《愛是…》
by 紫雨
上回提要：筑紫搬去類家中住的事，無意間俾別人聽到，於是這消息便傳遍英德，全校師生都知道此事。唯司知道後，他的反應有點異常。
…………………………………………………………………………………………
~類家~
類：「但係真正能夠賦予我生命色彩既人唔係靜，而係另有其人。」
筑紫：「咁係邊個呀？」
類：「係你。」
筑紫：「我？！」
類：「在我認識你之前，除左F3同靜之外，我對其他人既事都無興趣。直至到你既出現，改變左我。每次在逃生樓梯見到你鍾意笑就笑、哭就哭的樣子，我真係好羨慕你可以將自己既情感，毫不掩飾地表露出黎。漸漸地我都俾你感染到，而家既我學識左表露自己既感情。筑紫，你就俾一次機會我去愛你、去保護你。」
筑紫：「類……」
類：「筑紫，我係真心想保護你架，唔知我有無咁既福份同你一齊呢？」
類說完後，便一手將筑紫擁入懷中，等待她的回應。
筑紫並沒有抗拒類的擁抱，還回抱著類，說：「類，其實我一早就已經想同你講清楚，但係一直都搵唔到機會。」
<筑紫，請你不要再拒絕我。>
<<類，我一定要向你表明心跡。>>
筑紫：「當你響函館同我表白之後，我都有諗過，究竟我對你既感情係朋友之間既友情，定係男女之間既愛情呢？最終，我都諗到個答案，其實我對你唔係無感覺架，只不過係我唔夠膽去面對，因為道明寺既關係，我對愛情已經失去左信心，我好驚如果我接受你、同你響埋一齊之後，而靜學姐又返黎搵你，你會唔理我呀，而我又會再一次受到傷害，所以我一直都唔夠膽同你講。」
類：「筑紫，我心入面除了你之外，再無法容納其他人，靜只不過係我一個好朋友，我同佢之間只係有姊弟既感情，絕無半點愛意。請你相信我，我對你係認真架，我一定會俾到幸福你。」
筑紫：「類。」
之後，筑紫只感到類兩片溫暖的唇瓣輕輕觸碰到自己的嘴唇。
<筑紫，我唔會再俾你及到傷害架，我一定會俾到幸福定你架。>
<<類，此刻我真係感到好幸福呀。>>
片刻之後，類感到懷中的可人兒正在哭，於是他便慢慢地放開她，緊張地問：「筑紫，你做乜喊呀？」
筑紫一副又哭又笑的臉說：「類，我感到好幸福、好開心呀。兜兜轉轉，我地又響埋一齊喇。」
類：「嗯，今次我一定會好好珍惜你。」
筑紫：「呀！我夠鐘去蛋糕店打工喇。」
類：「等我送你去。」
筑紫：「咁麻煩你喇。」
類：「喂，以我地而定既關係，你有需要咁客氣咩？」
筑紫吐了吐舌頭便說：「好喇，再唔走我就遲到喇。」
之後，類便駕車送筑紫去打工。
~蛋糕店~
類：「筑紫，你今日幾點放工呀？我黎接你丫。」
筑紫：「嗯，我放十點。」
類：「咁陣間見。」
類走後，優紀便問筑紫，說：「筑紫，你呢十幾日去左邊呀？你知唔知我好擔心你呀？」
筑紫：「對唔住呀要你咁擔心我，我去左北海道。」
之後，筑紫便將這十幾日內所發生過的事情，全都告訴了優紀。
優紀：「咁花澤類這十幾日都陪住你呀？」
筑紫：「係呀，佢仲同我一齊響一間旅館打工呀。」
優紀：「筑紫，人地花澤類堂堂一個大少爺，都肯紓尊降貴同你一齊打工，可想然之佢係幾咁重視你。嗯，恕我多口問句丫，你而家同花澤類係咩關係呀？」
筑紫甜絲絲的說：「我…我同類拍緊拖。」
優紀：「筑紫，你真係唔夠朋友呀，你同花澤類拖都唔同我講，要我自己問你，你先至同我講。」
筑紫：「優紀，其實我地都係剛剛開始咋。一返到黎，你就係咁問我野，我邊有時間同你講。」
老闆娘：「筑紫、優紀，唔好掛住傾計喇，快D做野啦。」
筑紫、優紀：「知道，老闆娘。」
筑紫：「老闆娘，多謝你無辭退我呀。」
老闆娘：「我看在你平時做野都幾勤力，而且優紀又話肯幫你做埋你既工作，咁我先唔辭退你。」
筑紫兩眼微紅地說：「優紀，多謝你呀。」
優紀：「我地係朋友黎架。」
《待續》
