎,咁我地企左係到睇左陣就走喇。之後行花園街,我又開始敗家喇。(雖然十年都唔敗一次)行下行下又行到旺中,買"爸爸"去了。之後行埋先逹都好累,咪係老麥坐左陣吃下雪糕囉。抖夠繼續行,又去影貼紙相。今次影得都幾靚,部機好好玩(佢地講)。之後係去信和。(去旺角必定去朝拜)但D碟都未出,冇收穫。(都係睇下姐)行完都七點囉,咪去仙果園食飯囉。(掠過)食完陪阿柴申請信用咭,之後行下瓊華;行左層阿柴又想張咭換過第二個換喎,咁我地又行返轉頭。都冇咩野行喇,咁咪走囉;點知有個賤人"唔小心"用煙頭"辣"到我隻手指喎,而家諗起都火呀!!(攪到我而家好憎人食煙!!)之後行下影視舖,有隻碟好想買。(不過都係忍左手,未出糧嘛)咁就搭火車返上水喇,返到上水都只係10點;我地又係公園坐低傾計,今次一定唔會俾波菜再飲架喇!傾左好多野呀!!阿柴:你地再講,我就黎升LEVEL架喇!!傾下傾下咁呀1點喇,阿柴聽日要去沙灘,咁我地就分手喇,返到屋企沖完涼玩電腦。雖然好累,但都唔想訓;玩到3點幾先收手,不過都唔係好訓得著。(=口=") 2004-8-20 五 今日又係咁,返到公司竟然開左燈?!但冇人。可能老細行開左喇,原來真係。佢地好鬼衰架,成日都係食飯之前係咁俾野我打。本來佢地叫我同佢地一齊出去食架,不過我又推左佢地。帶左飯嘛,帶左唔食好折墮架!!咁佢地就出左去食飯,我食完飯就繼續入數。入左個幾鍾先入完,佢地食到2點幾先返黎。(=口=")入完數之後又有野俾我打,一係就得閒死、一係就忙死。佢地到咁上下又走左得返我一個,我打到5點9先打完個死人4頁紙。之後尋日個人又打黎話上黎拎支票,咁我又要等佢黎喇。(開門俾佢呀)見咁得閒咪打下日記囉,一日冇打,好似好多日冇打咁。>_<報時:六時正。(仲未收得工) 2004-8-19 今日勁得閒,12點幾老細都未返咪食飯囉。點知到下就佢地都係冇返到黎,我自己一個係公司上網。(=口=")點知4點到有到個電話,話要上黎拎野。咁我就等到6點先有得收工,明明我5點半已經可以走架喇。(某人:咩呀?!乜你唔係不嬲放六點架咩??)啦啦啦......咁個果人上黎拎左野之後話車我去龍門居搭車,不過見咁近都係推左佢。(-_-")之後架小巴唔知係咪等埋後面架小巴,開得勁慢?!(難得)之後係咪打俾阿柴傾星期六D野囉,係我收唔到定阿柴冇電??cut鬼左。咪打俾阿波傾囉,傾到返上水。返到屋企就食飯、睇電視、沖涼、寫日記、sleep。咁又一day。(老細成日都冇返過黎?!) 2004-8-18 好似平時咁喇,搭車返工。(已經習慣左D小巴超速了=_=")返到公司搭3、4到,冇耐老細就返喇。(今日咁早既?!)但一直都冇野俾我做,咪上網囉。之後12點幾就食飯,食完飯又冇野做又上網。佢地返黎之後老細又走左,第二老細做埋D野又走埋。又得返我一個,咪播下歌、上下網咁囉。4點幾(?!)阿柴打黎傾左陣電話,原來佢係屯門,咪諗住約佢一齊行下屯門囉。5點半就閃,勁奸呀。(事因我放6點的)約左阿柴係可藝中學到等喇,我明明睇哂地圖架喇。點知我過左天橋之後又當失路,咁阿柴就黎救我喇!!原來我係行天橋之前轉左就係可藝,要阿柴白行添。(唔好意思)我都唔知自己點解會過左天橋架,根住咪行市中心囉。行到七點,阿柴送返我去小巴站就走喇;返到屋企食公仔麵,睇電視、沖涼。整便當、睇電視、訓覺。 2004-8-17 今日好唔好彩,搭個架小巴又係女人開;真係......