^p^ A
Beautiful Week ^o^
09/08/05
我上司問我介唔介意加班, 我當然要話無問題, 不過就問佢可唔可以預早揚聲, 結果佢話約我明天加班, 但今日我都自動加到7:30pm. 好開心係ICQ見到咁多friend, 每個都傾咗一陣.原本是有得去食甜品的, 但因天雨的關係, 最後都除消了, 而我也去睡覺算了.
11/08/05
我今日加班加到9:45pm, 好累呀! 佢哋仲話以後都會係咁, 叫我努力啲. 不過晚上有甜品食, 好满足! 可惜無得玩對對碰, >_<
11/08/05
今日原本我在公司揾code, 言而因公司有嘢要拿, 所以我又出去了. 我去了food expot, 嗰喥好多人好多嘢睇, 不過始終都是工作, 我都唔好意逛太久. 係嗰喥叫啲人試食, 好似以前返工咁, 好開心. 加上買了好多零食俾公司的同事食, 返到公司佢哋都留了D sample 俾我, 好好飲. 明天要快手d啦, 好多嘢未做好, 不過部腦short short 哋, 都唔知點算好. 唔知明天要唔要加班呢. 好驚呀! 我好想去玩呀. 原本今個星期睇叮噹, 可惜都落空了.
12/08/05
今日又O 啦, O 到8點. 不過, 因為今日無咩人, 結果可以一邊聽MP3一邊做嘢, 感覺都唔錯. 好悶呀, 唔知我的選擇是對還是錯呢? 我真的能畢業嗎?
13/08/05
今日一早返工就被老細駡, 結果仲要加班. 還弄損手, 好唔高興. 我好想去food ｅｘｐｏ ar, 但無人陪我去, 跟著又無時間, 結果無得去, 又灰. 最後可能因前兩樣導致我沒有心機玩, 結果我做了一d令覺得好無禮貌及小氣的擧動, 有d內疚.
14/08/05
好傻呀, 以為一些根本無可能發生的嘢, 無次醒來都很不開心, 但次次都慢慢地發傻. 想想吓就以為真, 幾時可以大個呢? 只要把所有都視作說笑, 我想我會好點吧! 都唔知明天點算, 一個人食午餐, 好悶呀. 好累..好累...
15/08/05
好累呀, 對電腦對足10個鐘! 對眼好dry, 個人就散似的. 最後都是一個人午餐, 不過走去買外賣, 加埋打電俾幾個朋友, 時間就這樣過去了.
16/08/05
今日又得我一個對著部腦10 個鐘, 我就悶死啦! 好累, 唔知點解, 做極都做唔完, 已經日日八點走, 唉!好累呀!!!!!!!!
17/08/05
今日大老返咗來, 感覺無咁悶, 不過, 仍然是對部腦對足10個鐘, 好想揾人傾下, 但可以煩的人都俾我煩過, 唔好意思再講了, 好悶同累, 仲有點唔開心!!!!!!!!
18/08/05
今日又俾阿姐話, 話我做嘢慢, 再係咁份apprasial 俾我唔合格喎. 仲話我出緊糧, 咁样唔print 出來對, 仲浪費公司資源, 我覺得我概然都係要係電腦到改, 點解要做雙重工夫呢?! 唉, 佢一時又表現到好照顧我, 但好多時我覺佢又在"扇" 我. 都唔知佢幾時是好是唔好. 但見到佢哋咁亂, 我真係好想幫佢哋搞好d先走, 可惜我本身都是一個好亂的人. 我大老真係好funny, 不過份人就不修邊覆d, 唉, 都唔知幾時講好.
19/08/05
今日完本可以準時收工, 但我上頭話要做apprasial, 咁我就搞到7:00pm 先走, 結果塞車塞到8點幾近9點先返到家, 落滂沱大雨真煩, 累我撘多次車!
今日的apprasial 同過往一样, 俾阿姐話我動作慢, 最緊要係"同人相處" ! 好煩呀, 又係呢個問題. 仲有就係唔聴人講! 雖然係唔開心, 但佢都有d道理, 最不忿氣, 係佢話我唔尊重人, 特別係老細喎! 唉! 20/08/05 今日返工原本無嘢做, 但後來d工序排山倒海地來, 讓我透不過氣來. 然而, 我阿姐仲要講到為我好咁, 俾我早d 走喎, 查實我送到去都過咗我公作時間啦! 如果做得開心, 我唔會同佢計, 但佢成日表面好似好好人, 實際就有點差異. 我唔鐘意d人成日攞款, 對住d 唔識的人要扮好熟, 好累呀. 我今日仲要送嘢去一到不知名的地方. 今日唔開心, 因為個friend答應我去食甜品, 最後因為自己玩而唔來, 我以為今晚有宵夜食， 所以食得好少， 好肚餓呀．其實要是早ｄ知道， 一早話我知， 咁有時間安排， 現在個個返晒屋企， 我就餓著咁訓 21/08/05 今日係一處地方, 本應是開心的, 但因為自己的小氣, 所以弄得有點兒不快. 不過, 能夠去該地方, 對我而言已是不錯了. 或者學母親大人所講, 別人對你好不是必然的, 所以我都感覺可以好一點. 最後, 我的心情隨著食甜品而變得美好. 22/08/05 今日的工作一如過往, 然而, 因我的時間安排不妥善, 導致今日應完成的工作要到明日才可. 感激大老讓我盡早離開這裡, 還送東西給我. 對於我將來的行動, 我想只有對你有點不好意思吧, 雖然你笑過我, 但至今你都無駡我, 而且又教我嘢呢.我希望在我走前, 能盡快把事情做好. 23/08/05 今日的工作好悶, 我好唔開心, 我好想睇V仔, 但無人陪我睇, 我上個星期已好想好想睇戲, 但約人後, 又因大雨同時間關係睇唔到. 我覺得好悶呀! 我d朋友得閒的時間, 我唔得閒, 成日都不定時加斑, 連約人都唔敢, 好多嘢諗, 但都係負面, 同來來去去都係個d嘢, 都叫自己唔好諗, 但就係唔得. 唔知係唔係因為大個咗呢, 想揾人就下都咁難, 或者應學習一個人的活動會來得容易方便, 我諗咁就更適合我這種人吧. 今日的工作雖然唔累, 但另一樣嘢令我覺得好累. 