香港愛護動物協會

香港愛護動物協會 = 香港虐殺動物協會

(有錢有得醫無錢就等死)

以下是本人的真實個案, 望大家日後要認真考慮是不是不要再捐錢及送小動物到這

裡了........

大約兩個月前, 我在公司附近的天橋底下發現一隻可憐的啡色唐狗, 之後的每天早

上我都會買東西給牠吃, 並取名為"菠蘿包". 但"菠蘿包"對人類極不信任, 我每次拿食

物給牠牠都是很害怕的走開.........過了一個星期, 牠開始不再害怕我, 而我亦十分希望

終有一日我能摸摸牠的頭, 給牠一點關心.........由於香港的有心人眾多, 漸漸有更多好心

市民餵食物給牠.......

但好景不常, 2003年7月12日上午10:30,左右, 當時我正在上班, 突然接到我男友的電

話, 表示看見"菠蘿包"被一輛的士撞傷, 而且更在馬路上痛苦的呻吟, 後來有警員接

報到場, 並召了香港虐殺動物協會(香港愛護動物協會)的車來把牠接走, "菠蘿包"的表

情非常痛苦, 傷口流血, 明顯是骨折. (一眼都看得出是骨折)

同日下午3:30左右(放工後), 我與男友專程到香港虐殺動物協會(香港愛護動物協會)

查詢, 並表示我們希望收養"菠蘿包" (我一向都有養狗的), 該職員叫我稍等, 並稱會叫

醫生與我傾, 我們等了15分鐘左右, 一名職員(我相信不是醫生, 最多只是護士)與我們

講述"菠蘿包"的情況, 以下是我們的對話:

SPCA : 你係唔係想領養果隻狗?

我 : 係呀! 佢而家點呀?

SPCA : 佢住係天橋底架wo.

我 : 我知呀!

SPCA : 拿, 佢受傷既情況都幾嚴重, 佢隻後腳就斷左 (我想:鬼唔知咩), 另外D腳有

無事, 同埋D內臟有無受傷呢, 就要等醫生幫佢照X-光同埋CHECK下先知

(我想:即係返來咁多個鍾都無睇到佢既情況)

我 : ............

SPCA : 但係如果你想收養佢呢, 佢既醫藥費你就要全部負責返, 以佢既傷勢呢, 你

最少都要預5000蚊以上....因為佢要照X-光, 做手術駁腳同埋睇下D內臟有

無受傷.........如果明早之前沒有人領養或者認領我地就會將佢人道毀滅

(我想: 即是如果我而家俾錢, 佢地先至會同佢檢查啦, 我俾左錢佢地

先至會同佢照X-RAY, 俾左錢先會同佢檢查啦, 如果無人俾錢佢明早就

要人道毀滅, 又即係"菠蘿包"去左SPCA咁耐都只係痛苦地等!!!!!!!!)

我 : .......... (無出聲, 而且雙眼通紅)

SPCA : .......... 既然係負擔唔起D醫藥費, 而佢又係辛苦既, 咁不如等佢就咁去啦.....

(我想 : 即是如果我負擔到D醫藥費佢就唔使去啦?)

我 : 即係明早之前無人認領佢佢就要人道毀滅? (我已忍唔住係喊住講既)

SPCA : 係呀........ (之後佢就行返入去, 繼續同佢D同事係度HE HE HA HA)

我覺得佢地呢D咁既做法真係好過份, 我都好明白有時生死有命, 之但係我覺得如果

"菠蘿包"真係傷得太嚴重, 你同我講"佢傷得太重了, 一定要人道毀滅" 我都可以理解,

但係, 係有人願意領養既情況下, 佢地都唔盡力搶救佢, 有錢俾就幫你醫, 無錢就要

人道毀滅!!!!!!! 而且D動物去到SPCA原來就只係丟係度等, 睇下有無人願意付出醫

藥費才救牠們, 就算有人想領養, 都要"未見官先打八十", 講真, 如果真係傷到無得醫,

為什麼又叫我"負擔"D醫藥費? 咁即係有得醫而佢地又唔醫啦?! 簡直冷血..................

現在是7月13日8:30am, 我好唔開心, 好心痛, 因為可憐既"菠蘿包"正準備走完牠最後

的一段路............... (仲有, 我發誓我以後唔捐錢, 唔參加佢任何活動, 唔會再加入佢

既會員, 收到佢地D信會即係燒左佢........)