funz後感想...
2002年7月27日(黑沙)
雖然我好鍾意ekids~但係由於我住係澳門既關係~佢地公開式黎左兩次,我就係咁出左兩次咁多~第一次既就係2002年7月27號~(個時讀緊下令班既),我同幾個fd去黑沙睇ekids~個時有少少雨~但係我地就等左一陣~我仲見到有個女仔舉住banner(呢個就係而家既蚊芝啦,個時仲未識佢)~ekids一唱完歌佢地就走去搵ekids~我聽到d人話佢有冇搞錯喎~?但係我就唔係好覺囉,因為我知道佢呢d先叫做勁愛ekids呀嘛~過左一陣我去左後台,仲影左3筒非林..但有d係我個fd(阿婷)係佢地未表演之前影既~個時係10個人都冇嫁~佢地仲坐住係帳蓬入面既~佢地見到阿婷好似傻左咁狂影相~tommy就做左個v字手勢~哈哈~好鬼得意嫁既~跟住阿倫就伸左個頭出黎~超好笑呀~阿tim就好似成日望住個鏡頭~有個工作人員遮住左~佢都係望住喎~呵呵呵...個時佢地出左黎~同我地簽名~好開心呀~又同我地傾計~成班女仔湧哂上去~但係d男仔就企係下面用好羨慕既眼光望住佢地~嘻嘻...記得tommy問左我地一個問題..."暑假想去邊度玩呀?"跟住我地話去佢屋企~哈哈哈...呢個funz係開心個第二個funz既...
2003年4月22日(工人球場)
呢個funz就係我入左馬騮團既~個時我同阿婷六點幾已經到左~個時係有位嫁~但係我地就冇入到去~因為入面好多大人呀~所以就企~個時好似淨係得我地兩個fans到左~個主持話一陣ekids會黎~我地開心到跳呀!唔知點解~跟住佢又話有冇佢地d fans~跟住我同阿婷~係度狂揮手~哈哈~好似傻左咁~同時間又等緊蚊芝佢地喎~跳到我腳軟都未黎~哈哈哈~過左一陣佢地黎左~又見到細孖黎左呀~好開心呀~呵..佢地5個特登由香港黎支持ekids~但係ekids10點幾先黎~足足企左5個鐘頭~不過係值得既~追車既時候~好混亂~見到成堆人(有d唔係ekids既fans)係後面跑過黎~有d仲仆親~但係就搞到我兩隻;腳都損哂~差唔多行唔到咁呀~><~慘慘~呢次因為係夜晚~佢地趕住走~但係就11點幾先返到屋企~淨係蚊芝同小睡追到碼頭~仲同左ekids合照添~哈...一句講哂~支持蚊芝group~!
2003年6月28日(大三巴)
哈~咁呢次呢個我可能會打得大段d既~唔知點解~呵..因為會講哂成個簡短既過程~ 咁呢~我地Monkey club有d2點幾就到左~所以入埸個時係排第一既~坐都係坐最前~由個時一直排到8點3個字頭先入埸~攰到抽筋呀~入到埸就坐係度啦~第一個唱就係咩黃唔知咩勤啦~唱左3首歌~有d有佢遠道而黎既fans~咁我地d fans都係都嗌~佢過黎握手~我地又扯住佢唔放~跟住話咩佢有首新歌呀~問知唔知咩歌~跟住我地又話知喎~嘻嘻~佢話咩ekids fans都知?好彩juno fans冇話知啫~就住跳到ekids出埸~我地一齊大嗌~記得阿tim話"馬騮團"~然後請左3個人上台玩遊戲~有一個係我地個club既~tommy想搭住佢~但係我地班fans見到又大嗌喎~佢知咩事就即刻放手~好搞笑~我地成日都企左係身~其實係唔俾架~因為會阻到後面d人~但係超激動~見到前面仲跟埋ekids跳初哥添~呵..最後差唔多唱完個時~tommy諗住掉衫俾我地~佢係想掉落~我地monkey club架~但係佢掉錯左少少移左隔離juno d fans度~呀...我覺juno d fans好衰囉~踩阿倫個 banner呀~賤格啦~做完呢個show跟住追去碼頭~等左好多唔見人~所以我同個fd走先~因為隻腳又再一次整親~不過係值得既...
