30/07/05

今日的我在公司自我介紹時, 叫錯老板女個名, 全埸勁笑, 我覺瘀到不得了, 個老板要係咁笑, 搞到我鬼咁唔好意思, 我咪唯有叫佢唔好咁開心得唔得, 點知最後就永被我阿head 叫我以後唔好咁無大無細, 其實老板都無介意, 唉..

31/07/05

今日我好開心, 原因是我可以返海天閣返工, 有時有d嘢無比較, 真係唔知的. 我一直都認為我適合文職, 但我現在才覺得返飲食才開心. 而且, 收入及待遇都較好. 都唔知係大家習慣了我的無失, 還是我自己已不自覺地適應了這裡, 獨個兒地覺得自己屬於了這地方. 當我知道自己可能日漸離開時, 真的有點不捨. 這是我從未有過的感受. 講講下, 又好似以前某一天的日記搬回來添! 不過煩都要講多次, 我覺得這裡的同事普遍超級好人, 容忍力強, 又肯教人, 而且懂得照顧他人. 我好想好似佢哋咁同埋同佢哋繼續合作. 特別要再三多謝Frankie 同阿Ken, 自從係出面做嘢, 我先發現又做得嘢, 又寛厚待人, 又懂循循善誘的上司是得難得的.

今日返工真是很忙和很累, 但真的很開心, 而且晚上仲可以去宵夜, 個d翅好好食, d人好好玩, 雖然唔打得好多牌, 但同大家叫做有説有笑, 真係好愉快. 今晚有幸見到Ricky 太太, 唔知佢做咩工呢? 扮得好時尚, 好漂亮呀. 今夜, Tecky 可能有女友係身旁, 竟然飲到high high 地, 仲搶我電話! 好彩唔係我呀媽咋, 要不實嚇死佢呀. Marcus 原來好喜歡打馬吊的, 他一聽到有得打就肯去, 可惜ICE無去啦, 唔係可以易d打成一起. 咁佢以後工作都開心d.

01/08/05

今日好累(因琴日玩到好夜), 返工好悶, 個心玩到開晒, 唔想對住咁黑柀的工作, 同d人又唔熟, 好苦!我好想去玩呀.

02/08/05

今日的我有點唔正常, 但很快樂. 因為我竟然收工後玩至兩點先回家, 雖然以前都試過, 但通常都是第日假期才如是. 不過份工實在是太悶了, 要不我也不會盡情地玩. 今天工作的事就別提了, 只覺得我像啞了一样, 好辛苦呀! 講番今日的玩, 我睇了露宝冶的世界, 真的很神奇和好笑, 果然上次嗰個人無介紹錯. 不過食嘢嗰度就唔好了, 隔離張枱嗰個人成日望過來, 我把聲係唔好,又關佢咩事喎! 好彩後來食甜品嗰度唔錯, 仲有大腸食. 哈哈, 好嘢!!最後還去打了機, 好愉快的一天.

03/08/05

今日勁大呵欠, 有種像讀書時代, 想訓又唔可以訓的感覺, 好彩我老頂較為funny, 要不我真的睡著. 今日我second 阿head 話我打字慢, 佢請我時都知的, 現在才來話我, 又唔知中間有多少嘢要我做, 還要對數, 入formula..... 我想走路...我諗咁我會怏d 的 ^:~ 明日可以早走, 因老頂要我送貨, 好嘢. 我可以提早遠離工作間.

04/08/05

今日返工要出街送嘢, 但好過留係公司, 食了公司d產品, 也請了friend 食, 佢老細好好人呀俾我上去食, 咁我唔洗係公司人人做緊嘢係到食嘢. 不過, 我唔知把張單放了那裡, 可能要賠$, 成千蚊kar! 搞到我無晒心機上lcc, 之前已唔係好明, 加埋無心機, 今堂更加唔知講咩. 好灰呀.好累, 訓覺算.

05/08/05

我今日得知張單無唔見到, 都安心好多. 今日我阿姐同大老都係到, 我大老好辛苦呀, 因佢要全日留係公司(老頂強烈要求, 其實我大老真係唔錯, 至少佢有咩都講出來, 又照顧d細亦盡量教我嘢.(最少到現時為止是,當然唔夠Frankie 好啦^o*)不過,他做人太不整齊,搞到好多嘢好亂. 我阿姐也教的, 只是她要忙著處理我大老很亂的file, 又要做數同上級交代, 所以無暇理我. 不過, 我問佢都答的. 我大老份人比較會講, 又喜歡唱歌(所以全公司也很煩), 但亦因此在公司工作無咁悶. 但我阿姐就較為認真. 現在又想讀書, 可能只是escape 的心態, 我唔知, 但文職真的很悶, 但做武職又怕自己唔夠活躍及能言善變. 加上知識不足, 真怕自己做唔來也讀唔來.

06/08/05

今日我阿姐話佢知道張單係係佢到, 無唔見到. 總算鬆一口氣. 今天覺得自己好廢, 不過只要見到佢哋, 我就好似見到親人咁好舒服. 好自然

07/08/05

我今日好開心, 因我又見到我的"親人"了, 唔知點解我今日雖然好累好辛苦, 但感覺很開心很充實, 不過, 今日都炸到人, 我好唔好意思囉. 我好想幫到大家手呀, 多謝Gary 今日教點執嘢, 真係快d, 又穩陣d, 我好開心學懂一样嘢呀. 希望下個禮拜都好似今日咁能幫到手, 但最緊要不學今日咁炸人啦.亦多謝Frankie 同阿強.

08/08/05

今日返工, 我上司門去晒開會, 我在整理自己的工作枱及電腦folder, 然後我去了搬微波爐, 雖然大家都話我傻咁重都去搬, 但又可幫上司及同事, 又可早走, 我真的覺無所謂囉. 或者就如大家所講, 我蠢吧, 但我真的很不喜歡留係嗰喥囉. 我覺得係嗰喥好唔舒服, 能快d走就好啦.