《我的守護天使》 by紫雨
《第二回》 2003年4月11日
< >筑紫/雪見心想 << >>類心想
~筑紫病房內~
筑紫正熟睡在床上，而花澤類則坐在床邊守候她。
<見到你咁傷心，我又無o野可以幫到你，而且你又……>
想到此時，筑紫已經醒了過來。
類：你醒喇。
紫：花澤，點解我會目訓左係度o既？
類：你剛才暈倒了，所以我抱左你去搵醫生。而家好番D未呀？個心仲有無痛呀？
紫：好番好多，而家無痛喇。
類：咁就好喇。我通知左你父母話你入左醫院，佢地之前都有o黎過探你，不過你當時仲未醒，所以佢地o黎左一陣就走左。
紫：唔該晒你呀！
類：仲有，剛才我幫你打左電話去蛋糕店度辭職，你以後唔可以咁辛苦架喇。
紫：o下!?點解幫我辭工呀？仲有，點解你會知道我個心痛o既？
類：……(類自知剛才失言，現在無言以對。)
紫：花澤，你有咩瞞住我，到底醫生話我有咩事呀？
類：筑紫，其實……其實你有心臟病。
紫：我有心臟病！
類：你放心，好在及早發現到，只要接受治療，就一定可以醫番好。
紫：嗯，希望可以啦。
此時，有一男子衝了進來，慌張的叫到：雪見！你有無事呀？
紫：爸爸!?你點解會係度o既？
類一聽到筑紫稱呼眼前這個男人為爸爸，內心感到很疑惑。
(為方便起見，以後我會稱呼牧野筑紫為草摩雪見，而雪見爸爸的姓名則是草摩智也。)
也：我好擔心你呀，我一接到牧野夫婦的電話話你入左醫院，我就即刻由美國飛返番o黎睇你。係喇，醫生話你咩事呀？做乜無端端暈底左？
雪：我…我無事呀。
智也看見雪見遲疑了一會才回答，便說：你唔好諗住呃我呀，你知道我要查一樣o野，不消半句鐘就可以有結果架啦。
雪：爸爸，其實我有心臟病。不過你唔晒擔心，好在發現得早，只要接受治療，就可以好番。
也：咁就好喇。咁駛唔駛返去美國醫呀？
雪：唔駛啦，我想留在日本呀。
也：嗯……係喎，都未請教這位男仔係邊個。
雪：佢係我個好朋友花澤類。
也：你好，我係雪見o既爸爸。小女o既事麻煩到你，唔好意思。
類：世伯，唔好咁講，筑紫…雪見係我好朋友，照顧佢都好應該。
也：雪見，見到你無乜事，咁我返去分公司度交帶落D公事先，遲些時候先再o黎探過你。
雪：嗯。Bye-bye.
也：走先喇，麻煩你幫我照顧雪見。
類：世伯，你放心啦，我會架照顧佢。再見。
當草摩智也離開後，病房內剩下雪見與充滿疑惑的類。
類：你可唔可以話俾我聽到底發生咩事？
雪：可以。其實，我個真名叫草摩雪見，剛才果位係我爸爸，草摩智也。
類：草摩智也!?咁你即係世界首富個女！
雪：係。五年前，因為我想過一D平凡生活，所以我媽媽託佢兩位朋友亦即係牧野夫婦照顧我。爸爸每個月都會寄D錢俾我，但係我從來無用過，我將所有錢儲起晒。因為我覺得要體驗平凡生活，就唔可以用爸爸D錢，要用錢就要靠自己雙手去賺。所以，在這五年來，我都係以牧野筑紫這個身份，過住貧窮o既生活。
類：哦，原來係咁。
雪：阿類，你陪左我咁耐，都應該返去休息啦。
類：唔駛，而且我仲應承左世伯留係度照顧你添。
雪：隨得你啦。
類：……你同阿司點呀？
雪：我地o既感情終於畫上句號。你唔駛擔心我喎，係我自己決定o既，反而你仲要戥我高興添呀，我終於恢復自由喇，而且再不用面對“太后”。
類：嗯，咁咪幾好。
