^p^ A Beautiful Week ^o^

20/12/2005

今晚同幾個同學去食飯, 好開心, 原本是食buffet的,後來改了, 有d唔開心囉, 但及後知道是因為同學仔唔舒服所以先change into set dinner, 咁我都覺得自己小氣了. 不過, 在這次飯宴中, 真的有估唔到的驚喜, 大家食甜品食得好開心, 又講番小時侯的經歷, 原來有好多相似的地方, 真的好興奮同回味. 安仔你講的花街朱古力一定要見人呀! Amy估唔到你都同我有同樣經歷! Catherine你的pocket money 好多呀(小時侯) 哈哈!! 好鐘意今日的一餐, 原來平常的一餐是這般有趣和愉悅的. 仲有大家有時間去朗豪坊吧, 個度有好多得意嘢睇呀!

21/12/2005

今日係旺角買了一對高跟鞋, 是用來返工的; 買了一對布鞋, 是想買了好久的高桐, 好開心! 仲要係我喜愛的密綠地. 而且有d花紋, 好喜歡. 之旦, 一諗到又洗咁多錢, 就好肉痛了. 今日去過灣仔間IVE還書, 真係好靚, 唔知幾時我哋間學校有呢?

22/12/2005

今朝起身, 無端白事唔開心, 理由......真的唔知道. 今年就過啦! 但我好覺得自己一點進步都冇. 有兩份友誼係今年建立, 但一個因為自己發傻, 已經消逝; 一個又因為自己性格問題, 開始疏離. 其實, 有一個朋友同我講過, 要學習一個人, 而我由細到大都學緊. 但係, 佢又明唔明唔係佢可以的時候, 其他人都同時可以嫁. 或者就如我另一個朋友所講, 友誼就是建立在利用上吧. 當佢覺得唔需要的時候, 一個好朋友就應該適時彈開, 請勿打擾. 我真希望,我不再因為任何朋友而感到不快．好辛苦呀！應該點做先可以令自己同別人都快樂呀？！

今日原本是為了買聖誕禮物而出街, 但因為唔小心打破東西, 結果要賠償, 用了我半日人工呀! 好肉痛! 我終於明白呢個世界係冇便宜的, 我昨日因為個售貨員收錯錢, 就對鞋便宜咗, 今日sogo discount, 個袋便宜咗, 最後郤因為唔小心, 而賠了百幾蚊. 或者呢d 就叫報應, 又叫應有此報吧.

23/12/2005

今日好開心, 因睇到HarryPotter, 又影到燈色, 雖然是不多, 但已好滿足了. 更重要是能同好久不見的朋友聚會, 多謝tina 病了仍參予, 令大家都盡興而返; 多謝Frankie 的提議(交換present)及提點(buy ticket in advance), 令是次活動得以成功舉行; 多謝阿逹提供專業攝影以及歐洲旅遊的相, 令我們今次的活動生色不少; 多謝Lena 參予聚會以及樂於交換禮物, 令這次活動完滿結束. 我知道大家明天都要一早返工, 因此很感激今日所有成員能玩至咁夜, 令整個計劃得以大部份完成. 我真的很愉快. thank you all of my friend. Merry Christmas!!

24/12/2005

返工, 夜晚攞假行街食飯. 好迫, 好多人.

25/12/2005

返工again, 其實一直都好開心, 但收工時, 因有個同事一聲不晌地走了, 我覺得有種被騙的感覺. 好唔開心! 加上阿強好唔尊重我, 要我返, 又唔直接同我講, 結果發晒脾氣(又來了), 想揾個fd發洩, 佢又有嘢唔開心, 結果係我聽佢講. 好彩揾到另一個fd出來宵夜, 但我足足等咗佢兩個鐘囉, 結果我又屈咗佢請lu, 真唔好意思......其實隔咗成兩個鐘, 我已冇咁嬲, 只是既然約咗出來俾我講, 我咪發洩下囉. 但個晚有d唔開心, 因為想食的食物冇, 想玩的game 冇, 想買的cd冇poster 送. 唉!可能係個天punish me 又亂發脾氣啦!

26/12/2005

媽咪送咗小魔星毛揓鞋, 好開心呀, 因為我冇諗過佢會買的加上我都未見過. 不過, 我真的不捨得穿, 只好又作一件擺設.今晚, 幸得朋友的哥哥肯拿影相機來, 故可往聖誕小鎮照相, 好開心啊! 還買了薑餅公仔, 開心again. 不過, 今日原想揾個友人傾計, 但佢冇聽電話是唯一美中不足.

27-28/12/2005

今日原本係plan 温書的, 但......算啦, 一陣間繼續. 今日收到我第二份禮物, 雖然份禮物都是我喜歡的, 但人總是貪心吧! 不過又因為今日收到禮物, 我先記起我忘記把我的第一份記下哦! 對不起呀!Chris, 我竟然咁開心的事都唔記得mark 下, 只記唔開心的嘢. 多謝你份gift, 我真的很喜歡, 但我真的捨不得用個銀包呀! 點算好呢! 唉......

29/12/2005

今日真的好開心, 因我可睇到我想睇已久的movie. 多謝阿鴻& Tracy, 不過, 因為咁, 阿鴻可能要被大家取笑一排, sorry ar.我真的只是想多d人玩開心d, 冇諗過咁o架(又唔經大腦了) 另外, 今晚唱得成k真的很愉快, 多謝阿傑, angel, wendy, tecky, jacky & tracy. 我真的未試過唱k 玩到咁癲o架. 除咗死人頭tecky! 我一定記住你......!第一次飲到有d想嘔的感覺, 不過好彩, 最後都冇. 好玩&開心的一天.^o^

30/12/2005

温書