不知從那時開始

	3月23日星期二。係好懶。


嘩!!long time no 打日記啦。一個字懶，或者忙都得。其實都唔係好多野做，就係唔想打日記。近期都發生左幾多事，但我都廢事打返啦。咁今日又咪係咁，又遲到了。上電腦堂，沒特別事發生。之後上英文堂cindy宣佈佢下年3月結婚，恭喜恭喜。之後去左淘大lunch，下晏唔駛上堂梗係去遠d啦。咁行左陣先返學校練普通話比賽d野，練下練下咁呀5點幾啦。之後去左運動家買左對鞋就返屋企，係九龍塘同菠菜煲電話煲到返屋企。唉，講起電話，上個月我煲爆左3百幾分鍾呀，慘。 12/3 懶打日記。休息一天。 9/3 呢幾日又好似忙返d咁，其實我有好多野想講，但都係個句：我懶。講返尋日先。尋日返到學校上電腦堂個陣班同學仔無啦啦勁笑，後尾先知原來有個舊同學仔係屋企用熱水爐時用法不當發生輕微爆炸。佢地仲將份報紙周圍傳俾人睇，最好笑係內文。起初都唔信係佢，但話咩姓張二十歲青年......(下刪數百字)，仲要有埋張側面相喎，一睇到就笑死。之後放學去左深水"土步"買布啦，終於決定左用咩布料做啦；不過同會考個份有50巴先似，除左件衫。‧口‧。之後夜晚又好似無所是是咁，但咁又一晚啦喎?! 今日又咪係咁，係屋企食完早餐就出門口。返到學校坐左陣就去1樓上knit，完全唔記得哂上年學過d咩囉。咁就坐左半日，之後咪去lunch囉。lunch後返去繼續織野，其實都係小云織，我就坐係到睇完牧童本新書。(題外話：本書好好睇呀!!)睇完咪學識野左，織熟左話咁快就織完啦。坐下、吹下水、行行企企咁呀放學lu。返到屋企又咪食飯、睇電視、反電腦。我覺得呢段冇野做既日子有點兒頹廢添。(人總是有點壓力好) 今日放學返屋企，阿爸同我講：阿婆走左。由上年9月開始，係呢半年入面，我失去左幾多個親人?!阿女麻、我阿叔個仔(唔知點稱呼)、姑姐，終於輪到阿婆。對這些事已經沒有太大感覺了，因為太唔真實啦。感覺就好似佢地去左好遠好遠既地方，總有返黎既一日。又或者我地唔係經常見，所以對我黎講亦冇影響?!我屋企既家庭背景太複雜啦(其實最簡單不過)，所謂的親戚?!不予置評。但到現在唯一後悔的事就是沒見阿女麻最後一面，個段日子，我真係好討厭自己。 7/3 所有野終於完結，openday 之後好累。休息左一整日。今日照常上堂，又唔補返日假俾我地喎。唉。攪完openday，又要開始籌備普通話比賽d野啦。初賽、決賽、project、會考，又有排忙了。唔知點解攪完個openday有一份失落感，真的累了。不止身體，心身也累了。究竟我地咁多年既友誼算得乜??連識左冇耐既朋友都可以遵守約定，而你地......計計埋埋都有六七年啦。你地對我既少少既要求都做唔到，咁我又可以講咩?!我知你地唔得閒......但當初就唔好口口聲聲應承我一定黎啦。同学説と私はあなた達に対してあまりに厳しくて、そうですか？!はい、まさにあなたのようで言う。あなたの間違いではない、間違いただ私。あなたは空っぽになっていないで、私はあなたを許すべきなので、私がけちすぎる。すみません、あなたは正しい、これは私の間違いだ。しかし本当にこのようにですか？! 有時有d野，唔係單憑對唔住就得架啦。你有冇諗過今次自己錯係邊?!點解我鬧緊你既時候都可以若無其視?!講真，我唔係真係嬲你。但係呢一個moment我唔想同你傾任何既野。究竟到幾時先會改?!你由中學個陣已經係咁架啦，我前前後後俾左幾多次機會你?!我真係好想你改左佢。但你得咩?!(單靠講冇用架,要証明俾我睇先得架) 4/3 尋晚食完飯睇睇下電視訓著左，迷迷糊糊走左返房訓；訓到今日6點幾先起身，即刻沖涼、洗頭同洗面。(笑)返到學校勁少人，之後就開始open day啦。人好多，做唔停，不過好好玩。點幾食完lunch同小云返課室玩乒乓波，我地玩到勁開心。之後2點半落去睇fashion show，本來人多入唔到，好彩見到design miss，死螺成功!!(wakaka)嘩!!今年fashion show都好正呀!!好多都好性感，不過都係覺得阿moon個年靚好多。之後歌唱俾賽，有個人唱得激似李克勤架，不過只係拎到亞軍。之後返上課室影相啦，冇乜人就睇漫畫，咁就攪到5點零先走。咁攪左一個，好累呢。(而且仲有聽日呀) 我好想可以原諒你，但你一次又一次咁令我失望。所以我想聽你解釋，但無奈你永遠唔聽電話。你咁算咩意思?!究竟你有冇重視過我?!你唔係第一次放我飛機架啦。平時約你唔係遲到就係冇到。你講，講一個令我原諒你既理由。(唔好講埋d廢話,例如你好可愛之類既野)當一個你重視既人一次又一次咁欺騙你，你會有咩感受?! 他媽的。(請容許我講得咁不雅)當一個人黑起上黎真係可以黑過舊炭。今日考試局寄左份野黎......clothing......我竟然去青衣到考。山長水遠。殺了我吧。 3/3 唉，尋晚勁黑仔。去完廁所冇水沖，諗住自己倒水啦，點知又整跌左個垃圾筒；之後沖涼啦，一落地就跣低左，燉到我勁痛呀。(哭) 今日呀，又咪係咁，去荔景返學。早知唔返呀。總知今日就勁無聊，返到去訓覺。因為人手唔夠，測唔到驗。其實可以lunch測，不過投票決定唔測。但那可算是投票嗎?!跟本就是小圈子活動!!呢個世界係唔會有公平呢回事。之後落左深水步睇察民情。(笑)諗緊個final project用咩布料好啦。基本上都睇中左，先修改左紙樣下次先買。之後就歸家去了，返到屋企又大覺訓；起身食飯睇電視打日記，咁又一day。其實本來約左菠去睇戲，不過一黎唔想行街，二黎今日無啦啦早放，抱歉啦。 1/3 。聯校開放日。個名好吸引呀可?!感覺有點似日本既校園祭，但實際就係另外一回事。因為我地同對面校係冇交集的，只不過簡埋同一日開放姐。(汗")咁講返今日先，我真係好鬼想打死阿星。(給阿星：我地分手吧啦)但當我一見到佢又會原諒佢啦喎，諗住忍埋呢次啦，你話係咪犯賤?!如果唔係同你識左咁耐，我真係好想好想一腳申開你!!(以上對白講到我地好曖昧添)跟住上電腦堂，一路上堂一路合眼訓，尋晚又煲vcd煲到點幾先訓啦。之後英文堂繼續present，好難想像sueyee姐係f.7畢業。=口=。之後就攪openday d野，食完飯返去又整過，整到6點先走。歸家吃飯、看電視、打日記。