不知從那時開始

	6月29日星期一搵工lu ←笨草


今日好累哩，11點幾阿星打黎。嘩!!d態度同尋日差幾遠呀，真係女人。(善變)講左陣收線再訓過。點知12點菠打黎話間公司請左佢，聽日去唔到街，問我而家出唔出，但我真的很眼訓就推左lu。跟住就繼續訓，訓到好滿足呢。但一起身一睇，你估幾多點?!5點半。(汗死)不過唔知點解，尋日interview完真的很累。起身之後就打日記啦....點知打打下跳"feel屎"，乜都冇哂。(激死) 28/6/2005 (二) 上回講到有工司搵我in。今朝訓到迷迷糊糊電話響喎，咁我以為係鬧鍾響禁熄左；但諗諗下又好似唔係我預設個隻歌既，不過都係啦，都cut左落。過左冇耐又響過。原來頭先真係電話響呢，係尋日send個5份之中其中一份搵我in。咁傾好哂就起起search下個地址點去，跟住就打下機整下icon。點知我以為自己save左山鬼左，點知我係冇save到，整左成日既野冇哂。(哭)玩完都4點囉，咪攪好哂d野出門口囉。點知去到我唔識路，阿星都冇同情心架!!(哭)之後都搵到間公司，上到去坐左陣先in。(因為我早到既關係)大致上佢都講得好明白，但始終對呢間公司冇咩好感；或者呢間公司係做針織，我對針織興趣都唔大。係學校大部份時間都係小云幫手織既。knit CAD雖然都覺得幾好，但都係阿Sir/同學仔係隔離先做到。in6點都未到，但我8點先尖沙咀；咁就去大快活食飯先，一個人食晚飯好寂寞哩。(哭)食完搭火車出去，而且都唔係好遠，7點半都已經去到，in尖沙咀好似high好多呢。(笑)去到個reception唔到係，我咪按門鐘囉；點知開門個果係一個外國人，我咪同佢講"我要同張小姐面試"(英文)，但佢好似聽唔明。(哭)之後又有兩個職員入左黎同佢解釋，咁佢就叫我坐低等一陣啦。in既野唔多講吧，總知好攪笑。(如果再有機會我會表現得更好)感覺上呢間公司好得多，如果真係請我就好啦；不過又驚自己做唔黎，因為我的英文真的很爛。in完打俾菠菜傾電話，點知傾傾下冇電。(又唔記得叉電...)之後去惠康上倉，返到去先9點幾。唉，呢個月本來諗住可以儲到八百幾蚊架嘛，但今日一洗又少左2舊水。講返：返到屋企又咪睇電視，玩電腦玩到3點幾先訓。 -------------------------------- 27/6/2005 下集原來我的感應力都幾強下架，咁話說尋日搵完工無聊完。去一個平時去開既網，咁佢每次進入都係唔同Background架嘛；咁我就諗：如果係xxxxx背景既話就有工搵我interview，點知入到去真係xxxxx背景喎。XDDDD咁我就神推鬼擁下走返房拎個電話黎睇，發現有個口訊同未接來電。(都係0岩0岩先打黎,順帶一提我是較震機的)打去聽返個口訊，原來有工搵我IN呢。(你話巧合定咁0岩得咁Q?!) 若知後事如何，請看下回分解。 -------------------------------- 27/6/2005 上集唉，攤左成個禮拜。今日終於的起心肝搵工了，比想像中花了更多時間呢。第一份send出去既cover letter是有問題的(汗")，不過之後都幾順利。最花時間都係睇工既要求、地點，我發覺我蠻簡擇的。(再汗一次")我真的很懶很懶，各友人已經開始返工啦，但係我而家先黎搵工做，攪到都有d擔心添。算啦，呢d野唔急得架。(真樂觀......) 講過第二樣，近排有咩攪呀?!冇呀，又咪係屋企做量地官。=口=" 今日又有新發現呢。自從小秋紗話收山之後，陸續出現好多自稱xx的人。好似龍一太、敬多太、右典太，今日仲發現多個kame同jin添。時下d香港小朋友真無聊，可能見小秋紗受歡迎，所以照版煮碗咁整個xanga出黎，但係小秋紗熱潮已過了。唉，越睇就越無聊，我唔知點解咁都睇，仲無聊。