好快。(完全超速!!)為左生命安全,今日係友愛邨落左車再行返公司。今日都好似冇咩野做,點知12點幾第二老細俾左份野(10頁紙)我打,佢地就去食飯。(=口=")咁我就打俾阿星傾電話喇,一路食飯。之後阿星要返工,我就打老細俾個份野喇,打到3點幾先打完。老細都返黎囉,不過冇野俾我做;又自己做自己野,上下網、睇下書咁、打下日記。咁快又5點4,好快就放工喇!! 2004-8-16 (一) 又到星期一了,代表著又要返工。今日出到屯門都係9點,反正返到公司都係冇人,咪去華潤har陣先囉。點知到左下就我食埋飯老細都未返,我就咁上左成日網喇。3點幾佢地先返,但又冇野俾我做喎,咪又上下網咁囉。之後佢地5點9走,我搭埋野5點10到都走。見好耐冇傾過電話,咪阿俾阿星吹水囉。之後返到上水個頭先恐怖呀,人地標明時速50,個司機(女的)開到九牙幾。真係險。返到上水就買日記簿(咁牙一年),之後又去寄信。返到屋企食飯、睇電視、沖涼、寫日記,11點就閃去訓喇。 2004-8-14 今日終於放假,可能平時太早起身,所以尋晚睇埋港姐就訓喇,雅典奧運開幕都冇睇。一訓就訓到第二日既12點,爽呀。起身都係上下網囉,下載下野咁。(覺得有得下載野好幸福呀,因為公司見到但冇得下載太痛苦了!!)不停下載!!yeah.......到而家仲下載緊。(各位唔好學,上下載野都係犯法架!!)(某人:咁你又下載??)er......今日天氣幾好,多謝各位觀看本小姐日記。再見。 2004-8-13 晴 (五) 返工真係搵命博架,唔係講笑。啲司機好鬼衰架,成日亂切線;尋日同今日都係咁,有架私家車亂切線,攪到架小巴差D撞埋去,好彩個小巴司機殺車殺得快咋。尋日先攪笑,咁我係友愛邨搭小巴喇,個司機知上哂人、而下個站又冇人落,即刻U turn飛左個站直剷返上水。二十分鐘由屯門返到上水,開到百四米,都咪話唔驚。(炒車咪死......大吉利士.......x口水講過...) 咁今日都係咁喇,出到去小巴站搭半,又係勁多小巴。(個司機勁安全,車速永遠保持係60-80之間)返到公司又係得我一個,冇耐老細就返黎喇。(好彩)佢冇野俾我做咪上網囉,之後上左陣就叫我幫佢打野喇。(佢就裝修間公司)我打完又上網,佢整個防盜+門鈴又攪左半日喇。12點半我就自己開餐,佢地就出去食。食完太得閒就打日記喇。仲以為佢地食完lunch會返黎喇,點知到左三點第二個老細返黎拎左野又走過。得返我一個,咪又播歌、上下網咁囉。之後5點半我自己放自己走,其實我放6點架,勁奸呀我。跟住就去龍門居搭小巴走(其實同去友愛村差唔多路程),大致上都係咁喇;返到上水行過龍豐買CD-R先,再返屋企食飯。今日好早,七點唔駛就返到屋企,因為我已經識路喇嘛。之後又係睇電視囉,好眼訓,但今晚我又想下載野喎(最佳時段2:00-6:00)。矛盾。 給阿柴: 你就好喇,放假。 2004-8-12 雨 (四) 尋日返到去都係上下網聽下電話咁,臨收工先勁收fax。雖然老細唔係到,但我都好準時6點收工;但係我唔知邊到搭車,係屯門行左將近9個字。(完全唔知自己去左邊,勁驚呀)打俾阿柴求救,終於搵到車返上水。點知......我上錯方向,去左蝴蝶灣,咁咪落車過對面搭返屋企囉。拎本地圖一睇,原來我真係行左好多路。(=口=")我由工業城經友愛邨再行到去新屯門中心,最死個野係我發覺原來我係友愛村轉左就有44搭架喇,但係......