《愛是…》
by 紫雨
《第四回》
26April, 2003
~兩日前~
~北海道~
筑紫與一個素未謀面的男子擦肩而過，及後她發現她的錢包不見了。於是，她便追上前質問那男子：「喂！你做乜偷左我個銀包呀？」
男子死口不認，筑紫就這樣跟他在街上拉扯起來。這時，不知道從哪裡跑了一個女孩，對著筑紫說：「你唔好再纏住我細佬呀！你這個狐狸精仲嫌害佢唔夠呀。」
筑紫一頭霧水地說：「小姐，我諗你認錯人喇。」
女孩：「我先唔會認錯人呀。」
筑紫：「我都係今日先第一次見佢咋，我拉住佢，係因為佢偷左我個銀包呀。」
女孩回頭說：「你係唔係…依!?佢去左邊呀？」
男子早就乘著女孩與筑紫談話的時候，便逃之夭夭了。
女孩：「唔好意思呀，剛才誤會左你。我叫堂本美雪，請問你叫咩名呀？」
筑紫：「我叫牧野筑紫，係由東京o黎架。」
美雪：「得你自己一個人呀？」
筑紫：「係呀，我而家身上已經無晒D錢喇，所以我真係好希望你可以幫我搵到剛才那位男子，我要問佢拿回我個銀包。」
美雪：「我細佬偷左你個銀包，而家你身上又無錢，在你的朋友搵到你之前，你不如先住響我屋企先，好唔好呀？」
筑紫別無他法，只好答應：「咁打搞晒喇。」
之後，美雪便帶了筑紫回家。
~阿寒湖溫泉旅館~
筑紫：「這間旅館係你開架？」
美雪：「只係我爸爸媽媽留俾我o既遺棄，自從佢地死左之後，就由我同我細佬一齊打理。」
筑紫：「對唔住呀，提起你D傷心事。」
美雪：「唔緊要，佢地都死左兩年喇。」
筑紫：「既然你係開旅館o既，不如我幫你手丫，咁我咪唔會響你度白食白住囉。」
美雪：「好呀，我細佬成日都唔響度，而家有你幫我手，咁我又唔駛咁辛苦喇。」
之後，美雪便帶了筑紫進入旅館，安頓好她後，便介紹其他員工給她認識。
美雪：「由左邊起係中村美智留、松島花梨、高橋達也，而這一位是這兒的廚師，我地都叫佢做源叔o既。」
筑紫：「大家好，我叫牧野筑紫，由今日起我會同大家一齊響度做野架，中村前輩、松島前輩、高橋前輩、源叔，請多多指教。」
花梨：「唔好叫我地前輩喇，叫我花梨，佢就叫艾智留，而佢就叫達也丫。」
筑紫：「嗯。」
美雪：「唔好傾住喇，係時候要準備晚飯俾客人食。」
眾人：「知道。」
今日入住旅館的人比平時的多，所以就算多了筑紫的幫忙，他們都忙得不可開交。
這兩天，筑紫都在這間旅館工作，更結識了四位新朋友。
今天晚上，美雪的弟弟回來了。
美雪：「真紀，你終於肯返o黎喇。你這幾天去左邊呀？」
真紀：「去左個朋友度囉。」
美雪：「前兩日，你係唔係偷左人地個銀包呀？」
真紀：「係咁又點呀？」
美雪：「係咁又點!?我要你即刻俾番個銀包筑紫。」
真紀：「D錢我已經用晒喇。」
「用晒!?你記唔記得你應承過我，話會改架？」美雪雙眼已經變得紅紅了，「爸爸媽媽死左之後，我就得番你一個親人咋。」
真紀：「家姐呀，我應承你，我一定會改架，你原諒我啦。」
而一直站在一旁的筑紫說：「美雪，錢方面我已經解決左喇，你就原諒佢啦。」
美雪：「筑紫。」
筑紫：「原諒佢啦。」
美雪：「既然筑紫幫你求情，我就原諒埋你最後這一次，下不違例呀。」
真紀不好意思地對筑紫說：「唔該你呀，D錢我會盡快還番俾你架。」
筑紫：「唔駛喇，你家姐俾我響度住，又請我響旅館度幫手。」
真紀：「咁唔係咁好o既。」
筑紫：「乜你咁婆婆媽媽架，我話左唔駛就唔駛。係喇，都未知你叫咩名，我叫牧野筑紫呀。」
真紀：「我叫堂本真紀。」
筑紫：「希望可以同你做到好朋友啦。我去做野先喇，再見。」
真紀已經被筑紫爽朗的性格深深吸引著。
~第二日‥英德學院~
美作：「類，你近排做咩呀？成日都屈響屋企度，又唔同我地出o黎玩。」
西門：「類，而家o既你，就好似以前o既你一樣，而且變得更加冷漠。」
類：「係咩？」
此時，類的手提電話響起。F3正奇怪著是誰打給類，因為類的手提電話號碼就只有他們、筑紫和靜知道。
類：「喂。」
柳澤：「花澤少爺，已經查到牧野小姐而家響邊喇。」
類：「咁你就快D講啦。」
柳澤：「係，少爺。牧野小姐而家響北海道一間小旅館度住。」
類：「間旅館個名係咩呀？」
柳澤：「阿寒湖溫泉旅館。」
類：「得喇，你即刻幫我訂張機票去北海道，之後安排個人帶我去果間旅館。」
類講完電話後，便立刻起身走了，留下了滿腦子疑問的F3。
《待續》