=口=" BY 無聊的小米以上 -------------------------------- 25/06/20055 心情開始有點低落，感覺就像心給人挖空般。什麼事也提不起幹勁，這就是考試後遺症?!阿柴呀，我唔係有心向你發脾氣，而係......我都唔知點。終知無端端覺得好唔開心好唔開心，但毫無理由。=口=算啦，就當我發瘋吧。講過第二樣呀，近期迷上睇Ya-Ya-yah番組。之前一直睇佢地玩躲鬼遊戲，真的很刺激呢。那笨草拼命的走，連攝影師哥哥也跟不上呢。(笑)小藪還跑到甩左隻鞋，給我笑翻了。當睇到佢地俾鬼發現個陣起勢咁跑真係好過隱，但又同時大叫千祈唔好被捉到喎。又或者近排迷上massu，所以才會迷上ya3吧。(笑)近期又有新發現，原來yuya仔眼神還相當凌厲呢!!加埋唔笑個樣，真係一個很可愛的小朋友啊!! (以上話題各友人又唔明我講咩了，就當我發花痴吧。花痴女：小米也。) 總結：可能情緒低落，所以發花痴。又或者因為發花痴，所以情緒低落。(後者可能性怎高) -------------------------------- 24/06/2005 (五) 今日是阿星家的小菇生日哩!!本來約好今早去睇戲，但因為紅雨取消了。之後再訓到點零阿星打黎訴苦，同佢傾左陣玩多陣電腦都出街了。約左同學仔6點係九龍灣聚會，點知去到得嘉欣仔到左；佢地一係未放工，一係就遲到。其實嘉欣仔話去廁所，點知買左個"說謊蛋糕"俾我話係生日蛋糕。(苦笑)之後7點人齊，就係KFC食我地既dinner。食完嘉欣仔話去洗手，點知佢返黎個陣多左個蛋糕。(笑)本來佢地話要唱生日歌架，但我覺得大庭廣眾唔好意思啦。之後都係初左蛋糕就算，+欣仔同tracy送左條睡裙俾我呢(不過唔係性感的,一件普通的咸超睡裙)；跟住小云送左個公仔俾我，都話唔好送d唔等洗野俾我啦。我屋企已經冇位放啦，不過都係人地既一番心意。食完野都差唔多九點囉，咪係淘大個邊影貼紙相。咁呀差唔多10點啦，佢地聽日仲要返工，咁呀散band lu，返到屋企都11點。但係都唔眼訓，玩電腦玩到5點零先訓。 -------------------------------- 22/06/2005 估唔到一個年僅13歲(?!)既小秋紗可以係xanga界(又或係j-pop界)打響名堂，我相信j-pop近7成既人都識得佢。劇情簡直峰迴路轉，引人入勝。本來一早想講佢好耐架啦，好可惜前排要考試。講返呢個小秋紗，可以引起咁大回響真係有返咁上下"實力"。其實之前我都主張唔好理人咁多架啦(←呢句好俾人馬後炮既感覺XD)，點知仲有大班fans走去鬧佢，仲要爆埋粗，呢d人係最冇品，我地呢d係動眼不動手架嘛。(笑)其實前日有大發現，竟然有人無聊到開個新xanga去回應佢既劇情。仲殺出多一個程咬金(Mrs.古屋)，真係估你唔到。當我地懷疑緊佢地係咪思覺失調既時候，有另一樣野更加估你唔到。就係尋日...小秋紗話玩野玩畢?!究竟佢真係玩野，定係搵個位落台??呢樣真係無從稽考。(要問返秋紗姐先知啦)不過從佢個xanga可見，部份w-inds. fans真係好冇品，而且好冇腦。明知係假既野都仲要去鬧人，可見佢地無論定EQ定IQ都係咁低既。XD唉，諗住考完試有D世藝可以睇下啦，點知佢一句玩野完左咁呀CLOSE左個xanga；好彩仲有個Mrs.古屋，而且都經常更新架。(笑)冇左個桔(橘?!XD)拾返個橙(古屋?!XD)都好呀。相信你地都唔明我講咩架啦，講返自己野先。今日訓到3點先起身呀，起身之後又係打下機、玩下電腦咁。完全冇意慾搵工做，明明都冇世藝都唔去搵工。又或者覺得阿哥而家忙緊GRAD SHOW，等佢忙完先啦。(但其實我搵工同佢忙GRAD SHOW冇"蔥"突架,只不過我覺得唔駛咁急姐)總知攤得就攤啦。(笑) -------------------------------- 21/6 終於脫離人間煉獄啦，不過烚時間冇野做，都幾鬼悶，真係唔係講笑。