我轉咗右。無奈。返到上水咪去惠康上倉,返到屋企食麵包。好累。夜晚得閒一濟度手臂,幼過我阿哥呀!!(照道理應該係,但之前我係粗過佢)究竟係我幼左,定我阿哥粗左?!不得而知喇。11點到就去訓喇,因為真係好累,行左成日。行左個大運返黎。 今朝訓多尋日5分鍾,又攢左。之後出到小巴站,係超多人。等車等到搭半,幾驚遲到呀。前面個阿叔勁賤呀,避兩為虛、打尖為實。唔知好彩定點,佢一黎黎左3架。我搭個架真係亡命小巴黎架,半個鍾就到左龍門居嘞。返到公司冇人,咁我自己咪上下網咁。老細10點半先返,做老細真係筍。之後叫左我買一大堆雜野,因為其實公司有部份未裝修好;反正冇野做,咪落街行下囉。(我有得選擇咩??都話打雜架喇)之後又冇野做喇,又上網。第二個老細仲遲,11點先返黎。係呀!!勁攪笑呀我。咁尋日有兩個電話打黎喇,我report返俾老細聽。但佢聽唔明,佢打返去問先知。佢同我講,兩個係同一公司打黎,但唔同人。個間公司叫"科偉",我聽左"科惠"同"貨櫃",唔怪得老細唔明喇。(笑死我老細)之後又幫第二老細打野,無驚無險又到一點;丁飯食,不過又係食到一半冇食。家陣襯佢地出左去食野,我就打日記喇,都話我勁奸架喇。反正冇野做,5點9我就走左lu。勁奸。放工去左友愛村搭車,今日我梗係識路喇,七點過少少就返到屋企喇。 2004-8-11 今朝都幾唔捨得起身,比尋日訓多左半個鍾先起身。(攢左)之後8點就出門口,今日要去北角間郵局先。去到北角我完全唔識路囉,又唔知邊個出口喎,咪求其出一個囉,出到去問人、問人同問人。終於去到間郵局,但我係去錯左。我去個間原來係英皇道郵局,但我要去個間係北角郵局,咁咪交左電費先囉(都話我係打雜架喇,呢D都要做)。又行行行喇,入去惠康買水飲喇,勁多人,最後都係放棄。行多幾個字就見到間郵局喇,但係一開個Locker......咩都冇。白行。今日就係係由英皇道既"中間",行到"街尾"間郵局,再行返去"街頭"間郵局,行左個大運。(=口=")仲死原來附近有地鐵站出口,佢係B2,我出左A1。無奈。之後咪搭返車去深水埗再轉車入屯門囉,問個果人呢邊係咪往屯門,佢明明話係架喇,但我睇車牌好似怪怪地咁,上到車咪問個司機囉,佢話對面喎,好彩有問咋。之後就一直搭喇,勁眼訓呀。去到咁上下係好似屯門喎,即刻禁燈落車;一落車就見到屯門IVE分校喇,好彩落到車,落唔到都唔知去左邊。咁行返轉頭就係工業城勒,返到公司都12點幾,攪左成日。返到去梗係食左飯先喇,不過都冇咩胃口,食左半就唔食lu。之後佢地又係咁俾野我做喇,又叫我交管理費喇、之後幫第二個老細打D資料咁囉。本來一早打好,點知禁錯制山鬼左,又要再打過,打左成個鍾終於攪掂。咪俾老細睇囉,幾驚佢唔收貨呀,因為我唔係好識架咋。攪掂就去交管理費喇,點知佢地話出去喎,咁就帶埋條所匙,又交低一大炸野俾我做。(>_<")交完管理費佢地確係唔係到喎,咁一個人,驚架嘛,咪一路播歌一路打機囉,勁奸呀我。基本上而家都冇咩野做,都係等人黎、聽下電話咁。 原來都有好幾個FDS今年考會考,佢地都考得唔錯bor。 2004-8-10 晴 7點就起左身,媽子仲驚死我起唔到身咁,神咁早就打電話黎。我以為搭小巴要散銀,原來可以用八逹通架。(咁呀"呃"左我阿爸廿蚊,媽子仲俾左100大元我"打的")咁我上到小巴又驚死喎,冇問到司機邊到落;咁去到咁上下咪問隔離個位龍門居邊到落,佢都唔係太清楚,都係問返司機。