1月
1月20日 19 X Meeting||||||||||| |
琴日係1月19日~係我第一次見到咁多x
fan~真係好開心呀~!!仲收左好多生日禮物tim呀~!!^^ 朝早10點半就係大埔火車站等andy同俊果2個傻仔....哈哈~~佢地好高同好搞笑架!!佢地講一句野我就笑~..搞到我都傻埋~哈哈~!!then我地早左半個鐘去到沙田~~都唔知邊個約早左呢俊....~~~ 之後三姑同影都到左~好開心~~then又去左中環~~meet亞星啦manwai啦deep啦jo.....一行11人~~ 之後去左m記食lunch啦~食左千層藍莓新地~仲有薯條...影仲猛用薯條整月杯雪糕...搞到雪糕都咸哂....三姑仲派禮物tim呀~~呵呵~三姑送既係秀月~係hide stf doll黎架~大心*w*~~!! 仲有送左Lego俾andy同俊~ 相~ 仲有星同deepdeep送既座台結他仔~星竟然記得月講過鍾意呢隻色~~>0<好感動.... 仲有manwai整左個好靚既"hide"俾月~一睇就知整得好辛苦~~多謝你地!!! 之後食完野~就去左接蔚~再之後~影左幾張相~影就話要走啦~去學車喎~~~!!哼!! 又之後去左搭船船啦~又影左d相相啦~~之後行街街啦~就係咁就過左好開心既一日啦~!!^^ 月既頸巾好香呢~~^^因為和manwai她們入了卓悅噴yoshiki的香水~~^^秀月都好香哦~~ *22號就是月喜歡hide一週年了!!!!!*如果興祝呢?!!︿︿ 星期五約左ANDY呢~~~不過要穿校服...怪 |
1月17日 呀~!!><~考完試啦今日!! |
今日終於考完試啦~考得真係好辛苦呀~雖然月都唔係點讀書~但係都有一種無形既壓力...我諗即係識講唔識做啦...哈哈~ 完左今日既bio試後..就同ling行路返屋企啦~我仲同佢講左我既dream~我既感覺~佢話會支持我架~所以佢真係我既好朋友~識到佢真係我既幸福黎架~^^ 今日hide送左份生日禮物俾我呀~!!份禮物係咁既~ 放學後同ling一齊行啦~行到咁上下~有一條分差路~係另一條路突然有個blue hair既男仔[我唔知佢年紀幾大架]行出黎~佢既頭髮真係好靚架~!!! 佢拎住一大袋野~真係好大架!!heee....仲有佢著既係皮褸皮褲皮袋仲有一對唔小得既punk鞋呀~ 我地係行同一條路行既~呵~咁我地一定要跟佢尾行架啦~沿途有好多人望佢呀~[令我覺得香港好落後]有個 o靚仔仲啤佢tim~真係唔係好頂得順...如果係亞婆都話丫.... 跟住佢行左上新達廣場~我同ling都要行架啦~咁就又係跟住佢尾啦~可能佢真係太出眾啦~真係好多人望~!!吾...跟住我就"喂"佢呀~[我呢排覺得自己好勁架唔知點解..]佢第一句好似係話"嚇親我.."哈哈~~~佢好搞笑~我又問佢係唔係鍾意visual架咁果d啦~佢話係呀~!!果然不出我所料!!><!!佢又問我鍾意邊個~我緊係話"hide"啦~!!!^^原來佢都係呀!!~之後我地又講左幾句啦..我就留左我個e.cat俾佢~[佢個頭真係好靚!!!] 之後佢拎左個銀包出黎~俾我睇張相~張相係有隻好靚既雪狼犬~應該係架啦~but再睇真d~原來雪狼犬後面有hide既yellow heart呀~真係好正!!!不過係細既~都要2000幾呀~~佢真係有錢~~><~ 唔知佢幾時send e cat俾我呢~?!^^ 生日果日同左家人去食tea puff~唉~我又食左我最鍾意既麵包布甸!!!!!!!真真真係好好食~~~!!以我所知香港淨係果度有得食~所以去親果度我都好開心架~~~^^ 亞媽又買左冷俾我~係好靚既毛巾冷~今次織左4.5日先織完~不過真係好warm好靚架~ |
1月10日 考緊試既月 |
唔知係唔係勤力得濟呢~好怕考試呀而家~日日都唔想返學呀…好彩聽日唔洗考姐…如果唔係真係精神分裂 7號果晚上左人生第一堂結他班~社區中心果d班成係好平呀~哈哈~~教得都幾好呀~~至小d人好白痴呀~~d男仔完全唔講野~~一係講野果個就勁樣……好彩有個女仔陪下姐~亞sir又成日講埋d唔好笑既笑話~我又見d人唔笑~哈哈~~~><~咁我咪笑囉~哈哈~~成班(6個人)我最活躍~好似白痴的… 不過亞sir讚我彈得好喎…呵呵~~><~!! mm同佢傾完icq~傾得好開心!! d fd叫我唔好因愛成恨喎~我諗我暫時唔會既~~ |
1月3日 2003年第一日反學… |
第一日反學好唔慣呀…完全係唔開心囉~~同平時好唔同呀…不過同學冇變,老師冇變學校都冇變…變既只係我… 好啦~~~!!要提起精神~!! 星期一就要考試啦!!考好d~~要五科及格~~~~~~!!><!! |
1月1日 係唔係叫元旦呀… |
今日留係屋企溫書……月竟然會溫書呀…我諗月要加油讀書先得啦~~因為又係新既一年啦嘛~~ 希望個個人都會開開心心咁過迎既一年啦~~ 今日好似冇咩講tim~!! 我愛hide!! |