(犯賤) 咁講返前兩日既狀況...溫到無日無天。每日溫到4點零先訓，點零2點起身再博殺過；不過通常日頭溫我都會溫溫下走左去玩，又或者溫到訓埋。終於到星期一考MKT啦，我諗都咪得OK既。之後做卷，一開始起勢咁做；做到11點到都做得七七八八，點仲有成個鐘淨。咁咪坐多陣CHECK下卷，搭3、4就交卷。呢份卷做得最快...可能熟啦?!因為唔識個D我會坐係到係咁磨...而且我又覺得冇野好寫囉，咁呀提早走啦。等到佢地12點考完就影下相咁，影完一齊去LUNCH。唔知點解沿途都有人拎住個蘋果喎，我地估有人派蘋果啦；點知係地鐵站真係有人派蘋果，原來蘋果日報十週年派蘋果做promote。我覺得呢個係一個幾好既宣傳，我地仲研究東方呀、新monday會派乜野；但可惜佢等我考完MKT先黎出現，如果唔係考試個陣都可以拎出黎舉例嘛。吃完又返學校再影過，今日真係Last day啦。去七樓到狂影相，我同嘉欣仔勁影埋d騎呢相；我地係到研究做咩攪笑動作好啦，點知所有野俾B.M拍低左?!之後睇返，笑到我地流哂眼淚水。之後又影D攪鬼po屎，仲要俾"丹尼"sir見到。=3= 2點到就落6樓scan個body，過程都好簡單；但佢地唔得閒print俾我地，要等到19號先返去拎。跟住就落圖書館搵陳小姐傾搵工d野，再幫阿媚攪埋份resume就閃人。本來諗住落mk買碟，但都係遲d先啦；個陣都3點幾，都係返屋企抖陣。唉，返到屋企。又唔駛溫書，冇乜世藝都幾鬼悶。都唔知點解考試個陣覺得自己好忙架喎，但考完又覺得都冇野好做。咁呀灘抖左一日，完全係hea囉。今日訓到點零2點先起身?!又係玩下電腦，打下日記。真係...都幾鬼悶。唉，都唔知幾時搵工好...咁呀兩年、咁呀畢業、咁呀返工、咁呀......好悶。 -------------------------------- 17/6 wahaha，我真係覺得自己好厲害。星期三先開始溫書，但一日已經溫好3題啦。(由10點半p.m,溫到零神3點幾)攪到尋日唔太緊張，跑左去打機。夜晚發現都溫得唔係太熟，12點溫到2點先訓。(K.O哂4題,但遲終唔係太熟)阿哥先衰，尋晚佢睇電視阻我溫書；我用左一罐朱古力+糖利誘佢，佢先乖乖地返房打機。唉，阿哥喎；阿妹溫書都阻鬼住哂。今朝搭車個陣re迷左次，我諗其實都夠合格既。但到考個陣....寫得返6、7成咋。希望平時d分可以拉下上補下短啦，雖然呢科可以唔合格，但都唔好啦，上次我都係4科pass架嘛。星期一科marketing，A ZA A ZA FIGHTING。話說回頭：考完試之後返上水同媽子食lunch，難得佢放半日假嘛。痴完餐又屈佢去惠康買零食比我，慰勞下我溫書之苦。(笑)返到屋企play左陣電腦，跟手幫媽子抄電話薄。抄完閃去訓lu，抖足精神今晚同MKT博殺過。2點幾訓到4點幾，一起身就有電話打黎叫我去interview；但係去到觀塘咁遠，推鬼左。真係架，人工唔計，時間都要架，日日咁去返工，我諗我唔得囉。而家返九龍灣我都覺得浪費時間，返學都要成1個鐘3個字至個半鐘不等。不過都幾開心，有人搵我in喎；應該係學校幫我send resume架啦，因為我填左5份都係寫尖沙咀呀紅磡既。地鐵沿線與我絕緣，火車沿線係我既目標。wakaka。講第二樣：頭先我有一個一直下載緊既file，又下載左近3個幾鐘；佢又同我斷線，我真係想死。不過我又唔知禁下禁下佢又幫我續存返啦喎?!yeahyeahyeah。(但上次又唔得既?!) -------------------------------- 14/6/05 考完試先再補返前兩日既日記，因為有太多野想講。(到最後可能因為變成"以為自己講左"而冇打返)(笑) 經過七日黎既努力?!(但好似玩多過溫書...)終於用在一時。今日就係Merchan exam既大日子啦，萬歲。