(=口=")係龍門居落左都唔知自己係邊,咪入村問人囉,原來係返轉頭直行。我都行左一段時間,見到有幾坐工廠既大廈。咪問個看更呢到係咪南豐工業城囉,佢話係;我又問邊到係第4座,佢話前面。(=口=")盲的。之後上到去我搵唔到402喎,我搵到401、404、405,係搵唔到402,原來佢寫左係道門到。但得我一個,咁咪打俾老細囉;冇耐佢就上到黎,咪教我有咩要做囉。其實個陣我好驚,真係想唔做(不過做完一日又好似冇乜野咁)。其實都冇咩野做,但又好似好多野做咁(我覺得我似打雜囉)。就係咁既,朝早呢,都冇咩野做,咪叫我過對面大廈交管理費(點知寫錯左人地個名,聽日再交過);食完lunch,咪叫我計下數咁、send下fax、抄低對面銀行個英文名(?!)。大部份既時間都係用黎上網,不過又唔方便打字喎。都係得個上字,都幾悶架。咁大致上都係咁喇,5點9就放工(放工仲要寄埋D信先呀!!)老細問我邊到搭車,但係我第一次黎,真係唔知。(我落車個到對面好似冇路架=_=")咁佢就車左我去元朗喇,去到元朗我就梗係識返屋企喇。返到上水,去左郵局先;再去舖頭仔到買零食聽日食,買完返屋企食飯。之後都係睇下電視、沖涼、整便當、再睇電視,12點就訓覺喇,好似好耐都冇咁早訓喇。 2004-8-9 (一) 今日訓到4點幾,唔係二家姐打黎都唔起身;佢問我做唔做暑期工喎,反正冇野做咪做囉。但係聽日返,仲要係屯門;連要做D咩、屯門邊到都唔知。(=口=")之後咪打俾阿星同小云,推左佢地D約會囉。嗚......阿星,陪唔到你放榜。嗚......同學仔,同你地去唔到camp。之後夜晚查地圖,總算知大概方位,好彩上水有小巴到屯門架姐。由於訓得太多既關係,4點幾仲未訓得著,聽日仲要返工。>_< 2004-8-8 晴 赤柱一日遊 今日好早已經訓架喇,但係5點先訓得著,之後訓到七點半菠菜打黎m call我起身(其實我已經起左身架喇)。之後攪下呢樣攪下個樣,拾好野搭三到菠打電話黎就落樓喇。等左陣就上車,雖然話9點先開車,但好多人8點半已經到左(除左某炸人)。佢地班人一D時間觀念都冇架,我地等到9點過幾分鍾佢地先到。之後點名竟然冇我地個名喎,咁咪同佢講囉;咁人齊就開車喇,一個鍾頭到就到左赤柱喇。去到又話咩大抽獎,但我地都唔知係邊,咁唔理就去左玩喇。換左衫之後阿菠表妹話肚餓,咁佢就同菠妹出左去;我地又唔放心啲野就咁放係到,所以都係坐左係樹下面。(=口=")不過間唔中都出去泡下腳仔既,好似坐左兩個鍾到?!阿菠妹返黎,咁我地就出去食野喇。不過去到都係食m記,阿柴就食百街買既包。食完行多陣就返去喇,之後菠同佢阿妹、表妹去影相,點知返到黎話佢阿妹係咁流血喎,咪叫佢搵救生員囉。(返到黎真係好似流好多血)咁我都都出去玩喇,起初玩波,之後我就學遊水喇。但係我係學蛙手自由腳,勁騎哩,始終學唔識。玩到咁上下就要走lu,上到車全車人等我地。但我地遲左兩分鍾咋喎(以車個鍾黎計),好似要全車人等我地咁;但今朝咪等得仲耐,之後又係一個鍾頭到返到屋企。去到上水阿柴同菠菜上左我屋企,阿柴諗住拎書;咁佢冇位袋,我就幫佢袋住先喇,放低左野又出過去陪佢地行下。行左陣就返屋企喇,點知去到樓下先發現,D書仲係我個袋到。(=口=")白拎。過份呀,返到屋企竟然唔等我食飯;明明叫左等埋,反正唔係太肚餓,唔食喇。