<雪見，我見到你係度強顏歡笑個樣，我真係好心痛，我恨我自己當初點解唔好好珍惜你。當阿司宣佈和你拍拖時，我個心真係好痛，當時我有衝動想搶返你，但我最終都無咁做到，選擇左做你的守護天使。不過我這個守護天使，跟本就守護唔到你，仲要你受左咁多苦。>
這夜，他們有一搭沒一搭地談至深夜，而類就在心中暗自下了一個決定。
~英德學院內~
美作：阿類同筑紫已經兩日無返學。打電話去佢兩個o既屋企都係話佢地已經兩日無返過去。
西門：我問過優紀，佢話筑紫已經無係蛋糕店度做喇，而且係阿類打電話俾老闆娘幫筑紫辭職，話係為左一D私人理由，都無講底其他野就收左線。
美作：唔知佢地發生左乜事呢？
西門：睇o黎，而家只可以等佢地自動出現。
美作：唯有係咁啦。
~醫院內~
草摩智也在過往兩都因公事繁忙而沒有來探雪見，今日下午又要飛返美國開會，所以剩著早上這段空檔時間去探雪見。當他來到病房時，看見雪見正在熟睡，而睡在床邊的類，他的手卻緊握著雪見的手，周圍的空氣都好像散發著幸福凡氣息。草摩智也見到此情境，在心中暗自做了一個決定。此時，雪見好像察覺到有人在看著他倆般醒過來。
睡眼惺忪的雪見看著草摩智也，說：爸爸，你o黎左呀，早晨呀。
類依然還在熟睡中，手也緊握著雪見的手。
也：雪見，我下晝要返美國開會，短期內都返唔到o黎睇你，你自己小心D。仲有，出左院之後，唔好再去打工喇。
雪：我會架喇。爸爸，麻煩你臨走前幫我去學校度改番晒D個人資料，我要恢復番草摩雪見o既身份。
也：我會的。你要多D休息，我走喇。
草摩智也離開不久後，類就醒了。
類：早晨。
雪：早晨呀，睡寶寶。嗯。係喇，醫生有無話過我幾時可以出院呀？
類：你好想出院咩？
雪：當然啦！只要可以出院，我咩都應承你。
類：同你出院都得，不過，出院之後你要去我屋企住，方便我照顧你。仲要定期返o黎接受治療。咁你應唔應承我呀？
雪：你知唔知英德有幾多女生想花澤少爺你照顧佢地呀。既然而家你開到口話要照顧我，我當然應承你啦。
類：咁我去辦出院手續先。
雪：唔該你呀。
下晝，類便接了雪見出院到自己家中。
~類家中~
雪：類，我明天可唔可以去返學？我怕，若我再唔返學，我會跟唔上進度。
類：好，不過你已經無返四日學，又無請假，佢地一定會當你係曠課而停你學。咁啦，明天我同你去搵校長，要求佢俾你復課。
雪：唔使麻煩你喇，我爸爸已經幫我去學校度改番晒D個人資料，我明天開始就會恢復番草摩雪見o既身份在英德讀書。所以，你以後就要改口叫我雪見，或者阿雪。
類：得啦。不過，你以後返學、放學都要有我接送，知唔知呀？唔係你暈左都無人知呀。
雪：得喇。
類：我吩咐左傭人去你屋企，幫你拿些日用品過o黎。你而家去休息先，食晚飯時我會去叫你。
雪：唔該晒呀。
<<類，多謝你呀。好在有你在我身邊支持我、鼓勵我、幫我，唔係我都唔知點支持落去。>>
《待續》
作者的話：
好開心呀！又完成一回喇。多謝大家俾時間去睇我篇番外，我會努力去寫篇好ｏ既番外俾你地睇架！麻煩大家睇完我篇番外，去ｏ下我個留言板度留個言，俾Ｄ意見我。Thanks！
留言板：http://www.yjjh.tp.edu.tw/book/guestbook.asp?user=purple-rain