2003年7月3日(觀光塔記招)
咁其實呢次都唔知算唔算係一個function啦~其實只係一個記招黎架啫~個日我地遲左少少到~所以之前發生咩事都唔知啦~咁等啦..等到佢地開完記招~咁佢地出黎~咁梗係追去架啦~但係TOMMY因為某d原因黎唔到~同埋最記得阿tim叫我地俾心機讀書囉~呵呵呵...好型呀佢地~~
2003年8月1日(觀光塔採排)
呢日係ekids黎澳門觀光塔採排既..我地6點幾就起身換衫就去碼頭接船~等佢地出黎個時好開心..哈哈..佢地一出黎個個都係度嗌..但eo2出黎就冇乜反應..好似好樣衰咁喎~kaka..跟住即刻追車去觀光塔..本身同左阿倫合照嫁..但係..唔講咩原因啦..仲簽左名添..最記得tommy落車...跟住我俾個銀包入邊張相俾tommy睇..佢指住自己笑喎..哈哈..走個時佢喺車上邊..我又俾多次佢睇..佢又唔知做乜喺度笑~haha..最慘個日好曬..蚊芝話陪ekids一齊曬喎~出完呢個function之前好唔舒服呀但係..但係見到佢地都好開心~~^^~!!
2003年8月2日(觀光塔show)
而呢個係澳門高.sing.蹈既show..但今次我地ekids fans好次分散哂咁坐咁..企位~所以好鬼攰..我地已經好大聲咁嗌..但係ekids應該係聽唔到~最搞笑既tommy整左個碧咸頭..好似有d怪咁..嘻嘻..最樣衰就係俾個肥仔話tommy樣衰..好彩我都疾返佢..(疾佢咩唔講啦~^^)~hehe...10port~ekids!!~~^^~!!!
2003年8月16日(綜藝館)
呢日呢..就首先我地去左碼頭接左船..跟住就追車去友誼廣場..點知...個司機居然唔知係邊..
咁我地就叫佢?新麗華門口落車啦..點知.我見到佢地架車..見到阿倫個頭..跟住我地4個係度嗌..
哈哈..即刻落車..因為個時得我地4個..不過佢地係車上邊既..個3個fd就走左馬路出邊擒阿倫同
阿tim喎..kaka~我就企返行人路度..廢事啦..哈哈..個時車上邊又見到sky..個時好想叫阿健嫁..
不過廢事啦..ekids係度呀嘛..嘻嘻嘻..跟住講返最後尾..夜晚黎既..見到ekids同其他歌手上哂車想走..
跟住架車開左燈..tommy舉起佢打藍球wins左既大獎..個時我樹起手指公..tommy又學返我..佢又舉起..
kaka..我覺得tommy佢地會記得我個樣嫁..不過唔知個名?...哈哈..愈黎愈鍾意tommy呀...!
2003年8月23號(數碼通..)
好開心呀呢一日..我個日朝早7點幾起左身啦..跟住10幾去排隊.哈哈哈..勁曬呀唉..不過值得既..呵.
阿tim係本野寫左叫我努力讀書~我一定會既..跟住一簽完第一場即刻追的去第二場..又排過..哈..笑死我
~ekids認得我地..哈哈..阿tim話自己一般靚仔..我話:"你唔好咁謙啦~"keke..我覺得阿倫好有禮貌嫁..
