為什麼港大學生無故成為學聯會員﹖

有人可能會話﹕我地係香港大學學生﹐加入香港大學學生會好正常嘛﹗

可以話係好正常﹐但係唔係正唔正常問題﹐係有無自由揀入唔入問題嘛﹗就算係好正常﹐我對學生會施政或者服務唔滿意﹐退會得唔得先﹖

都算啦﹗原來我地一踏入港大校門就“必然”成為港大學生會會員﹐而同時間你亦都會係唔知情情況之下成為埋學聯會員呀﹗即係「相重必然」﹗必然成為港大學生會會員之外﹐仲必然成為學聯會員﹗大家又知唔知道呢﹖而學生會幹事會競選選出的外務副會長﹐就會必然代表港大全體學生係學聯入面0既聲音啦~~

亦即係話學聯搞任何遊行﹐都代表埋我地全體毫不知情0既港大學生聲音啦﹗仲有呀﹐我地學費入面有一百蚊係學生會會費啦﹐而呢一百蚊入面﹐竟然會係同學唔知情情況底下﹐有六蚊係上繳學聯呀﹗你地又有無得揀呢﹖你地對學聯會章又有多少認識呢﹖學聯搞遊行方式你地又贊唔贊同呢﹖

呢D都係無用﹐我地廣大港大生無論知唔知學聯會章係乜﹐你都係無啦啦必然入會﹗你無論知定唔知學聯會章寫d乜﹐你都係佢地會員﹐就變相一定要遵守﹗你無論知支持定唔支持學聯遊行﹐你講乜都無用﹗學聯亦都唔會知會你﹐更加唔會諮詢我地意見﹗只有所謂學生會外務副會長﹐先可以代表我地﹐向學聯表達我地意願啦﹗

我比學聯六蚊﹐無啦啦做學聯會員﹐點知我地連發表意見機會都無﹐入0黎做乜呢﹖以下就係一位同學對我地毫不知情下加入學聯的不滿....

「我個人的態度是我們應該有權選擇是否成為學聯會員 
沒有理由在我們完全不知情的情況之下 
我們己經成為學聯的會員 
學聯不需要得到我們的同意而代我們作出某些我們不認同的行為 
學聯的組成普通學生完全沒有權參與 
我們在學生會的會費裡己包括了六元的學聯會費 
這算得是甚麼! 」

所以我真係想問下﹐就係就算我地必然成為學生會會員﹐我地有無權唔揀入學聯呢﹖學生會可唔可以唔上繳我0個六蚊上學聯呢﹖就算我入埋學聯﹐我地又可唔可以退會呢﹖同埋同學聯劃清界線呢﹖即係學聯抬紙棺材﹐用大聲公鬧到個差佬耳都聾﹐但係都唔代表埋我0既聲音呢﹖我地又有無權要求外務副會長搞公民投票﹐投下有無權唔入會﹐有無權退會﹐港大學生會仲加唔加入學聯﹐又或者至少問下我地贊唔贊成公民抗命呢種示威方式呢﹖

真係上現任學生會外務副秘書﹐或知情人士答答我呢個問題﹗

CK