Hi！我叫Boogie呀！你地覺得我靚唔靚女呢？我俾自己九十分架！個個人見到我都讚我靚既！我雖然靚不過家姐就成日話我倀雞同刁蠻，咁我都認架！我當自己係家中既小公主咁架！家姐叫我擔報紙我都唔騷佢既，點解？梗係啦！你地幾時見過公主要做d咁粗重既工作先！我又好貪靚既，家姐一同我梳毛我就唔郁架啦，佢同我梳完毛讚下我靚我就好開心架啦！我又好鍾意蝦我細佬既！我一見到佢扲玩具挽我就走去搶，佢又次次都唔夠我爭個喎！唉~~~都唔明佢既！又大隻過我，又高過我咁多咁都唔夠我黎，真係無鬼用架！

話d野你知丫！我兩年前有一日無端端對後腳癱左呀！嚇到家姐死呀！佢同我睇過幾個獸醫，但都唔知我點解會咁！俾我食既葯又無乜效，我果時好唔開心架！見到細佬同亞媽可以周屋走，自己又唔得所以好忟憎，果時家姐晚晚半夜起身同我按摩對後腳，抱我去廁所，又諗辦法教我學行路，經過兩個多月既艱辛日子，我終於可以行得番啦！真係好開心呀！