佢簽完俾返我個時會講:"多謝你呀"~哈哈哈..跟住追去第三場個時呢~我去左廁所嘔..嘻嘻..最後尾個場最正..
tommy同阿倫又拖d人隻手~tommy仲要fing下fing下咁..kaka..阿tim就俾tommy撞親佢d牙..哈哈..好搞笑呀~後尾完場走人個時見到走廊有3舊好大既ekids個牌..個時我好想拎走唔知阿倫定阿tim嗰個嫁..哈哈..但係又驚唔俾喎..跟住就廢事所以冇拎到..點知出返黎個時..居然見到e-sixd人拎走左囉..總之個時拎啦..唉..哈..跟住係架的士等佢地架保姆車出黎..個時係架的士入邊好似傻左囉我覺..呵..個司機又會係咁鬼好人囉..kaka~跟住個司機出左黎唔知做乜個時..架保姆車就黎開走..哈..超激呀!!~我地係度嗌..-____-痴左總呀頂..我隔離黎條友嗌到丫..呵呵呵..跟住追到去個間葡國餐廳呢..係下邊等個囉..個時tommy望左落黎同我地hi..哇..得意到呀..哈哈..阿tim食完又訓~訓完食..嘻嘻..後尾佢地落到黎又即刻即車..個時追追下..見到bobby架的士~想死呀-__-就係因為佢地架的士阻q住哂..跟住好大力咁整左一下囉..跟住個司機好似好嬲咁..唏..唔理啦..去到碼頭見到佢地黎左lu~但係我都係驚到唔敢講野囉同佢地..成舊木咁..-.-悲哀..算啦..係囉..打左好多野唔打啦~
總之今日全程跟哂啦..kakakakkaaaaa~~
2003年11月22號(快子基綠揚新村..)
唉..等左咁耐~佢地終於又黎喇!呢個function既氣氛都幾好~ekids係最多人舉牌既~..tommy又再一次係台上邊講左"馬騮團"喇!不過阿倫真係唔識做~又講埋另外個group既名~><"嗌歌嗌到把聲都痛埋~好彩今次隻腳冇事~去到後台個度~直情係埋唔到去~= =又見到d同學喎..唉~~~~~~~~~~好想玩嗰個識彈既床呀!哈哈..不過好白痴囉!~原來澳門d的士係廢嫁..~咁耐先有~點解5人的都咁迫..差d迫死Mandy!嘻嘻..婷仔真係好~有得坐前邊~唔迫~但廢話就同平時一樣咁多~呵...去到碼頭個個都擒到嫁....>.<又唔幫我...鳴鳴!~唔打啦~~!唔知講乜~呀!係呀..真係好多謝一位人兄~呢個就係Andy啦~好慘~幫我地扲野..哈..!其實都唔算我地~係阿婷啫..扲左去又唔送俾阿倫~好彩我都送左個叮噹俾湯米..哈~12月又黎~
2004年1月17號(ｓｍarｔonｅ）
uｍｍ．．其實都唔知講咩好．．uｍm..去到sｍartone個時,俾我見到大細孖佢地喎,開頭tｏｎy又話佢地唔黎播,點知黎左，ｋaa，差ｄ認唔出大孖,＞<今次唔怕蝕，１２點幾先黎ｍe居然排第8,我前邊個d又會係7點幾黎囉..哈哈..!kaａ~我地打尖咁好似..跟住ekids黎左個時,mｅ最後嗌左聲tｏｍmy~好大聲..哈哈..全場都聽到!!kaａa．．笑屎~哈..!跟住落去跟左阿倫＞<想跟tｏｍｍｙ多ｄ囉，衰既~!kaａ∼阿倫個頭好細呀!ｈａａ~估唔到大孖無啦啦又幫我響名播，我同ｍａｎｄｙ都唔怕蝕∼走去同佢地影相∼難得係可以3個一齊影,唔知幾時有得攞呢..haａa~出返去∼唔知邊個幫阿婷遞電話播,呵呵..!又唔俾d ｃｋ傾∼衰的！第一場個場佢地iｓ開心的∼但第二場ｉs扮既>＜,睇得出睇得出~呵..mａｎdy正野~扲左咁多野~hａa,蚊芝都係..kａａａ∼人定tｏｍｍｙ叫我地團結d,冇人應佢咁..＞<可能佢地就係因為呢樣唔ｈaｐｉ..跟住又送唔到佢地船,過份=.=唔講了．．．＊
呢d funz後感想會陸續有黎~我每出左一個funz就會打返落黎呢度~~哈哈..因為我住係澳門所以出得唔多~但係我次次一定會出既~~呵呵..^^