夜晚好早訓,雖然好累,但都係訓唔著,三、四點先訓得著。(=口=") 2004-8-7 好似又有幾日冇打日記咁,不過真係冇野好打啦。呢兩日都係睇下日劇咁囉,近期追緊一套叫"阿南的情人(縮水情人)"既日劇。故事講深田恭子縮左水,男主角阿南(二宮和也飾)又優柔寡斷喎(一腳搭兩船),故事就係咁一直發生落去啦。真係一都睇唔出深田恭子廿零歲呀,睇落都幾可愛架。(不愧為日本妹)今日都大致上都係咁啦,聽日太好啦,有得去赤柱玩。>_< 2004-8-5 嘩!!我阿哥勁奸呀,知道媽子係咁上下起身(三點幾)即刻山左部腦,而我就繼續玩。我見媽子起左身咪去訓囉,點知媽子一走咋,奸人即刻開返部腦玩呀!!一個字,奸。(定係我蠢?!)好戲仲係後頭,我大姐以為自己好輕盈,一野跳落張床到(上床跳落下床);咁我訓緊架嘛,我隻"肉腿"就此遭殃。(佢一野踩左落黎=_=")四個字,家門不幸。咁訓啦,訓到11點就起身,玩左陣電腦打埋電話星攪多陣就出街勒。我以為自己已經夠遲架啦(約佢唔駛咁準時),點知阿星仲遲,真不負遲到大王之名!!等到佢搭9先到(約佢搭半架),早知我搭半出門口都仲得。之後咪周圍行囉,仲係考慮緊做唔做老麥好,行左係門口好幾次都係放棄左。之後咪周圍行下囉,行到廣場見到老鼠?!(差點遺忘的一位舊同學)阿星同佢傾左兩句??先知ok定七仔請人,咁咪去睇下囉。七仔話請左,咁就去OK勒;佢叫我地填from,細問之下原來好趕人用;但佢又話我之後要返學,所以要同個經理傾傾先喎。(請既機會都好微)出到去見落雨,就去CR買左把白色遮(都幾靚)。反正有得返去交差(媽子日哦夜哦,一時又話唔拍拖、一時又話唔搵工=A="),咁就去惠康上倉,再去老麥買野吃。去到先攪笑,我袋住左杯汽水,個經理以為冇俾,好彩我成實話俾左姐。買完就分道揚鑣各自歸家,返到屋企mm好睇烈火雄心(大結局哩,雖然平時冇追開),睇完就打日記啦。 註一:染返黑個頭,好唔慣哩。 註二: 給阿星: 對你有點兒改觀,不過,還是那句,你是一名損友中的損友!!遲到大王非你莫屬,明明住係火車站隔離都可以行成三個字,係我屋企行去火車站都係三個字,有冇攪錯?!有沒有些少對不起我的感覺?!(我99.9巴先批你一定會說沒有!!) (= 口 =")(有朝一日我定會扁你) 2004-8-4 晴 或許,我會染返個頭。 或許,我會搵份工做。 或許,我會繼續打機。 或許,我會早睡早起。 或許,我真的太懶了。 2004-8-3 尋日奇蹟性地好早就訓,12點前就go to sleep la。不過訓得太多(?!)既關係,訓下又醒下,攪到個頭好鬼死痛。呢幾日又係咁懶啦,遲d染返黑個頭佢呀。(好似講左好耐啦喎.......汗")都冇咩好講,打住咁多先啦。係呀!!你地有冇留意,我換左logo呀??頭先整架!!閃令令哩!! 2004-8-1 唉,已經8月啦,我仲係咁懶。 又好似幾日冇打日記咁,呢幾日忙咩??又咪係睇下日劇咁囉,近期又開始打返機了。(我家姐太"厲害"了,忍唔住要過下手癮)呀!!今日我學識左一樣野,就係整動畫啦(gif)!!(某人:咪即係整郁d圖)但對我黎講,已經好厲害架啦!!今日大致上都係學cut圖、加字、再合拼,咁呀攪左我成日。
一月
二月
三月
四月
五月
六月
七月
八月
九月
十月
十一月
十二月
200
2日記 (已刪除)
2003年日記