(有什麼值得高興?!)(汗")癈話唔多講啦，終於考完一科；超級高興，放自己半日假。(嘻嘻,又有值口俾自己唔溫書啦,wakaka)講返科exam，考個陣覺得自己答得好差架。但我已經做哂5題，每題都2、3版紙；要答既野都答哂，只係間唔中漏左一兩句。所以諗返都唔太差啦，只係高唔高分既問題姐。本來考完試去六樓scan個body架，但點知tracy又走左；佢又要等到2點要有得開始，所以決定下星先一考完試先再去scan個body啦。(唔知點解我好似好強調body呢個字)(奸笑ing)散band之後落mk買碟，w-inds.最新大碟Ageha入手啦。 "舖頭仔"個老闆好攪笑，無啦啦問我：點解你地今次咁緊張港版既?! 我：佢地唔想輸俾台灣嘛。 (而家諗返起,點解我係講佢地唔係講我地既?!)(汗")繼續... 老闆：係咪因為個show呀?! 我：唔係呀?!唔買港版都有得去老闆：咁冇得抽獎嘛。我：..... 其實我係佢舖頭苦惱左好耐，買台版好定買港版好。因為台版係初回+DVD啦，而港版係通常+1/7入場卷。最後都係買左港版，雖然1/7冇入場卷都得，但我買碟唔係因為隻DVD嘛，或者當支持一下港版吧。(其實我嫌佢加埋DVD個盒放起上黎唔整齊...)跟住都唔行街啦，未考完試+唔可以太放鬆。返到屋企即煲隻碟，成隻碟都OK。Lil' Crazy夠搶耳，全碟唯一一首慢歌gift成為我最愛，最唔鐘意就係13.時光機(器)，都唔知佢嗡乜。(基本上成隻碟都唔知佢嗡乜架啦....眾毆~~)唉呀，人家就係唔鐘意佢d曲風啦。(眾:無言中)之後就一直play到而家啦，溫書?!下，你講咩話....0岩0岩借左老爸隻耳啦...lalala。(下?!唔知我老爸係乜水?!咁諗下我姓乜先啦) 唉，QA再留返今晚先溫啦。(之後今晚又話到聽日先溫啦....到最後....不敢想像。) YEAH!YEAH!YEAH!w-inds.最高!! 其實港版應該係尋日出架?!但好似話日先開始賣。嘻嘻，就當係'豐華'送俾我既生日禮物先。(遲來的禮物!!wakakaka.....思覺得調中...) (眾人不用埋會......) 呀!!0岩0岩醒起架。上??回咪講到我(係"舖頭仔")訂左有里知花隻新曲+精選既，跟住頭先係佢間舖見到佢放左隻出黎。超開心呀，咁又可以令到更多人知道有里呢個人啦!!yeah~~令我更鐘意去舖頭仔買碟啦，而且個老闆又好人喎。係地庫個間，雖然係同一店；但我比較鐘意到2樓個間買，好多碟都係個到買呢!!(信和必浦點：舖頭仔/2F) -------------------------------- 12/6 天呀!!你殺左我啦。激死我啦，個file我下載左3個鐘。到最後1%，點知我禁錯制，成個file停左。唔知點解又冇得續存過，激死我啦。另一個file dl左1/3....hang機，冇埋。生日既人唔係好好彩架咩?!點解我咁黑仔架，而家又要等多2個鍾......天呀。5:10a.m 我而家想殺人呀!!又係我差唔多下載完既時候(應該仲有幾分鐘)，呢個file我再一次用左個幾鐘dl架啦。老媽子唔知點解無端端走出又唔知攪左d咩，"仆"一聲，成部電腦熄左，原來跳"feel屎"。之後佢又無端端咁走返入房繼續訓，我好肯定佢唔係夢遊。(佢有同我講野架)痴線架，個檔案我前前後後用左5個鐘下載。(係唔成功個隻)而家仲要等待多1小時35分......呢個究竟係咩世界呀?!6:20a.m 下載唔成功就走去訓了，話之佢。咁訓到咁上下就起身，約菠菜去街D野。5點幾出門口，出到去6點零阿柴放工就一齊去沙田行街。之後又去影下相咁，我地擺D核突PO屎俾人笑呀。(哭)行多陣就去味千排隊食lunch，沙田間味千係兩年前我生日開架!!(笑)食到咁上下阿媽奪命追魂call，叫我返去食蛋糕。咁我地8點幾食完影埋貼紙相就返屋企啦，本來諗住行宜家傢俬完架嘛。