目錄          

  歡迎黎到我既網頁!

我覺得，人有三種。好人，衰人同唔知好人定衰人。

往往，我地既朋友就包括以上既人。

好人。朋友係好人，你就會覺得個朋友會同你相處得好舒服。佢未必會係你最好既朋友，不過你通常都唔會唔同佢做朋友。好人，永遠都係比較直，感覺上十下十下。你會成日搵到佢笨，不過有時又會對佢好好。佢會係你有困難，就會幫你。不論係實質上定係精神上。而好人，係好難同佢發生朋友而外既感情。即使佢對你幾好，你都未必會選擇佢。因為，你會怕失去一個咁好人既朋友。

衰人。朋友係衰人，你一定唔好過。佢係會有事先搵你，無事唔見人個種。佢會煽你，例如走你數，煽動你同其他朋友間既感情，有時甚至會過橋抽板。亦會有係其他人面前奚落你，令你無地自容，亦會惡言相向。當你有事，你會係永遠搵佢唔到，亦會俾佢數你既不是。總知，你唔會同佢造得朋友太耐，視附佢幾時露出佢既真正面目。

唔知好人定衰人。朋友唔知好人定衰人，係最容易成為好朋友，甚至發展成為情侶。因為，你唔會知佢個腦點諗。佢可以對你好好，亦可以對你好衰。一時一樣。亦係咁，會有一種神秘感。人，係有感情既動物，對住咁既人，好易發生感情。因為你會想去征服佢，令佢成為你既好朋友，唔會再對你衰，甚至進一步，你唔介意佢對人一時好一時衰，只要佢對你好就得。咁樣，你就會變成鐘意佢啦。識得耐，你會開始忘記佢係一個咁既人，佢對你好個陣，你會覺得係必然，因為你地係朋友，不過都佢對你衰，你就會諗，係咪因此我做錯野呢？到你諗通，可能佢又會對翻你好。因此，同唔知好人定衰人做朋友，係一件好得意既事。不過如果你睇真下，就會發覺，你身邊既人，通常都會係唔知衰人定好人。

你呢？你又係邊種人？

唔知大家有無夢想同理想呢？我個人覺得夢想同理想係無乜分別。都係一樣，要用自己努力去爭取反黎既。不過，兩樣都係未必一定可以達到咁解。理想夢想，可以好遠大。可以係你一直都想要既野。不過，對於我黎講，我唔會特別話要做有錢人呀，開寶馬呀。只係好簡單。

知唔知乜野係平凡是福？

我好想日後生活簡簡單單。可能，你會話我無上進，不過，要睇你既標準去到邊度。我既理想，係有自己既物業，有自己既迷你Cooper，反朝九晚五。一個禮拜反五日半工。禮拜六日，同三五知己出黎食下飯，飲下酒。物業唔駛大，600呎就夠，月薪25000以上。有個感情穩定既女朋友仔。係咪好簡單呀？

你喜歡那一種？

我喜歡暗戀的感覺，明戀的態度，相戀的甜密。

暗戀，是很令人心醉，而又有點刺激的。只要你不被你暗戀的人知道。他不會說他不愛你。跟他一起，不論是傾電話，出街，食飯，只要是兩個人，都會覺得很甜。有時，一點點關心，一點點照顧，都會令你暗暗歡喜，甚至高興萬分。雖然，你會因為他不是你的男\女朋友而覺得有點失落，不過，往往高輕會來得容易一點。他不需要做甚麼，只要保持朋友關係，就很足夠。

明戀的態度，其實很簡單。當你愛上一個人，你會很想跟人說，高聲呼叫”我愛你”，可讓天下世人都知道你喜歡他，祝福你，恭喜你。那一種感覺，很有成功感。你會感到你很實在，同時亦不會介意他是否愛你，你，會一心一意對他，他不拒絕，就而足夠。

相戀的甜蜜。相信不用多說。當兩個人相戀，自自然，會很甜蜜。會為對方做多一點點，令自己變得有用一點點，令對方再愛自己多一點點。最大的付出，會是體諒，寬恕。因為你愛一個愛你的人，會為對方設想，會為對方生活得好一點。小至買小禮物，大至幫他收拾家裡的一切。一切一切，都會令生活完美，甜甜蜜蜜。就像是銀行裡的尊貴會員，可以獨嚮優惠。

我個人，好欣賞黃子華。

黃子華，其實真係好有才華。我唔欣賞佢做”男親女愛”，亦唔鐘意睇佢同張達明做雙打，甚至鬚根show。不過，我鐘意睇佢既棟篤笑。佢既棟篤笑好成功。只要你有睇過。佢係入面講既，並唔係一般既笑話，而係有政治性，啟發性既笑話。佢既笑話，有時你要聽完，諗過先識得笑。

我同大家分享下：

點解要帶金撈？唔帶金撈，有乜資格同人講，時間係寶貴？我既時間點值錢？拿，支時針圍住行一個圈，12個鐘，十幾皮野，即係為皮幾野個鐘。你一個鐘值幾錢？幾舊水？我點同你一齊食飯呀大佬，大家時間觀念都唔同。唔單止咁，有邊個用勞力搵食既人帶得起勞力仕？帶得勞力仕就代表佢唔駛用勞力!

覺得點？係咪覺得好諷刺？再黎：

其實睹馬係需要付出好多架。朝早要睇晨操夜晚要睇董標，又要同朋友分享讀書報告。你估我地讀得書小呀？你知唔知市面上有幾多本馬經呀？仲唔係話你睇得多就得架啦喎。香港既馬經，一場十幾隻馬，十幾隻馬都有人貼，你自己思想唔夠獨立，咁你就死啦。唔該，呢場每隻幫我落一伯蚊丫!希望中啦。好啦，夏天黎啦，抖暑啦，你估比d馬休息呀？係比我地休息呀。

又覺得點？我覺得佢好叻，好醒，佢係個種個腦轉得好快個種人。我最欣賞，係佢既出身。知唔知佢讀乜呀？佢讀哲學架。

佢亦令我明白，睇人唔可以睇表面。黃子華。我會話佢樣衰，不過內裡，一個字，絕!

錢係萬惡之首。朋友間既感情如果牽涉到錢，基本上，就等於你開始慢性毒害你自己同朋友間既友誼。因為，一講到錢，會變得好現實，無商量。就算係幾好既朋友都唔會例外。

因此，我自己對錢既態度，唔會好緊張，問我借過錢既人會明白。借錢，我自己有自己一套。首先，我要知道你借錢既原因。我認為合理既，就會同自己計數。我自己，可以幫到你幾多？我唔會話有一百借一百。我要先睇下自己有幾多，再計自己要用幾多，失去幾多都唔會影響我自己既生活。餘下個D，我會借。唔好話我現實，我無義務幫你。幫你，係因為你係我朋友，而我比得你，可能唔多， 不過一定係我可以付出既全部。因此，請別話我。

仲有，我唔鐘意追數，基本上，只要我唔係死到臨頭，我都唔會問你囉反。我會希望你自動自覺。我唔會記住你借我幾多，不過我會記住你問我借過。點解？好簡單，幫得一次，兩次，你都唔自動自覺，咁我借比你個D，買當買起你個人格。

我成日都話，你無得清，唔係問題，只要你同我講。我明白你既處景，就自然會睇諒你。我咪當將D錢放係間無利息既銀行囉。借得比你既，係我計過架麻，無你個筆，我唔會死。係咪？

朋友，有野，唔怕老實講既。