靚爆鏡牆紙
我係一個非常鐘意貓o既人，有好多網友都以為在下係個女仔，我真係好唔明，男o既唔可以鐘意貓嫁咩！？擺明係性別歧視姐！D貓得意得咁緊要，我諗應該有大把人鐘意至o岩嫁！？
雖然我從來無o係屋企無養貓，不過我同貓咪都經常有相處o既機會，因為我阿嫲屋企有養嘛…我由細細過開始已經成日同佢地成日玩嫁！我最鐘意就係將佢地攬到實一實，軟綿綿咁，好鬼舒服嫁！另外呢，擰枝逗貓棒同佢地玩都好鬼過癮，佢地笨下笨下咁樣好吸引呢！
最正係有時佢地見你坐o係度無野做，會就走上你身度撒嬌，o係呢個時候o既貓咪就最可愛喇！你點樣摸佢地都唔會發惡o既呢，錫下佢都得呀！喵∼喵∼ ＞ｏ︿ｏ＜
不過當見到佢地周圍抓爛晒D傢俬就認真頭痛喇…仲有間唔中四圍疴屎疴尿，會唔會當我自己養一隻果時都教佢唔掂呢？但無論如何，我第日一定要自己養返隻貓貓！我只需要養一隻家貓就已經好心滿意足咯，國產貨的貓貓比果D名貴波斯貓、長毛貓還要可愛呢！
下面有D我收隻o既牆紙，希望大家鐘意啦！？有乜愛貓之人有好得意o既貓相，可唔可以Send俾我呢？