返到屋企樓下阿媽又急call啦，返到去一開門阿媽係到唱生日歌。笑到我死，佢好似係到耍白痴。(給ma子痛毆~~)佢地買左個楊枝甘露蛋糕，不過我覺得有d漏姐。食完咪影下相咁，之後就睇電視。bama都去訓覺lu，咁樣我既19才生日咁呀過左啦。 -------------------------------- 11/12 尋晚十二點幾終於等到嘉欣仔online啦，咪問佢QA範圍D野囉。(明明打電話可以問,但自己又懶打‧口‧)但ICQ傾真係好唔方便，咁佢點零到打黎一齊研究研究。點知我地傾下傾下咁呀4點(a.m)啦，估唔到我地都有咁多野可以吹水。(笑)之後就去訓覺啦，但可能近排壓力大一濟。訓唔著。(哭)應該到6點到先迷迷糊糊訓著左，點知七點幾老媽子吵醒我問我去唔去大嶼山睇大彿喎?!都痴線架!!xyz@#$%(因為表姐係大陸出大黎,佢請左兩日假陪佢去玩)之後今日訓到12點幾，起身食左d野、溫左陣書，又訓過。(笑)我決定放自己一日假，近排太勤力溫書啦。得閒就放鬆下自己，我覺得讀cita仲辛苦過考會考；考會考個陣我仲有心情/時間去玩the sim，而家連睇電視都覺得奢侈哩。不過總算溫哂merchan要考個5題先，至於QA同Marketing就慢慢來啦。近排成日都講考試，講下第二樣先。今日係我十八歲既最後一日啦，但完全唔覺得自己大過左。嘻嘻，唔知會收到咩禮物呢?!不過眾友人(指明菠菜同阿柴)：千祈唔好送"t"字頭既禮物俾我呀。(感激~~)過左生日，即係已經過左差唔多大半年。好想快d到下年呀。因為傳聞媽子密謀裝修過間屋，係呀快呀，而家三姊妹迫埋一間豆腐潤咁大間既房仔到，真係慘無人道呀！(要間返間大房俾我呀，媽子。)係呀!!今日媽子睇完大彿返先好笑，以下對話：媽子無啦啦同我講：聽日同你去海洋公園。我：痴線，我要溫書呀。媽子：車，我同你老豆去。反正佢唔駛錢。我：我老豆咪即係你老公。=口=" 近排老媽子真係好好笑，前幾日又無啦啦同我講：你生日買個蛋糕俾你囉。我心諗：十年(真係十年)都冇買過蛋糕俾我，你攪咩呀?!完全呆左。你折現俾我仲好，蛋糕我曉自己買。(年年都係自己買架啦) -------------------------------- 10/6 而家比死仲難受，等死的日子是最難挨的。我零願你一劍桶死我仲好，好過而家慢慢等d血流乾先死。唔知我講咩?!翻譯一下先。而家study week，星期二先第一科考試。家陣溫書溫到就黎痴線啦，咁多日黎我只係溫好四題。(仲要係溫左=冇溫個隻)快快脆脆考完咪好囉，呢段日子真係好難挨。迫住自己唔可以打機、唔可以玩電腦、唔可以睇咁多電視；要遲睡、要早起、要溫書。但次次我都係溫溫下跑左去打機、睇電視、打瞌睡，所以冇一題係完完整整咁溫架。(咪攪到溫左=冇溫囉)篇篇係呢個時候我有好多野想做，想改版、想行街、想唱k、想去台灣。其實阿姐問過我1/7去唔去台灣架，但咁0岩1/7豐華難得有function。真係好想去哩...所以...台灣，我地有緣再會。而家覺得，家陣我有時間打下日記、睇下電視、玩下電腦，真係一件好奢侈既事。總共要溫14題，每題"起碼"兩三版紙，而家先溫得四題，你乾脆殺了我吧。20號先考完，20號呀20號，你幾時先到架?! 仲有，考完試我一定要改版!!咁快又3週年啦，真係要賀賀佢。 -------------------------------- 8/6 好似冇乜點打過日記，咁就6月啦。呢兩星期我諗唔會打日記架啦，我要同我既final exam博殺。(但仍然好懶咁成日打機)所以啦，我要考好d成績!!fighting...fighting...(又有值口唔打日記了,wakakaka) -------------------------------- 2/6 今日考oral......有好多好多野想講，都係一切等考完試先講啦。