為什麼港大需要CHECKER's FORCE?

或者大家對港大學生會無乜興趣﹐又或者對港大學生會搞D遊行無乜興趣﹐又或者根本唔知學生會幫到你D乜﹐但係你知唔知道﹐你由踏入香港大學第一刻﹐你就一定要做學生會會員呢﹖你地又知唔知道無論你地對學生會幾不滿﹐都係要年年比學生會會費100港元﹐仲係唔比你退會呢﹖

當學生會話要以公民抗命去遊行﹐有無問過你地意見呢﹖點解可以先斬後奏呢﹖相信你地都會有呢一個疑問﹖而你地有無諗過如果你係無得退會的自由呢﹖你地又知唔知學生會個網頁係可以長期唔UPDATE呢﹖又9/7/2001到而家都未UPDATE過﹐呢個學生會點解會無效率呢﹖而學生會網頁入面﹐你係完全唔知學生會今年的活動計劃﹐無YEAR PLAN﹖問幹事問題又次次都話就得就得﹐但係無件事呢﹖而普選評議員網頁同校園雙週網頁亦都係長期唔UPDATE呢﹖係呢個電腦年代﹐點解會如此呢﹖

而你地又有無發覺你地去Canteen食飯﹐無論你係咪學生會會員都係無優惠呢﹖你比一餐飯錢係同0個D上HKU晨運0既公公婆婆係一樣呢﹖

而你地又有無發覺你地去學生會合作社影印﹐竟然街外影印鋪都平過佢呢﹖而學生會合作社係徐朗星﹐你地係咪覺得要去係唔方便呢﹖

點解會係0甘﹖因為學生會根本係攏斷﹗收入完全係穩定﹗所謂的幹事會監察力不足﹗競選文化唔成熟﹐無政黨文化同多黨制文化選舉﹐根本對學生會毫無監察作用﹗

港大學生會需要一個監察力量﹗學生會需要一個意見領袖﹗學生會需要一個Checker!

所以要有CHECKER's FORCE!