Give You My Heart 人物介紹
橘慶太
~w-inds.主音,樣貌俊朗,性格隨和,暗戀瓜子
千葉涼平
~w-inds.伴唱,文靜有禮,怕羞仔一名,暗戀美子
緒方龍一
~w-inds.伴唱,得意攪笑,屬貪玩之人,暗戀Fanny
瓜子
~中四學生,性格爽朗,得人鍾意,鍾意慶太
美子
~中四學生,唔鍾意同人講野,鍾意涼平
Fanny
~中四學生,過度開朗,乜都笑得一大餐,鍾意龍一
第一集
Fanny,瓜子同美子期待已久既日本之旅,今日起程啦~佢地今次名義上係去日本留學實際上佢地有共同既目標就係去搵w-inds.!經過5個鐘頭既機程之後,終於到達日本成田機場啦~佢地三個充滿希望,導師把佢地住個間屋既地址比左佢地,之後佢就開始搵住個間屋啦~
沿途中,Fanny(一直埋怨):哎呀!好心佢地就同我地搵埋屋啦~坐完咁耐飛機已經腰都硬埋啦!而家仲要搵屋,又要搵極都搵唔到喎~我隻腳就黎行唔郁啦~
瓜子(用殺死人既眼神):你已經由機場嘈到黎涉谷啦~你煩唔煩嫁?你再嘈我就炳你~
Fanny即躲在美子身後,好似向美子求救咁~
美子(冇佢地咁好氣):算啦~行左咁耐,我都有點累啦~不如搵個地方坐低食d野,休息下先啦~
瓜子(好無奈咁):係你先會就晒佢嫁咋~
佢地行左一間cafe食左d野,休息完又開始搵屋啦~突然Fanny又冇那那大叫!
瓜子正想行過去了解下咩事既時候,
Fanny(好興奮咁):搵到啦~搵到我地間屋啦~好野!唔駛行啦!
美子(對對手上既地址):係喎~地址冇錯呀!係呢間啦~快d開門睇下啦!瓜子~
瓜子立即拿鎖匙開門,一打開度門,裏面咩都有齊晒!仲有兩層!有4間房!
佢地立即分配房間後!
Fanny就去自己間房好快就訓著左(可能之前講得太多野)~
瓜子同美子就係度執下行李~
過左一陣,
瓜子(失驚冇神):聽講涉谷好鬼多野行嫁,一齊出去睇下呀!
美子(聲音柔弱):我有d唔係咁舒服呀~你同Fanny去啦~我想係屋企休息下!
瓜子(好擔心咁):你冇野呀嗎?駛唔駛睇下醫生呀?
美子:唔駛啦!我諗我太累!休息下就冇野嫁啦~唔駛擔心我喎~
瓜子(有點疑惑):你真係掂?咁我叫Fanny叫醒佢去嫁啦!
美子(手指指向樓上,示意瓜子上樓):我真係冇野呀~你上去叫Fanny啦~