故事摘要
Candy、Karena、梁Wing、Jean、Leo、美顏寶，六人因一次機緣巧合遇上一年租約的超平荀盤，六人決定同住六樓后座。由housewarming
開始，六人開始將洋人小學才玩的遊戲true or dare 無限量延展下去。六人揚言說定下一個死線，一年後租約期滿，各人也要做到大家一年前定下的目標。後來六人自顧自的玩，忘記當初的約定。到最後兩個月，Karena
步向成功，自滿地向大家reconfirm 此約定，六人才在兩個月內將本是遊戲的事情變得既可怕又認真。原來要實行十個月前胸有成竹的願望居然難過登天。
前晚終於睇左我一直好想睇o既"六樓後座", 好多謝你地等埋我睇呢! 對於我黎講, 呢套戲o既原先o既吸引力係導演黃真真, 之前係雜誌睇到佢o既專訪, 我就已經被佢o既勇氣同毅力深深懾著. 因為一個普通女仔可以完全排除一般社會o既價值觀而堅持自己o既理想係一件唔容易o既事喔!
青春? 可幸我仲有些少, 可幸我曾經肆虐地燃燒過, 係戲o既中段, 就係佢地六人係天台"嬉水"個幕, 就曾經係我住宿舍o既活生生寫照, 當時大家滿有抱負, 但事隔多年, 好似剩低我同某某係度浮浮沉沉, 因為唔知從幾時開始我鍾意左荒唐,但同時又討厭荒唐後o既無助感和空虛感, 所以我選擇逃避; 不過同樣我都會勇於承擔, 就好似神婆一樣, 唔承擔好似對唔住自己呢!
日子就係咁過，我不介意哩! 我不要大道理, 只想簡簡單單, 開開心心活每一天便足夠, 起碼依家我慶幸自己仲有資格荒唐嘛! 如果要係生活上o既每一個細節都要認認真真, 我諗......我好早已經成為o左一個出色o既女督察, 哈! 想當年....我真係從來無悔放棄哩!
青春到底是什麼？
「青春是一塊方糖，有菱角，易碎，卻甜蜜。一個做什麼也快樂的日子，一個說什麼也誠實的歲月。
荒唐可笑，卻因為我們也曾經彼此經歷過。」
