《愛是…》
by 紫雨
< > 類心想 << >> 筑紫心想
<<< >>> 優紀心想
上回提要：類再次向筑紫表白，今次筑紫並沒有拒絕類，接受了他的愛。
…………………………………………………………………………………………
~蛋糕店~
筑紫很開心地說：「終於到十點喇。」
優紀：「筑紫，你做咩咁開心呀？以前放工既時候，你都無試過咁開心架。」
筑紫尷尬地說：「無咩特別呀，我…我只係…」
優紀：「哈哈，我唔玩你喇。我知道，你係因為類會黎接你放工，所以你先會咁開心，我講得對嗎？」
筑紫：「嗯…丫！優紀你玩我。」
優紀突然一臉嚴肅的說：「筑紫，你係咪真係放得低道明寺架？」
筑紫：「我話放得低就呃你既，但係我對佢既感情已經越來越淡，我相信時間係會沖淡一切的，而家我心目中覺得最重要既人係類。」
<<<筑紫，既然你已經搵到屬於你既幸福，咁我就走得安心喇。>>>
優紀：「筑紫，我祝你同花澤類幸福。」
筑紫：「優紀，你今日好似怪怪地咁既？」
優紀：「唔係呀，我係因為見到你終於搵到屬於你自己既幸福，而替你感到開心。」
<<<唔知屬於我既幸福又會幾時出現呢？>>>
筑紫看見優紀一副若有所思的表情，便問：「優紀，你而家仲係咪鍾意西門呀？」
優紀：「我係好鍾意佢，但係我知道我地係無可能架，所以我會將我對佢既心意，長埋於我既心底內。」
筑紫：「優紀……」
正當筑紫想繼續追問優紀的時候，類已經來到了蛋糕店的門外。
優紀為了避開筑紫的提問，所以便說：「筑紫，花澤類已經黎左喇，你快D返去啦。」
筑紫很不情願的說：「咁我走先喇。」
~蛋糕店門外~
筑紫：「你點解會咁準時黎接我架？」
類：「喂，我準時黎接你都唔得咩？」
說完之後，類裝出一副很委屈的樣子。
筑紫立即很緊張的說：「類，我唔係咁既意思。」
類看見筑紫的樣子，便笑了出來：「哈哈…筑紫，你個樣好好笑呀。」
筑紫這才意識到，剛才類是在耍她，她氣憤的說：「哼，我唔理你喇。」
類：「筑紫，對唔住呀﹐你唔好咁啦。」
筑紫：「要我原諒你都得，不過你要揹我行返去。」
類：「嗄？！呢度距離屋企好遠架。」
筑紫：「你唔揹我，咁你就唔好指意我原諒你。」
類：「好喇，我揹，誰叫我個女朋友這麼刁蠻任性呢。」
之後，類便揹著筑紫步行回家。一名外貌俊俏不凡的男生，背著一名樣貌娟秀的女子在鬧市中行走，當然會惹來不少旁人的注視，但他們都沒有理會，繼續享受著他們這一刻的浪漫。誰又會想到，這一幕竟然會被英德的學生見到，而且那學生又剛好有相機在手，所~以便拍下了他們的照片。
~優紀家~
優紀：「爸、媽，我返黎喇。」
優紀媽：「優紀，仲有一個星期我地就要移民喇，你辦好退學手續未呀？」
優紀：「我辦好喇。」
優紀回到房後，便陷入了沉思。
<<<筑紫已經搵到屬於佢既幸福，咁屬於我既幸福，我幾時先會搵到呢？我一直都好鍾意西門，但係佢又唔接受我，而家我要走喇，我一定要鼓起勇氣向佢表白。>>>
~類家~‥一小時後
類：「終於返到屋企喇。」
筑紫：「見你咁有誠意，我就原諒你啦。」
類：「好辛苦、好累呀。」
筑紫：「聽朝我親自下廚煮早餐俾你食保數喇，好唔好？」
類：「好呀，不過我而家要去訓覺喇，我真係好累呀。」
筑紫：「嗯，咁聽日我黎叫你起身丫。」
《待續》
