《愛是…》
by 紫雨
《第二回》
24April, 2003
< > 類心想
<< >> 筑紫心想
上回提要：西門、美作走到逃生樓梯，看見兩個熟悉的身影坐在樓梯上。
……………………………………………………………………………………
~逃生樓梯~
美作指著逃生樓梯的方向，說：「西門，你睇o下！坐在樓梯上果兩個人咪係類同埋筑紫。」
西門：「係喎。佢地做乜會響度訓架？」
美作：「唔好講喇，叫醒佢地先啦。」
於是，西門和美作便走到類與筑紫的旁邊。
西門：「阿類、筑紫，起身喇！夠鐘上堂喇。」
類與筑紫聽見西門的叫喚，便慢慢地張開他們的眼。
類：「西門、美作，你地做乜響度o既？」
美作：「應該係我地問你兩個響度做乜就真呀。」
於是，筑紫便向他們說出與道明寺之間發生了什麼事。
美作：「阿司真係好過份呀，就算失憶都唔可以咁講野架。」
類一臉愁容。<筑紫，原來昨天在你臉上的悲傷表情，是因為與阿司發生爭執所至。…我這個守護天使真係無用，我又再一次讓你感到悲傷。>
類這個表情，被一向觀察入微的西門看到。
西門關心地問筑紫：「咁你打算點做呀？」
筑紫：「昨天，我想了一整個下午，我決定左放棄阿司。」
花澤類一聽到筑紫決定要放棄阿司，心裡竟有一種喜悅的感覺。
美作：「你真係決定左放棄阿司呀？」
筑紫以堅決的語氣回答：「係。」
類雖然好鍾意筑紫，但他不想她日後會後悔今日所作的決定，所以就問她，「點解呀？」類又開始激動起來，「你同阿司經過左咁多波折先可以響埋一齊，佢而家只係失憶唧，你咁快就放棄！你一D都唔似我以前所認識o既筑紫。」
「花澤類，你知唔知呀，由我第一日同阿司開始拍拖起，我就要面對好多o既壓力，以前我都會一一去承受。但係我而家已經好疲累了，我再沒有多餘o既力氣去面對這一切。我要o既只係一段好普通o既感情，兩個人可以開開心心咁響埋一齊，但係這段感情，只會帶給我無限o既痛苦、悲傷、不幸。」筑紫的雙眼已經變得很紅了，但她還是強忍著淚水繼續說，「或者，我地分開對大家都好o既，始終我同阿司都係兩個唔同世界o既人，我地響埋一齊，只係一個錯誤，而家阿司失左憶，這可能係上天o既安排，想提醒我地唔好繼續錯落去。」
類：「對唔住呀！我無諗過你會承受咁大o既壓力。我知架喇，我會支持你這個決定。」
筑紫：「多謝你呀，花澤類。」
類：「以後都唔准你同我講多謝呀，仲有，你以後叫我阿類得喇，叫我全名感覺好似好生疏咁，知唔知呀？」
筑紫：「嗯…阿類、阿類。」
類：「喂，無事就唔好叫我呀。」
筑紫：「咁我要習慣一o下嘛，阿類。」之後，她向類做了一個鬼臉。
類：「丫，你……哈、哈，你好醜樣呀。」
西門與美作見到他們的表現，像極一對情侶在打情罵俏。
美作好似忽然記起什麼似地問：「係喎，阿類、筑紫，你地做乜會一齊訓左響條樓梯度o既？」
類：「係因為昨天我去探阿司果時，見到筑紫由醫院度衝左出o黎，我擔心佢有事咪跟住佢囉。之後，佢就返左o黎學校，坐左響條樓梯度諗野，佢諗諗o下就訓著左，我原本係想等到佢醒左，之後送佢返屋企架，點知等等o下連我都訓著埋，所以我地就係咁響度訓左一晚囉。」
西門：「哈、哈，你地真係勁，咁都可以響度訓著o既。」
美作：「嗯，仲好浪漫添呀，兩個人一齊蓋著一件樓。」
筑紫紅著臉對美作說：「美作，你係唔係未食早餐呀？」之後筑紫與美作就開始了一場追逐戰。
此時，西門很認真地對類說：「類，你係唔你鍾意左筑紫呀？」
「係。」類很爽快地回答，「由佢同阿司拍拖之前，我就已經好鍾意佢。只不過因為當時阿司追求緊佢，我唔想同阿司再一次鬧翻，所以我決定放棄，只係留響筑紫身邊做佢o既守護天使，幫助佢、關心佢、守護佢。」
「係鍾意佢就向佢表白啦。」西門幽幽地說，「唔係，你一定會後悔。」
類像是明白西門的心在想什麼的說：「西門，你都係呀。」
這一邊，西門和類相視而笑，而另一邊，美作就被筑紫狠狠地打一拳。
筑紫對著類與西門說：「終於教訓完美作喇，我返去上堂先。」說完，她的臉上閃過一絲哀傷的表情，但這個表情很快便消失了。
觀人於微的類看見筑紫臉上這個一閃即逝的哀傷表情，便關切地問，「你真係無事丫嘛？」
筑紫裝作開心的說：「我當然無事啦，走先喇。」
<筑紫，我看見你裝作若無其事個樣，我就會好心痛，而且仲好擔心你呀。>
<<類，點解你成日都會睇穿我個心諗緊D乜架？我只係唔想你地擔心，先會咁做架咋。>>
之後，筑紫便好瀟灑地走了，但她跟本沒有回到課室上堂。其實，剛才她只是裝作若無其事的樣子，但心裡卻是非常的痛。
《待續》
