輝輝的comment on水水:
我同Walter唔經唔覺已經相識左兩年有多, 我同佢由陌生變為認識, 再由認識成為朋友, 係上年既2003年11月21日, 我地仲成為左" 是對青春小情人~" tim!
相處耐左, 必然會開始發現對方既缺點, 又或者愈來愈愛對方, 對對方既要求亦都愈黎愈高, 我好感動我男朋友將我每一個缺點都一一包容, 將我難頂既皮氣都一一吞下. 佢無時無刻都想令我開心, 但基於佢仍然係一個中7的學生, 能力有限, 所以只會係閒時整野比我食, 補充返一d我冇左既零食, 係別人眼中,可能會認為呢d只不過係一些微不足道, 十分鎖碎既事, 但過中既暖意同真心笑容只有我先感受到. 我知道佢無時無刻都好想買好多野送比我, tum我開心, 但係我心目中 , 無論幾昂貴既物質,幾高貴既一頓晚餐,都遠遠不及你親手整既意大利粉, 不及你真心為我買既5蚊馬豆糕, 所有既物質都不及你每一個笑容, 將來既野冇人會知, 但我會做好身邊每一個細節,希望5年後, 10年後,係我身邊陪我睇dvd, 整野比我食, 陪我渡過開心與唔開心日子果個都係你.. Walter..我知道就算全世界嫌棄我都唔緊要, 至少你會給我一個真心既笑容
水水的comment on輝輝:
Yo~呢個circle d人好多都好衰既...一係就淨係搵sex, 一係就好難搵到好傾既朋友!好好彩, 係兩年幾前, 有一次一大班member 既約會我都去左, 識左幾個好朋友, 輝輝梗係其中一個啦!但係都冇幾多個仲有keep contact, 而好開心, 我同輝輝係由朋友開始, 我諗咁樣可以比較keep得耐少少, 同埋對大家既了解都多少少啦!
當然~兩個人相處係好難架!!你又唔中意我著背心, 我又唔中意你同member去街!hee仲可能會因為呢d小事嗌交添!只不過,你諗下點解會嗌交?咪就係因為我地都緊張大家囉!你話係咪先?雖然有時大家都會為左d好小既野嗌交...但係我次次都知錯架..不過有時改唔到喳嘛..對唔住呀! 我知好多時嗌交既開火人係我!heehee
我有時好想為你做好多野, 好似買野比你,煮野食, massage, 接下你,etc, 唔係真係想tum你架!!唔好唔開心住..只係有時我都唔知點解想做呢d野, 但係見到你開心個樣, 我就會好開心了!你對住我笑, 就係我tum你開心既推動力了
雖然我地都分開過幾次, 有唔同既原因, 都有人叫我唔好等你咁..但係我唔知點解, 真係一d都冇諗過要同你分開呀!我淨係知我唔想同你分開, 我一路都好中意你, 冇少過架!不過梗係有時, 嗌交果陣咪會嬲嬲地囉!hee sorry!!不過你記住喇, 我真係唔會嬲得你好耐架!!最多一日架喳, 唔好唔tum我呀!!嗚!
有時我知我會比左好多壓力你, hee sorry呀!不過我會慢慢學下點做好d, 乖d架!唔好掉低我呀!而家呢個homepage就係我地而家既屋企, 唔知幾時先可以真係有個我地既屋企呢?要幾多年後呢?希望呢緊我al考得好,跟住我又可以幫下你,咁第日生活就唔使咁苦喇!
好多人都話拍緊拖講既野, 唔可以盡信, 但當然每一段感情入面都會有好多可能係假既sweet words & promises......但係我到而家都仲信架bor, 可能會有人話我中個頭落個屎坑到,話愛情唔可信咁~但係唔知點解, heee我知道我地得既~總之將來既野我地講少d, 而家做好d, 而家enjoy, 而家開心咪得囉! 係咪?