小魔怪仔集

小魔怪仔集~!~

此頁目的純粹想分享一下小魔怪仔對一d人,事,人生觀既睇法

如果對內容有共嗚或有唔同意見就發表下啦 ~!~

~?~討論區你/妳

可以發表下你/妳既睇法架!!~!~

題目	內容
<< 缺憾美 >>	我終於明白,原來每一件事都會有缺憾,唔會完美...就好似死亡,我諗死亡都係人生一個幾大既缺憾,但係當明白死亡係令世界注入新資源,令世界進步...咁呢個缺憾都有佢美麗既一面....呢d唔知係咪就叫<< 缺憾美 >>呢?? 另外,一件事要有缺憾先會令到人對一件事難忘,深刻,回味............... 雖然缺憾會令到人唔開心,但係嘗試去搵出佢美麗既一面,你/妳會開心好多同埋會容易d接納呢個缺憾...... 小魔怪仔正係度搵緊另一面既美麗世界.........
<< 位置 >>	今日0係條街忽然見到個奇景,其實沒咩特別,不過諗真一層就真係幾搞笑.有個人拖住隻狗,但係我見到其實係隻狗搶住走,拖番個人轉頭.咁夠竟係人拖狗,定狗拖人呢??其實好多人自己都唔知自己個位置係咩,因而迷失左自己既原則同目標.就好似0個個人一心要控制隻狗,佢個位置應該係主人,但係不知不覺俾隻狗控制番自己一樣,已經迷失左自我同原則矣!!.........
<< 經歷 >>	我卒之明白D長輩話 : <你/妳未經歷過某一D事,係唔會明白>.就好似我一直以為一個花心既人,係唔可以一心一意去鐘意一個人,但係原來事實係另一回事...當呢個花心既人遇上佢真心深愛既對像,就會由一個花心既人變成一個專一既人,就算發生一D全世界都認為荒謬既事,呢個人都願意為對方付出..... (有好多野原來真係要經歷過先會體驗得到!!)~!~ 而家你/妳可能會有好多你/妳認為沒可能發生既事,但當發生既時候,希望你/妳有勇氣去承擔!!
<< 回報 >>	呢個世界究竟係咪一加一等如一呢?? 我既睇法就係對死物既付出就會有一加一等如一既答案出現! 我以結他為例, 你/妳對佢付出幾多, 就會得到幾多應得既技術!! 但係人與人之間, 就永遠唔會出現咁單純既方程式!!! 因為人類唔係死物, 而係一種識得咩野叫做自私既動物!!!
<自以為是>	我而家做SALES呢行先睇到有好多人, 人地sales佢既時候, 就諗住人地係度呃緊佢.... 例如有個客買一部電話, 我同佢講呢部電話"插尾charge電"好易燒機, 有好多人就會自以為係聰明...話我係為左sale野先咁講, 如果呢個唔係事實, 人地又點會講呢!!! 卒之返到去, 一個唔好彩, 燒左部機, 就話人地d貨cheap! 其實自己應該反省下, 自己0係買呢部電話0個時, 究竟有沒認真去諗過人地講既野呢??人地係專業既, 會唔會真係亂講黎sale呢??? 而呢個人得到呢個結果既真正原因......就係佢"自以為是"之過!!!!